1 Peter 1:3 - Chishemanituu Utayimuwin: Kaa Uskaach Testament

³ Maamihchimaataau Chishemanituu, Chitipeyihchikeminuu Jesus Christ Uhtaawii. Aniyuu e ishpish naashch chistimaacheyimitahkw chichii miikunuu e uskaayich pimaatisiiwiniyuu kaa wanishkaanaat Jesus Christ nipuwinihch uhchi. Ekut maak wehchi ayaayihkw aspeyimuwin e cheshtinaateyihtaakuch,

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

³ ᒫᒥᐦᒋᒫᑖᐤ ᒋᔐᒪᓂᑑ, ᒋᑎᐯᔨᐦᒋᑫᒥᓅ ᒌᓴᔅ ᙭ ᐅᐦᑖᐐ᙮ ᐊᓂᔫ ᐁ ᐃᔥᐱᔥ ᓈᔥᒡ ᒋᔅᑎᒫᒉᔨᒥᑕᐦᒄ ᒋᒌ ᒦᑯᓅ ᐁ ᐅᔅᑳᔨᒡ ᐱᒫᑎᓰᐎᓂᔫ ᑳ ᐗᓂᔥᑳᓈᑦ ᒌᓴᔅ ᙭ ᓂᐳᐎᓂᐦᒡ ᐅᐦᒋ᙮ ᐁᑯᑦ ᒫᒃ ᐌᐦᒋ ᐊᔮᔨᐦᒄ ᐊᔅᐯᔨᒧᐎᓐ ᐁ ᒉᔥᑎᓈᑌᔨᐦᑖᑯᒡ,

1 Peter 1:3 Iomraidhean Croise

John 1:13

Aniyuuh maak kaa taapweyimikut uschi pimaatisiyuuh Chishemanituu e ihtaayich uhchi, namui wii muhch iskweu ekw maak naapeu e ihtaayich uhchi pimaatisiyuuch namui kaye iinuu utiteyihtamuwiniihch uhchi. Taapwe Chishemanituu e ihtaayich chii uhchi uschi pimaatisiyuuch.

Romans 12:12

Chitaspeyimututawaawaau Chishemanituu muush maak miywaatamukw. Suuhk siipiiwesikw nenehkaateyimuyekw. Muush kaye ayimihaakw.

Romans 15:13

Chishemanituu, an kaa ihtuutaatahkw chechii ayaayihkw aspeyimuwin eukun an netutamuuk tekash chechii miyeyihtamihiitaakw kaye chechii chiyaameyihtamuwekw e taapweyimekw. Ekw maak Kaa payehchisit Ahchaahkw usuuhcheyihtaakusuwin chechii ihtuutaakuyekw etituu chechii aspeyimitutawekw Chishemanituu.

Romans 4:25

Jesus chii pachishtinaakanuu chechii nipistamaatahkw chechii wepeyihtamaakuyihkw chimachihtwaawinuuh, ekw maak aniyuu kaa wanishkaanaakanuut nipuwinihch uhchi ekut kaa uhchi ishinaakuhch kuiskutaatisiiwinihch chechii ishi kanawaapamitahk Chishemanituu.

Romans 5:10

Eshkw maak mekwaach ekaa mitun uhchi aapateyimahkw Chishemanituu yaapach chii uhtinam taanite chechii uhchi ishinaakuniyich chechii ati miyu wiicheuhkw. Kaa nipistamaakuuhkw Christ ekut kaa uhchi nihiipayihtaat uyuu chechii ishinaakuniyich. Ekw maak anuhchiish e miyuwicheuhkw Chishemanituu cheshtinaateyihtaakun che pimaachihiitahkw Jesus upimaatisiiwiniihch uhchi.

Romans 8:11

Chiishpin paahchishkaataakwenh uu payehchisiyuu Ahchaahkwa an kaa wanishkaanaat Jesus nipuwinihch uhchi cheshtinaash chika wanishkaanikuwaau kaye chiyawaau nipuwinihch uhchi aniyuuh uu payehchisiyuu Ahchaahkwa uhchi. Ekut maak chechii uhchi pimaachihtaakanuuhkwaau aniyuuh chiiyuuwaauh kaa ishinaakuhkwaauh che nipiimakahkwaau.

