1 Peter 1:22 - Chishemanituu Utayimuwin: Kaa Uskaach Testament

²² E chii payehchihaakanuutwaau chitahchaahkuwaauch an uhchi e nanihiihtamekw taapwewin kaye maak e ishinaakusiyekw chihchiwe e saachihekuch chiichishaanuwaauch, suuhk saachihiitukw misiwe chitehiiwaahch uhchi.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

²² ᐁ ᒌ ᐸᔦᐦᒋᐦᐋᑲᓅᑣᐤ ᒋᑕᐦᒑᐦᑯᐙᐅᒡ ᐊᓐ ᐅᐦᒋ ᐁ ᓇᓂᐦᐄᐦᑕᒣᒄ ᑖᐺᐎᓐ ᑲᔦ ᒫᒃ ᐁ ᐃᔑᓈᑯᓯᔦᒄ ᒋᐦᒋᐌ ᐁ ᓵᒋᐦᐁᑯᒡ ᒌᒋᔖᓄᐙᐅᒡ, ᓲᐦᒃ ᓵᒋᐦᐄᑐᒄ ᒥᓯᐌ ᒋᑌᐦᐄᐙᐦᒡ ᐅᐦᒋ᙮

1 Peter 1:22 Iomraidhean Croise

John 15:17

Chititashumitinaawaau maak uu, eukuu chechii saachihiituyekw.”

John 15:3

Chiyawaau maak shaash chichii payehchihiikunaawaau an taan kaa ishi wiihtamaatakuch.

John 17:17

Payehchihiich chitaapwewinihch ishi. Chitayimuwin eukw taapwewin.

John 17:19

Chiya e ihtaayin nit ishi pachishteyimisun chechii uhchi tekash pachishteyimisuustaaskwaau kaye wiyawaau.”

ᐊᐸᔅᑕᓚᒡ 15:9

Eukw uyuu kaa ishi waapahtiiwet ekaa aahchiiuh iteyimaat aweyuuh. Chii payehchiheu e wepeyihtamuwaat umachihtwaawiniyuu iskutak kaa taapweyimikut.

ᐊᐸᔅᑕᓚᒡ 6:7

Chishemanituu maak utayimuwin chii mishihtepayiniyuu. Wetaach mihchetu iinuuch anit Jerusalemihch kaa ihtaatwaau chii taapwehtamuch, kaye mihchetu ayimiheuchimaauch chii taapwehtamuch kaye chii nanihiihtamuch miywaachimuwiniyuu.

Romans 1:5

Christ uhchi Chishemanituu nichii wiyaapamukw e miyeyihtaakuniyich chechii ishi atushkuuk, eukw uyuu apastal chechii itaapatisuuch, chechii wiichihiimach misiwe nanaahkuu e itiskaanesiitwaauh aweyuuh chechii ati taapweyimikut kaye chechii ati nanihiihtaakut.

Romans 2:8

Ekw aniyuu kutak aweyuuh mikw wiyawaau kaa maamituneyimisuyich ekaa mitun kaa aapateyihtamiyich aniyuu taan e ishi kuiskunaakuniyich chechii ihtuutamiyich, pisikw kaa machituutamiyich, eukun uyuuh maauch aahkwaayaach che ishi wiyaaskunaat Chishemanituu.

Romans 8:13

Wesh an ishi pimaatisiine taan e ishi nituweyihtamuumakahch chiyaas chika nipin. Pachishtinate maak Kaa payehchisiit Ahchaahkw chechii wiichihiisk chechii puunihtaawat taan waa ishi wehchipayihch chechii machituutam ekw kiipaa taapwe che pimaatisiyin.

2 Corinthians 6:6

Nichii nuukuhtaanaan taapwe e atushkuwachiht Chishemanituu e payehkaatisiyaahch, taan e ishi miyu nisituhtamaahch taapwewin, e siipiiwesiyaahch taan e ishi nachishkaamaahch, e miyutuutuwachihtwaau awenichii. Kaa payehchisiit Ahchaahkw kaye niwiichihiikunaan kaye maak ninuukuhtaanaan taapwe e saachihiichiht misiwe awen.

