1 Peter 1:17 - Chishemanituu Utayimuwin: Kaa Uskaach Testament

¹⁷ Suuhk maak muush chisteyimaahkw Chishemanituu wiya Nuuhtaawiinaan kaa ishinihkaatekw e ayimihaayekw. Eukw wesh uu kuiskw kaa ishi wiyaaskunaat misiwe aweyuu taan nihaau e ihtiyich. Aniyuu taan kaa ishi atushcheyich ekut wehchi wiyaaskunaat. Suuhk maak muush wii chisteyimaahkw Chishemanituu che ishkuhtaakwe chipimaatisiiwinaawaauh utah aschiihch.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹⁷ ᓲᐦᒃ ᒫᒃ ᒨᔥ ᒋᔅᑌᔨᒫᐦᒄ ᒋᔐᒪᓂᑑ ᐎᔭ ᓅᐦᑖᐐᓈᓐ ᑳ ᐃᔑᓂᐦᑳᑌᒄ ᐁ ᐊᔨᒥᐦᐋᔦᒄ᙮ ᐁᐅᒄ ᐌᔥ ᐆ ᑯᐃᔅᒄ ᑳ ᐃᔑ ᐎᔮᔅᑯᓈᑦ ᒥᓯᐌ ᐊᐌᔫ ᑖᓐ ᓂᐦᐋᐤ ᐁ ᐃᐦᑎᔨᒡ᙮ ᐊᓂᔫ ᑖᓐ ᑳ ᐃᔑ ᐊᑐᔥᒉᔨᒡ ᐁᑯᑦ ᐌᐦᒋ ᐎᔮᔅᑯᓈᑦ᙮ ᓲᐦᒃ ᒫᒃ ᒨᔥ ᐐ ᒋᔅᑌᔨᒫᐦᒄ ᒋᔐᒪᓂᑑ ᒉ ᐃᔥᑯᐦᑖᑴ ᒋᐱᒫᑎᓰᐎᓈᐙᐤᐦ ᐅᑕᐦ ᐊᔅᒌᐦᒡ᙮

1 Peter 1:17 Iomraidhean Croise

Matthew 16:27

Wesh Iinuu Ukusisah chika takushiniyuuh Uhtaawiimaau uchisteyihtaakusuwiniihch kaye enchilh e pechi wiicheukut, ekw maak che tipahamuwaat misiwe aweyuu taan kaa ishi ihtuutaamiyich.

Matthew 22:16

Chii itishahweuch maak uchischinuhamuwaakanawaau kaye Herod utaapachihaakaniyuu anite Jesus e ihtaayich. Ekw kaa itaatwaau aniyuu Jesus, “Chischinuhamaachesuu, chichischeyimitinaan taapwe e taapwemakahch taan e ishi chiskutamaacheyin kaye misiwe peyakunihch e ishi chiskutamuutwaau awenichii taan e ishi nituweyimikutwaau Chishemanituu chechii ishi pimaatisiitwaau. Namui mitun wiyesh chititeyihtamihiikuun taan che ati iteyihtamihiikutwaau awenichii taan e ishi chiskutamaacheut, kaye misiwe peyakunihch chititeyimaauch awenichii.

Matthew 6:9

Eukw uu che ishi ayimihaayekw. Nuuhtaawiinaan kihchikiishikuhch kaa ihtaayin, nitayimihaanaan chitishinihkaasuwin chechii chischeyihtaakunuuhch e chisteyihtaakuhch.

Romans 11:20

Taapwe kiipaa. Mikw maak, Chishemanituu chii iicheneu aniyuuh Jewa iinuuh wesa e chii aanuwehtaakut. Chiya maak wii, chimiyunihtaauchin anit an mistikw wesh chichii taapweyimaau Chishemanituu. Ekaawii chika uhchi nanaapeumun. Ihtakun teyakuch chechii yaakwaamiyin.

2 Corinthians 1:2

Chishemanituu Kuuhtaawiinuu kaye maak Jesus Christ Chitipeyihchikeminuu chika shaweyimikuwaauch kaye chika miikuwaauch chiyaameyihtamuwiniyuu.