Romans 8:24

Ekw maak e ishinaakusiihkw kaa ishpish pimaachihiitahkw Chishemanituu e aspeyimuyihkw che utihchipayihch uu. Iskutak maak chii utihchipayihche kiipaa namui ekw chika uhchi ashuwaapahtenaanuu. Wesh taapaa ashuwaapahtam awen chekwaayuu chechii ispayiyich shaash e chii ispayiyich.

1 Corinthians 13:13

Nishtu chekwaayuu namui wiiskaat chika uhchi iskwaapayuuh, eukw uyuuh. Taapwehtamuwin, aspeyimuwin ekw maak saachihiiwewin. An maak maauch chesteyihtaakuhch eukuu saachihiiwewin.

1 Corinthians 15:20

Mikw maak taapwemakan Christ kaau e chii wanishkaanaakanuut kaa nipit. Ekut maak wehchi cheshtinaateyihtaakuhch kaye wiyawaau che wanishkaanaakanuutwaau anichii kaa nipitwaau e chii taapweyimaatwaau Christ.

2 Corinthians 1:3

Kata wii maamihchimaakanuu Chishemanituu Chitipeyihchikeminuu Jesus Christ Uhtaawiih. Eukw uu uhtaawiimaau muush kaa chishewaatutawaat aweyuu kaye kaa kaachiichihaat aweyuuh misiwe e ishi aayimuhuyich.

Galatians 6:16

Ekw maak misiwe anichii kaa nuushunehahkwaau uyuu chiskutamaachewiniyuu, Chishemanituuh chika miikuuch chiyaameyihtamuwiniyuu kaye chika chistimaacheyimikuuch kaye ekun che ihtuutawaat misiwe utiiniimh.

Ephesians 1:17

Ninitutamuwaau Chishemanituu Chitipeyihchikeminuu Jesus Christ Uhtaawii an maauch kaa chisteyihtaakusit chechii miitaakw Utahchaahkwa aniyuuh che kachehtaaweyihtamihiitaakw kaye che chischeyihtamihiitaakw taanite chechii uhchi chischeyimekw Chishemanituu.

Ephesians 1:3

Nanaaskumaataau Chishemanituu, Chitipeyihchikeminuu Jesus Christ Uhtaawii. Aniyuu e wiicheumihkw Christ, Chishemanituu chichii shaweyimikunuu e chii miitahkw misiwe ahchaahkw shaweyihchichewinh taan e ishi ihtakuhkwaauh kihchikiishikuhch.

Ephesians 1:7

Wesh Christ kaa nipistamaatahkw aashiteyaahtikuhch, ekut kaa uhchi aapihkunikuyihkw, chimachihtwaawinuuh chichii wepeyihtamaakunaanuu. Taapwe mishaayuu Chishemanituu ushaweyihchichewin.

Ephesians 2:4

Mikw maak aniyuu naashch e mishaayich Chishemanituu uchishewaatisiiwin, kaye maak aniyuu e ishpish mista saachihiitahkw,

Ephesians 3:20

Chishemanituu, an umaskuusiiwin e aapatisiimakaniyich chipimaatisiiwinaahch uste yaapach chika chii ihtuutamaakunuu taan e ishpish nitutamuuhkw kaye uste yaapach chika chii ihtuutamaakunuu taan e iteyimahkw chechii ihtuutamaatahkw.

Colossians 1:23

Chinituweyihtaakusinaawaau yaaitei chechii kanuweyihtamekw taan e ishi taapwehtamekw uu miywaachimuwin, wesh ekut uu wehchi cheshtinaachikaapuyekw. Ekaawii maak chika uhchi ishinaakusinaawaau chechii ati waanihtaayekw an aspeyimuwin kaa ayaayekw iskunaak kaa pehtamekw miywaachimuwin. Wesh shaash mistahii mishihte chii ituhtataakanuu. Kaye niya Paul niwiichihiiwen e papaamuhtataakanuuhch uu miywaachimuwin.