Galatians 3:1

Chiyawaau kaa taapwehtamekw Galatia aschiihch kaa ihtaayekw nuwach ekaa kaa iteyihtamekw. Awen wesaa kaa ishi wiyeshimitaakw. Naashch yaakwaau chichii wiihtamaatinaawaau Jesus Christ e chii chiistaaskuhwaakanuut ashiteyaahtikuhch.

Galatians 5:5

Niyaan maak wii kaa taapwehtamaahch, Kaa payehchisiit Ahchaahkw e wiichihiikuyaahch nitaspeyimunaan Chishemanituu chechii kuiskunaakuhiyimiht wiya ishi e ihtaat.

Galatians 5:7

Aat iska suuhk chichii iteyihtenaawaawii e pimaatisiistuwekw Utipeyihchikeu. Awen kaa ihtuutaataakw ekaa chechii nanihiihtamekw taapwewin.

Ephesians 4:3

Suuhk muush wii miyu wiicheutukw. Chishemanituu Utahchaahkwa chiwiichihiikuwaau chechii miyu wiicheutuyekw chiyaameyihtamuwiniyuu e miitaakw.

Philippians 1:9

Chitayimiheshtamaatinaawaau wetaach chechii ati saachihiituyekw, wetaach chechii ati kachehtawehtamekw kaye wetaach chechii miyu kachescheyihtamekw chekwaan.

1 Thessalonians 3:12

Nitutamuwaanaan Utipeyihchikeu chechii ihtuutaataakw wetaach chechii saachihiituwekw kaye kutak aweyuuh wetaach chechii saachihiimekw, chechii ati ishpish saachihiituyekw kaye chechii ati ishpish saachihekuch kutakach awenichii muyaam niyaan e ishpish saachihiitaahch.

2 Thessalonians 1:3

Niichishaanaanich, iteyihtaakun muush chechii nanaaskumachiht Chishemanituu chiyawaau uhchi wesh etituu chit ati taapweucheyimaawaau Christ kaye maak wetaach etituu chisaachihiitunaawaau.

2 Thessalonians 2:13

Iteyihtaakun muush chechii nanaaskumachiht Chishemanituu chiyawaau uhchi, chiyawaau kaa saachihiitaakw Utipeyihchikeu. Wesh shaash chichii wiyaapamikuwaau Chishemanituu chechii pimaachihuwekw eshkw ekaa mechim uhchi ushihtaat uyuu aschiiyuu. Chika pimaachihunaawaau maak wesh Chishemanituu kaa suuhcheyihtaakusiyich Utahchaahkwa chika ihtuutaakuwaau Chishemanituu chechii utiiniimitutaataakw wesh chitaapwehtenaawaau taapwewin.

1 Timothy 1:3

An maak taan kaa ishi siihchimitaan iskutak che ituhteyaan Macedonia miin chititin, eukw an chechii ihtaayin pitamaa anite an ihtaawin Ephesus kaa ishinihkaatech chechii chistahamuutwaau anichii awenich ekaa muyaam kaa ishi kachiskutamaachetwaau.

1 Timothy 1:5

Wesh uyuu itashumitwaawenich ekut chechii uhchi saachihaatwaau aweyuu e payehkaniyikwaau utehiiwaau kaye e chischeyihtahkwaau kuiskw e chii ihtitwaau kaye maak e suuhcheyihtaakuniyich utaapwehtamuwinawaau. Wesh uu ishi nanaakataweyihtamihiikuyine chechii ishi wiihtamuutwaau ekute chechii uhchi tekash saachihaatwaau aweyuu utehiiwaahch.

1 Timothy 4:12

Ekaawii chika uhchi aatuwaahiikuuch awenich aniyuu e uschipimaatisiyuut uyuu e itaapatisuut. Mikw ishi pimaatisii anit chechii uhchi chischinuwaapahtahkwaau chipimaatisiiwiniyuu anichii kaa taapwehtahkwaau, taan e itihtaakuniyich chitayimuwiniyuu, kaye taan e ishinaakuhch chipimaatisiiwin kaye taan e ishi saachihiiweyin maak e ishi taapwehtaman kaye taan e ishi payehkaatisiyin.

