1 Peter 1:8 - Chishemanituu Utayimuwin: Kaa Uskaach Testament

⁸ Aat ekaa wiiskaat uhchi waapamekw Jesus yaapach chisaachihaawaau kaye maak aat ekaa waapamekw anuhchiish yaapach chichii taapweyimaawaau. Chichii muuchicheyihtenaawaau, an maak e ishpish muuchicheyihtamekw namui nihaau chichii wiihtenaawaau taan e ishpish miyeyihtamekw.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁸ ᐋᑦ ᐁᑳ ᐐᔅᑳᑦ ᐅᐦᒋ ᐙᐸᒣᒄ ᒌᓴᔅ ᔮᐸᒡ ᒋᓵᒋᐦᐋᐙᐤ ᑲᔦ ᒫᒃ ᐋᑦ ᐁᑳ ᐙᐸᒣᒄ ᐊᓄᐦᒌᔥ ᔮᐸᒡ ᒋᒌ ᑖᐺᔨᒫᐙᐤ᙮ ᒋᒌ ᒨᒋᒉᔨᐦᑌᓈᐙᐤ, ᐊᓐ ᒫᒃ ᐁ ᐃᔥᐱᔥ ᒨᒋᒉᔨᐦᑕᒣᒄ ᓇᒧᐃ ᓂᐦᐋᐤ ᒋᒌ ᐐᐦᑌᓈᐙᐤ ᑖᓐ ᐁ ᐃᔥᐱᔥ ᒥᔦᔨᐦᑕᒣᒄ᙮

1 Peter 1:8 Iomraidhean Croise

Matthew 10:37

“Awen uste uhtaawiih maak ukaawiih saachihaate ishpishaat niya, namui tepicheyihtaakusuu chechii pechi nuushuushkuut. Kaye awen uste saachihaate ukusisa maak utaanisa ishpishaat niya, namui tepicheyihtaakusuu chechii pechi nuushuushkuut.

John 14:15

“Chiishpin saachihiiwekwe maak chika nanihiihtaunaawaau wesh taan kaa itashumitakuch chechii ihtiyekw.

John 14:21

“An awen che taapwehtamukwe kaye che nanihiihtamukwe taan e itashuweyaan eukw an awen kaa saachihiit. Chika saachiheu Nuuhtaawii aniyuu aweyuu kaa saachihiyich, kaye niya maak nika saachihaau an awen kaye nika ihtuutawaau chechii miyu chischeyimit.”

John 14:24

An awen ekaa kaa pechi saachihiit namui nanihiihtam nitayimuwiniyuu. Uu kaa ishi pehtamekw namui niya e ihtaayaan uhchipayuu maak Nuuhtaawii e ihtaat uhchipayuu, an kaa pechi itishahuut.”

John 16:22

Ekun maak mwehch kaye chiyawaau, anuhchiish chimisimeyihtenaawaau. Mikw maak iskutak miin waapamitakuche naashch taapwe chika miyeyihtenaawaau. Namui maak awen chika uhchii ihtuutaakuwaau chechii miskamitaakw chimuuchicheyihtamuwinawaayuu.”

John 20:29

Jesus kaa itaat, “Chitaapwehten aa mikw e pechi waapamiin. Shaweyihtaakusuuch anichii kaa taapwehtahkwaau aat ekaa uhchi waapamitwaau.”

John 8:42

Ekw Jesus kaa itaat, “Taapwe Chishemanituu wehtaawiiwekwe, chipaa saachihiinaawaau wesh Chishemanituu e ihtaat nuuhchiin ekw maak utah piyechi ihtaayaan. Namui niya nuuhchi pechi itishahusun, wiya Chishemanituu nichii pechi itishahuukw.

ᐊᐸᔅᑕᓚᒡ 16:34

Ekw anite wiichihch kaa ituhtahaat aniyuu Paul ekw maak Silas, kaa miyaat miichimiyuu chechii miichisuyich. Naasch maak chii miyeyihtam kaye aniyuu anit e peyakuteusiit chii muuchicheyihtamiyuu e taapweyimaatwaau Chishemanituu.

Romans 14:17

Wesh anite Chishemanituu uchisheuchimaawinihch taapaa namayeyuu taan e ishi miichisut awen maak chekwaayuu menihkwet naashch kenawaapahtaakanuhch. E kuiskutaatiisiihkw kaye e miyu wiicheuhkwaauh awenichii ekw maak e miyeyihtamuhkw chitehiinaahch eukuu chihchiwe e iteyihtaakuhch Chishemanituu uchisheuchimaawinihch. Payehchi Ahchaahkw maak miiweu uyuu chechii ishi pimaatisiinaanuwiyich.

Romans 15:13

Chishemanituu, an kaa ihtuutaatahkw chechii ayaayihkw aspeyimuwin eukun an netutamuuk tekash chechii miyeyihtamihiitaakw kaye chechii chiyaameyihtamuwekw e taapweyimekw. Ekw maak Kaa payehchisit Ahchaahkw usuuhcheyihtaakusuwin chechii ihtuutaakuyekw etituu chechii aspeyimitutawekw Chishemanituu.

1 Corinthians 16:22

Awen ekaa saachihaate Utipeyihchikeu, ekush chika waweshihiikuu Chishemanituu. Takushin maa, Utipeyihchikeu.

2 Corinthians 1:22

Chichii miikunuu kaye Utahchaahkwa chitehiinaahch chechii ihtaayich kaye chechii cheshtinaateyihtamihiikuuhkw taapwe e tipiyeusiitutaatahkw. Ekut kaye wehchi cheshtinaateyihtamahkw cheshtinaash misiwe che miskamuhkw taan e ishi ayeskuushtamaatahkw.