Colossians 1:27

Chishemanituu maak chii iteyihtamihiikuu chechii chischeyihtamiyich ekw utiiniimh aniyuu ekaa uhchi chischeyihtamihaat anite utaahch. Nuwach maak maamishkaateyihtaakuniyuu uyuu waa ishi chischeyihtamihaat misiwe aweyuu. An maak ekaa nihtaa kaa uhchi pechi chischeyihtaakunuuhch eukw Christ e piichishkaataakw chitehiiwaahch wesh ekut wehchi cheshtinaateyihtamihiikuyekw taapwe che utihtamekw misiwe taan e ishi miyu ayeskuushtamaataakw Chishemanituu.

1 Thessalonians 1:3

Nichischisinaan e ayimihiichiht Chishemanituu taan e ishi miyu atushkaatuyekw e taapweyimekw Utipeyihchikeu. Nichischisinaan taan e ishi miywaapatisiyekw e saachihekw Jesus. Nichischisinaan kaye taan e ishi suuhchikaapuuyekw e aspeyimututawekw Chitipeyihchikeminuu Jesus Christ.

1 Thessalonians 4:13

Niichishaanitikw chinituweyimitinaan chechii chischeyihtamekw taan e ispayit awen e puunipimaatisiit e chii maak taapwehtahk miywaachimuwiniyuu. Ekw maak namui chika uhchi ishi misimeyihtenaawaau e ishi misimeyihtahkwaau anichii ekaa kaa ayaatwaau aspeyimuwiniyuu.

2 Thessalonians 2:16

Chishemanituu Kuuhtaawiinuu neshta Chitipeyihchikeminuu Jesus Christ chisaachihiikunuuch kaye chichii miikunuuch kaachiche kaachiichihiiwewiniyuu kaye aspeyimuwiniyuu shaweyihchichewinihch uhchi.

1 Timothy 1:14

Naashch nichii weyuuch nuukuhtwaakw Utipeyihchikeu taan e ishpish chishewaatutuut chechii uhchi ati taapweyimak kaye chechii uhchi ati saachihiik Christ.

Titus 2:13

Eukuu e ishi pimaatisiihkw e ashuwaapahtamuhkw cheshtinaash che ispayihch an e shaweyihtaakuhch e chiishikaach che takushihk an kaa suuhkaatisiit Chishemanituu kaye chipimaachihiiweminuu Jesus Christ e pechi nuukusit uchisteyihtaakusuwinihch.

Hebrews 3:6

Aniyuu maak Chishemanituuh e Ukusitutaakut Jesus, kuiskw ishi atushkuweu Chishemanituu e niikaanishkuumaat utiiniimiyuuh. Christ eukw Chishemanituu Uukusisa. Chiyaanuu maak chika utiiniimitutaakanuu Chishemanituu, chiishpin suuhchiteheyihkwe taapwehtamuwinihch kaye suuhk mamechiminamuhkwe taan e ishi aspeyimuyihkw.

James 1:18

Chichii miikunuu pimaatisiiwiniyuu anit uhchi aniyuu utayimuwin kaa taapwemakaniyich chiyaanuu niishtam chechii wiihkuchihiitahkw utah uyuu aschiiyuu.

1 Peter 1:13

Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.

1 Peter 1:21

Ekw maak tiyaapweyimekw Chishemanituu aniyeyuu uhchi taan kaa ishi ihtuutamaataakw Christ, wesh Chishemanituu chii wanishkaaneu Christ nipuwinihch uhchi kaye chii chisteyihtaakuheu. Ekun maak wehchi taapweyimekw Chishemanituu kaye ekun wehchi aspeyimututuwekw.

1 Peter 1:23

Wesh iskutak miin e pimaatisiyekw kaa ishinaakusiyekw kaachiche pimaatisiiwin chichii miikunaawaau wesh kuutawaashiimitutaakuwaau Chishemanituu uhtaawiimaau an ekaa wiiskaat kaa puunipimaatisiit, Chishemanituu utayimuwin taan ekaa nihtaa che wanaatihch kaye ekaa nihtaa che miyaaupayihch ekut kaa uhchi ishinaakusiyekw miin e pimaatisiyekw.

