1 Peter 1:6 - Chishemanituu Utayimuwin: Kaa Uskaach Testament

⁶ Aat e iteyihtaakuhch weipishchiish chechii nachishkamekw nanaahkuu chekwaan naashch e aayimihch, nuwach chika miyeyihtenaawaau an maahchishtai chiishikaache.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

⁶ ᐋᑦ ᐁ ᐃᑌᔨᐦᑖᑯᐦᒡ ᐌᐃᐱᔥᒌᔥ ᒉᒌ ᓇᒋᔥᑲᒣᒄ ᓇᓈᐦᑰ ᒉᒀᓐ ᓈᔥᒡ ᐁ ᐋᔨᒥᐦᒡ, ᓄᐗᒡ ᒋᑲ ᒥᔦᔨᐦᑌᓈᐙᐤ ᐊᓐ ᒫᐦᒋᔥᑕᐃ ᒌᔑᑳᒉ᙮

1 Peter 1:6 Iomraidhean Croise

Matthew 11:28

“Pechi naashikw misiwe chiyawaau kaa mistaapatisiyekw kaye kaa pwaauteyekw, chika miitinaawaau chechii ayuwepiyekw.

Matthew 26:37

Naashch maak chii misimeyihtam Jesus kaye naashch chii kusikuteheu.

Matthew 5:12

Miywaatamukw wesh chika mishaau chitipahamaakusiiwinawaau taan e ishi kanuweyihtaakuhch anite kihchikiishikuhch. Wesh ekun mwehch kaa ishi nanehkaachihaakanuutwaau anichii chischiwehiichesuuch anite utaahch.”

Luke 1:47

Kaye naashch taapwe nisichiyesin e maamituneyihtamihiikuuch aniyuuh taan kaa ishi ihtuutamuut Chishemanituu nipimaachihiiwem.

Luke 10:20

Ekaawii miyeyihtamukw mikw e chii shaakuuchihekuch machiahchaahkuch, uste miyeyihtamukw chitishinihkaasuwinaawaauh e masinaatekwaau kihchikiishikuhch.”

Luke 2:10

Ekw kaa itikutwaau aniyuu enchil, “Ekaawii sechisikw. Wesh chiwii wiihtamaatinaawaau miywaachimuwin, misiwe awen pehtahke chechii miyeyihtahk.

John 16:22

Ekun maak mwehch kaye chiyawaau, anuhchiish chimisimeyihtenaawaau. Mikw maak iskutak miin waapamitakuche naashch taapwe chika miyeyihtenaawaau. Namui maak awen chika uhchii ihtuutaakuwaau chechii miskamitaakw chimuuchicheyihtamuwinawaayuu.”

John 16:33

Chichii wiihtamaatinaawaau uu chechii uhchi ayaayekw chiyaameyihtamuwin anite niya e ihtaayaan. Chikaa nanekaateyimuhiikunaawaau utah aschiihch. Suuhk wii suuhchitehekw, wesh shaash nichii shaakuuchihaau an kaa tipeyimaat aniyuu aweyuu ekaa kaa aapateyimaayich Chishemanituu.”

ᐊᐸᔅᑕᓚᒡ 14:22

Ekut anit kaa ayimihaatwaau aniyuu aweyuu kaa taapweyimaayich Jesus e siihchimaatwaau chechii memechiminimiyich utaapwehtamuwiniyuu. Chii iteuch kaye e nituweyihtaakuniyich awen chechii nachishkahk nanaahkuu chekwaayuuh e aayimaniyikwaau ekw maak chechii piihchet Chishemanituu uchisheuchimaawinihch.

Romans 12:12

Chitaspeyimututawaawaau Chishemanituu muush maak miywaatamukw. Suuhk siipiiwesikw nenehkaateyimuyekw. Muush kaye ayimihaakw.

Romans 5:11

Eyuu maak naashch chimiyeyihtenaanuu Chishemanituu shaash e chii nihiipayihtaat chechii miyu wiicheuhkw Chitipeyihchikeminuu Jesus Christ uhchi.

Romans 5:2

Christ chichii ihtuutamaakunaanuu muush ekw chechii chischeyihtamukw Chishemanituuh ushaweyihchichewin chipimaatisiiwinaahch. Ekw maak meyeyihtamuhkw e cheshtinaateyihtamuhkw eshkw tekash che chischeyihtamihiitahkw Chishemanituu uchisteyihtaakusuwin.