2 Corinthians 12:4

Ekute kaa pehtahk itwewinh ekaa kaschihuupayihch muhch chechii wiihtaakanuuhkwaau kaye ekaa pachishtinikanuuhch chechii wiihtaakanuuhkwaau.

2 Corinthians 4:18

Wesh taapaa aniyuuh muhch kaa nuukuhkwaau chekwaayuuh chikanawaapahtenaanuu. Aniyuu ekaa kaa nuukuhkwaau eukun aniyuuh kenawaapahtamuhkw. An muhch kaa nuukuhch weipishchiish mikw ihtakun. Ekw an ekaa kaa nuukuhch eukw kaachiche e ihtakuhch.

2 Corinthians 5:7

Wesh utah e pimaatisiihkw an taan e ishi taapwehtamukw chitaspeyimututenaanuu aat eshkw ekaa waapahtamuhkw taan che ishi miitahkw Chishemanituu.

2 Corinthians 9:15

Nanaaskumaataau Chishemanituu aniyuu umiiwewin. Namui nihaau chii wiihtaakanuuyuu e ishpish miyeyihtaakuniyich.

Galatians 5:22

Ekw maak anichii Kaa payehchisiyich Ahchaahkw kaa pachishteyihtamuwaatwaau chechii tipeyihtamiyich e ishi pimaatisiitwaau kaye wiyawaau chiihkaanaakuniyuu taan nihaau e ishi pimaatisiitwaau. Saachihiiweuch, muuchicheyihtamuch, chiyaameyihtaakusuuch, siipiiwesiyuuch, miyeyihtaakusuuch, miyutuutamuch, taapweucheyihtaakusuuch,

Galatians 5:6

Namui wiyeshin chestinuwaachishukuwaahche maak ekaa chestinuwaachishukuwaahche e wiichewachiht Jesus Christ. An chihchiwe e iteyihtaakuhch eukuu chechii saachihiituyihkw e taapweyimahkw.

Ephesians 3:19

Nitutamaan chechii chischeyihtamuwekw usaachihiiwewin, aat e ishinaakuniyich ekaa wiiskaat tekash chechii chischeyihtaakuniyich. Chischeyihtamuwekwe Christ usaachihiiwewin ekw che saakaschineshkaakuwekw Chishemanituu utiteyihtaakusuwin.

Ephesians 6:24

Chiyawaau kaachiche che saachihekw Chitipeyihchikeminuu Jesus Christ chika wii shaweyimikuwaau.

Philippians 1:25

Nicheshtinaahun maak taapwe e nituweyihtaakusiyaan eshkw etituu chechii pimaatisiyaan utah aschiihch chiyawaau uhchi. Nichischeyihten maak che ihtaayaan anit e ihtaayekw chechii wiichihiitakuch wetaach chechii suuhchikaapuuyekw e taapweyimekw Christ kaye chechii muuchicheyihtamekw an uhchi.

Philippians 3:3

Chiyaanuu eukw taapwe weutiiniimihtutaatahkw Chishemanituu, chiyaanuu Utahchaahkwa kaa wiichihiikuuhkw e nuuchiishtuuhkw kaye maak chichisteyihtaakuhaanuu Christ Jesus wiya e chii ihtuutaatahkw chechii utiiniimitutaakuuhkw Chishemanituu. Namui wii uschich taan e ihtuutaasuyihkw chika chii uhchi maamihchimunaanuu.

Philippians 4:4

Muush miyeyihtamukw e taapweyimekw Utipeyihchikeu. Miin maak chititinaawaau miyeyihtamukw.

Hebrews 11:1

E taapweyimahkw Chishemanituu chicheshtinaahunaanuu che ispayihch taan e ishi aspeyimuyihkw, chicheshtinaahunaanuu e ihtakuhkwaauh aniyuu chekwaayuu ekaa kaa waapahtamuhkw.

Hebrews 11:27

Moses maak e chii taapweyimaat Chishemanituu chii wiyeyihtam chechii nakatahk Egypt aschiiyuu ekaa uhchi kushtaachit, aat e chii mista chishuwaasiyich chisheuchimaauh. Moses naashch taapwe chii siipiiwesuu mwehch mitun e waapamaat Chishemanituu, aniyuu ekaa wiiskaat uhchi waapamikuyich naapeuh ekun kaa ishi pimaatisiit Moses.

1 Peter 1:6

Aat e iteyihtaakuhch weipishchiish chechii nachishkamekw nanaahkuu chekwaan naashch e aayimihch, nuwach chika miyeyihtenaawaau an maahchishtai chiishikaache.

1 Peter 2:7

chiyawaau maak kaa taapwehtamekw chihchiwe chititeyimaawaau uu asinii. Ekw maak anichii ekaa kaa taapweyimaatwaau che wii chischisitwaau uyuu kaa itashteyich anite masinahiikanihch uyuu asinii e aayimuumaakanuyich, Aniyuu asinii kaa aatuweyimaatwaau anichii kaa waaskaahiikanihchetwaau eukw aniyuu maauch niikaan kaa iteyihtaakusiikupanen.

1 Peter 5:4

Ekw maak iskutak pechi nuukusite an maauch kaa niikaaneyihtaakusit maanishchaanishuiinuu che miikuyekw an maauch e chisteyihtaakuhch kaaniyuwin an ekaa wiiskach che uhchi paasikunaakuhch.