1 Timothy 5:2

ekw anichii kaa chisheishkweshuutwaau muyaam e ukaawiyin chipaa ihtuutawaauch. Anichii kaa uschiniichiskweutwaau muyaam tipiiwe chiichishaaniskwemach chipaa iteyimaauch, namui mitun nitawiin chipaa uhchi ishi maamituneyimaauch.

2 Timothy 1:14

Kaa payehchisiit Ahchaahkw maak usuuhkaatisiiwin e ishi piihchishkaakuwat, suuhk yaakwaau ishi nanaakataweyihtah miywaachimuwin taapwewin taan an kaa pachishtinamaakuyin che waawiihtaman.

Hebrews 11:8

Abraham kaye chii taapweyimeu Chishemanituu. Eukw aniyuu wehchii nanihiihtuwaat iskutak kaa tepwaatikut kaye kaa itikut chechii nakatahk aniyuu aschiiyuu anit kaa uhchiit anite chechii ituhtet aniyuu aschiiyuu kaa itikut Chishemanituu che miikut wiya chechii ayaat. Abraham maak chii nanihiihtam, tiiwehch chii chistuhteu aat ekaa eshkw uhchi chischeyihtahk taanite nihaau chipaa ituhteu.

Hebrews 13:1

Niichishaanitikw, muush kanawach saachihiitukw.

Hebrews 5:9

Aniyuu maak tekash e chii nanihiihtahk Jesus chechii nanehkaachihaakanuut ekut kaa uhchi miyaakanuut kaachiche chechii pimaachihaat misiwe aniyuuh kaa nanihiihtaakut.

Hebrews 6:10

Ehe, chitaapweucheyimitinaawaau e chii pimaachihuyekw. Nichischeyimaau Chishemanituu kuiskw e ihtuutawaat misiwe aweyuuh. Chichischeyimikuwaau taan kaa ishi miyutuutamuwekw kaye taan kaa ishi nuukuhtawekw e saachihekw e chii wiichihiimekw kaa taapwehtamiitwaauh kaye eshkw e wiichihiimekw. Namui maak chika uhchi wanichischisuu uyuu.

Hebrews 9:14

Chiishpin maak awesiis umihkw e payehchtaachemakaniyich maamituneyihtamukw taan e ishpish etituu chechii ishi wiichihiikuuhkw Christ umihkw. Chii pimaatisiyuu utah aschiihch ekaa mechim uhchi machituutahk. Kaa payehchisiyich Ahchaahkwa kaachiche kaa ihtaayich chii wiichihiikuu iskutak kaa pachishteyimitisut Chishemanituu ishi e ihtaayich. Umihkw eukw che payehchihiikuuhkw. Namui wii aniyuuh ekaa wiyesh itaapatahkwaau chekwaayuu kaa chii ihtuutamuhkw chika uhchi pimaachihiikunaanuu. Ekw maak kaachiche chechii atushkuuhkw Chishemanituu.

James 1:21

Wepinamukw misiwe wiinisuwin kaye misiwe machaatisiiwin. Pachishteyimisukw Chishemanituu e ihtaat, ihtuutamuwaahkw utayimuwin chitehiiwaahch kaa piihtahahk aniyuu chechii pimaachihiikuwekw.

James 4:8

Peshuwaapamaahkw Chishemanituu ekw maak che peshuwaapamitaakw kaye chiyawaau. Kaasiitihchekw chiyawaau umachihtwaauch, ekw chiyawaau kaa ayimihehkaasuyekw payehchihtaakw chitehiiwaau.

1 Peter 1:2

Chishemanituu Uhtaawiimaau chichii wiyaapamikuwaau wiya tipiiwe chechii utawaashiimitutaataakw. Kaa payehchisiyich Ahchaahkwa uhchi ekut kaa uhchi pahkaanihiitaakw chechii nanihiihtuumekw Jesus Christ kaye chechii payehchihiikuwekw umihkw. Nitayimihaan chechii weyuuch ayaayekw shaweyihchichewin kaye chiyaameyihtamuwin.