Romans 9:2

Naashch taapwe nikusukumahchihun kaye muush pimipayuu naashch e maakushkaakuyaan e maamituneyimakwaau niich Israel iinuuch.

2 Corinthians 4:17

Namui naashch chekwaan iteyihtaakun taan e ishi nachishkamuhkw kaye maak an taan e ishi nachishkamuhkw namui chineush chika uhchi pimipayuu. Wesh Chiwiichihiikunaanuu chechii ayaayihkw kaachiche chisteyihtaakusuwin. Etituu maak mistahii iteyihtaakun uu ishpishaat taan e ishi nachishkamuhkw.

2 Corinthians 6:10

Ihtakun e ishi misimeyihtamaahch. Yaapach maak nimiywaatenaan. Namui niweyuutisiinaan. Yaapach maak nitihtutawaanaanich awenichii chechii ayaatwaau chihchiwe weyuutisiiwiniyuu. Aat ekaa chekwaan tipiyeusiyaahch, yaapach misiwe chekwaan e tipiyeusiyaahch nitishinaakusinaan.

Galatians 5:22

Ekw maak anichii Kaa payehchisiyich Ahchaahkw kaa pachishteyihtamuwaatwaau chechii tipeyihtamiyich e ishi pimaatisiitwaau kaye wiyawaau chiihkaanaakuniyuu taan nihaau e ishi pimaatisiitwaau. Saachihiiweuch, muuchicheyihtamuch, chiyaameyihtaakusuuch, siipiiwesiyuuch, miyeyihtaakusuuch, miyutuutamuch, taapweucheyihtaakusuuch,

Philippians 2:26

Pukuweyihtam miin chechii waapamitaakw misiwe. Chii mukushkaachishkaakuu e chii wiihtaamaakuwekw e chii aahkusit.

Philippians 3:3

Chiyaanuu eukw taapwe weutiiniimihtutaatahkw Chishemanituu, chiyaanuu Utahchaahkwa kaa wiichihiikuuhkw e nuuchiishtuuhkw kaye maak chichisteyihtaakuhaanuu Christ Jesus wiya e chii ihtuutaatahkw chechii utiiniimitutaakuuhkw Chishemanituu. Namui wii uschich taan e ihtuutaasuyihkw chika chii uhchi maamihchimunaanuu.

Philippians 4:4

Muush miyeyihtamukw e taapweyimekw Utipeyihchikeu. Miin maak chititinaawaau miyeyihtamukw.

1 Thessalonians 1:6

Taan kaa ishi waapamiyaahch e itaatisiyaahch ekun kaye chiyawaau kaa ati itaatisiyekw. Ekw maak eyuu Utipeyihchikeu kaa ati naspituwekw. Aat maak naashch e chii nanehkaachihiikuyekw yaapach chichii ihtuutaakuwaau Kaa payehchisiit Ahchaahkw chechii muuchicheyihtamekw e utinamaasuyekw miywaachimuwin.

James 1:2

Niichishaanitikw, miyeyihtamukw nanaahkuu e ishi kakwechihiikuyekw.

James 1:9

Chiichishaanuu kaa chistimaatisiit chipaa miyeyihtam Chishemanituu e chisteyihtaakuhiikut.

James 4:9

Mihchiiwesikw, macheyihtamukw kaye maatukw. Maatukw ishpish wii chechii paahpiyekw. Mishimeyihtamukw ishpish wii chechii miyeyihtamekw.

1 Peter 3:17

Nanehkaateyimuyine an uhchi e miyutuutaman, Chishemanituu maak e pachishtinahk uyuu chechii ispayuut, uste miywaau e nanehkaateyimuyin e miyutuutaman ishpish wii chechii nanehkaateyimuyin e machituutaman.

1 Peter 4:7

Shaash peshunaakun misiwe chekwaan che iskwaapayihch. Chinituweyihtaakusinaawaau chechii ishi nanaakatuweyihtamekw taan e ihtiyekw kaye ashuwaapikw e ayimihaayekw.

1 Peter 5:10

Iskutak maak chiishi nanehkaateyimuyekwe chika ihtuutaakuwaau Chishemanituu miin chechii wiikaapuwekw, chika miikuwaau maskuushiiwiniyuu, chika yaaichikaapuuhiikuwaau, kaye chika sakascheyimuhiikuwaau. Chishemanituu an kaa ayaat misiwe shaweyihchichewiniyuu chiwiishaamikunuu chechii wiichihiiweyihkw anite kaachiche uchisteyihtaakusuwinihch Christ e ihtaayich uhchi.