1 Peter 2:2

Muush etituu chipaa nitaweyihtamuwaanaawaau Chishemanituu utayimuwin. Wesh naashch taapwe payehcheyihtaakuniyuu. Kaye maak ekut che uhchi miyu nihtaauchiyekw kaye eukun che kanuweyimikuyekw e pimaachihuyekw. Muyaam awaash e uschinihtaauchit muush e nituweyimaat chuuchuushinaapui chechii uhchi nihtaauchit ekun chipaa ishinaakusinaawaau e nituweyihtamuwekw Chishemanituu utayimuwin chechii uhchi nihtaauchiyekw anite chitahchaahkuwaahch.

1 Peter 3:15

chisteyimaahkw Utipeyihchikeu Christ chitehiiwaahch. Muush chipaa ayeskuwiinaawaau taan chechii ishi nishkweushihekuch anichii kaa wii naanituu chischeyihtahkwaau aniyuu aspeyimuwiniyuu kaa piihchishkaakuwekw. Chiyaam mikw wiihtamuwaahkuch awenichii uyeyuu kaye yaapach chisteyimaahkuch.

1 Peter 3:21

An maak nipii, mwehch siikahaahtaachewin chii ishinaakun, siikahaahtaachewiniyuu maak eukw pemaachihiikut awen kaa taapwehtahk. Mikw maak e siikahaahtuwaakanuut awen namui wiiyuu chishtaapautaakanuuyuu. Nuukuhtaau Chishemanituuh e itaat taapwe Christ che nuushuushkuwaat. Pimaachihiikuu e siikahaahtuwaakanuut aniyuu uhchi Jesus Christ e chii wanishkaanaakanuyich nipuwinihch uhchi.

1 Peter 3:5

Wesh ekun kaa ishinaakusitwaau anichii kaa payehchi pimaatisiitwaau iskweuch anite weskach, anichii kaa aspeyimitutawaatwaau Chishemanituu. Chii nanihiihtaweuch unaapemuwaau.

1 John 2:29

Chichischeyihtenaawaau Christ e kuiskutaatisiit, kaye maak chipaa chischeyihtenaawaau an awen kaa kuiskutaatisiit e utawaashiimitutaakut Chishemanituu.

1 John 3:3

Misiwe maak awen uyeyuu kaa ishi aspeyimut nanaakataweyimisuu chechii payehchisiit mwehch Christ e ishi payehtisiyich.

1 John 3:9

An awen Chishemanituu kaa pimaachihiikut puuniyuu e machituutahk. Wesh Chishemanituu ihtuutaakuu chechii iteyihtaakusit Chishemanituu e iteyihtaakusiyich. Namui maak chii machituutam Chishemanituuh e chii pimaachihiikut.

1 John 4:7

Niichishaanitikw kaa saachihiitakuch saachihiitutaau. Wesh Chishemanituu chitihtuutaakunuu chechii saachihiiweuhkw. An awen kaa saachihiiwet chii pimaachihiikuu Chishemanituuh kaye maak chischeyimeu Chishemanituuh.

1 John 5:1

Misiwe awen kaa taapwehtahk Jesus e aawiyich Christ Chishemanituuh utawaashiimitutaakuu. E saachihiihkw maak uhtaawiimaau kaye aniyuuh utawaashiimh chisaachihaanuyuuh.

1 John 5:18

Chichischeyimaanuu awen e chii pimaachihiikut Chishemanituuh namui chipaa uhchi machituutam. Wesh Chishemanituu Ukusiyuu kanuweyimikuu, namui maak wiyesh chii ihtuutaakuu machimanituuh.

1 John 5:4

Wesh an awen kaa pimaachihiikut Chishemanituuh namui chii shaakuuchihiikuu machihtwaawiniyuu utah aschiihch. Chitaapwehtamuwinuu eukw waachihiikuyihkw chechii shaakuuchihtaayihkw machihtwaawin utah aschiihch.