1 Peter 2:17

Misiwe awen chisteyimaahkw. Saachihaahkuch misiwe anichii kaa wiichishaaniyekw Chishemanituu ishi e ihtaat, nanihchiishtuwaakw Chishemanituu, chisteyimaahkw chisheuchimaau.

1 Peter 3:1

Mwehch maak kaye chiyawaau iskweutikw kaa niipuuyekw chipaa nanihiihtuwaawaauch chinaapemuwaauch. Wesh uu ihtiyekwe chika chii ishinaakuniyuu pasch chechii ati taapwehtahkwaau waapamitaakwenich taan e ishi kuiskupimaatisiiwekw, aat ekaa chistutekwenich chechii taapwehtahkwaau.

1 Peter 3:20

Namui uhchi nanihiihtuwewaakupanenich Chishemanituu, mikw maak chii siipiiwesiistaakuuch Chishemanituu. Mikw yaanaaneu awenichii chii puusuuch aniyuu chiimaaniyuu, chii pimaachihiikuuch maak Chishemanituuh anit aniyuu kaa aschiputeyich.

1 Peter 3:8

Uu maak misiwe kaa ishi aayimuutamaatakuch misiwe e tashiyekw suuhk peyakunihch ishi maamituneyihtamukw e chishtimaacheyimituyekw kaye. Saachihiitukw taapishkuuch e wiichishaanihtuyekw kaye kachishewaatutaatukw. Suuhk muush tipihteyimukw.

1 Peter 4:17

Wesh shaash utihchipayuu che wiyaaskunaat Chishemanituu utiiniim. Chiishpin maak chiyaanuu kaa taapwehtamukw niishtam che wiyaaskunikuwaauhkwe, eishimaa kata ispayuuch anichii ekaa kaa wii nanihiihtamuwaatwaau Chishemanituu umiywaachimuwiniyuu.

1 Peter 4:8

Maauch maak e iteyihtaakuhch eukw uu chihchiwe chechii saachihiituyekw misiwe e tashiyekw wesh saachihiiwewin wepeyihtamuumakan mihchetu machihtwaawinh.

2 Peter 1:7

An maak e ati manituuwaatisiyekw, ekw che ati chishewaatutawekuch chiichishaanuwaauch. Iskutak maak e ati chishewaatutawekuch chiichishaanuwaauch ekw che ati ayaayekw saachihiiwewin.

1 John 3:11

Uskach kaa waawiihtamaakuyekw miywaachimuwin eukw uu kaa ishi wiihtamaakuyekw, chechii saachihiituyihkw.

1 John 3:23

Maauyuu maak e itashumitahkw chechii ihtuuhkw, chechii taapweyimuumuhkw Ukusisa Jesus Christ kaye maak chechii saachihiituuhkw mwehch Christ kaa itashumitahkw chechii ishi saachihiiweuhkw.

1 John 4:12

Namui wiiskaat uhchi waapameu awen Chishemanituu, mikw maak chiishpin saachihiituyihkwe chiwiicheukunuu Chishemanituu kaye chisaachihiiwenaanuu e ishi nituweyimitahkw chechii ishi saachihiiweuhkw.

1 John 4:20

Chiishpin itwete awen, nisaachihaau Chishemanituu, ekaa maak saachihaat wiichishaan, nanatayuu. Wesh chiishpin ekaa siyaachihaakwe awen wiichishaanh taan aniyuuh wiyaapamaat taanite chechii uhchi saachihaat Chishemanituuh ekaa kaa waapamaat.

1 John 4:7

Niichishaanitikw kaa saachihiitakuch saachihiitutaau. Wesh Chishemanituu chitihtuutaakunuu chechii saachihiiweuhkw. An awen kaa saachihiiwet chii pimaachihiikuu Chishemanituuh kaye maak chischeyimeu Chishemanituuh.

Revelation 2:4

Mikw maak peyakw chekwaan ekaa miyeyihtamaan e ihtiyekw eukw uu ekaa ishpish saachihiyekw taan kaa ishpish saachihiyekw uskach kaa chihchi taapweyimiyekw.