2 Corinthians 5:6

Eukw maak wehchi muush suuhchiteheyihkw. Chichischeyihtenaanuu che ishpish ihtaawaauhkwe utah chiiyuunaahch namui chitihtaanaanuu taanite e ihtaat Utipeyihchikeu.

2 Corinthians 7:1

Niwiichewaakanitikw, misiwe taan kaa itwet Chishemanituu cheshtinaash che ihtuutamaatahkw taapwe kata ihtuutam. Payehchihiisutaau maak ekaa mitun chechii ihtakuhch machihtwaawin chiiyuunaahch kaye chitahchaahkunaahch. Wesh ekut e nuuhkuhtaayihkw e nanihchiishtuuhkw Chishemanituu tekash e pachishteyimisuyihkw chechii atushkuukw.

2 Corinthians 7:11

Chiyawaau maak wii chii naheyihtamihiikuu Chishemanituu taan kaa ishi mihchiiweyihtamekw. Chiwaapahtenaawaau kaye taan e ishi wiichihiikuyekw. Etituu suuhk chititeyihtenaawaau. Etituu suuhk chiwii waapahtiiwenaawaau taan e ishi miyutuutamekw. Chitihtuutaakunaawaau chechii macheyihtamekw e machituutaakanuuhch kaye chechii chishuwaasiistamekw machituutamuwin. Chitaascheyihtenaawaau chechii waweshihaakanuut an kaa machituutahk kaye maak chechii kuiskunaakanuut. Taapwe chichii waapahtiiwenaawaau kuiskw e ihtiyekw.

Galatians 2:6

Anichii kaa niikaanishkaachetwaau, chisteyihtaakusuuch chii iteyimaakanuuch. Namui maak chekwaan taan e iteyimaakanuutwaau nititeyihten niya wii. Wesh misiwe aweyuuh peyakunihch iteyimeu wii Chishemanituuh. Chii naheyihtamuch e waawiihtamuch miywaachimuwiniyuu, namui uhchi ihtakuniyuu etituu chechii ishi pechi wiihtamuutwaau.

Ephesians 1:17

Ninitutamuwaau Chishemanituu Chitipeyihchikeminuu Jesus Christ Uhtaawii an maauch kaa chisteyihtaakusit chechii miitaakw Utahchaahkwa aniyuuh che kachehtaaweyihtamihiitaakw kaye che chischeyihtamihiitaakw taanite chechii uhchi chischeyimekw Chishemanituu.

Ephesians 3:14

Uu maak kaa ishi ayimihiitakuch eukuu wehchi uchihchiihkunipiyaan Kuuhtaawiinuu e ayimihiik,

Ephesians 6:9

Chiyawaau kaye kaa uchimaawiyekw, miyutuutawaahkuch chitaapachihaakanuwaauch. Ekaawii sechihaahkuch. Wesh chichischeyihtenaawaau e peyakut kuuchimaamuwaau. Eukw uu Utipeyihchikeu kihchikiishikuhch kaa ihtaat. Misiwe maak aweyuuh taapituu iteyimeu, namui uste miyutuutaweu aweyuu kaa uchimaawiyich.

Philippians 2:12

Ekw maak niichishaanitikw, muush chichii naanahiihtuunaawaau eshkw mekwaach anite Philippihch kaa ihtaayaan. Etituu maak iteyihtaakun anuhchiish muush chechii nanihiihtamekw taan kaa ishi wiihtamaatakuch mekwaach uu ekaa ihtaayaan anit e ihtaayekw. Suuhk aapatisitaau chechii chiishihtaauhkw aniyuu kaa ishi chihchipayihtaat Chishemanituu chipimaatisiiwinaahch iskutak kaa pimaachihiitahkw. Ihtuutahtaau uu e chischisiihkw Chishemanituu eukw chipaa nanihchiishtuwaanuu kaye wiya chipaa chisteyimaakanuu.

Colossians 3:25

An awen ekaa maamuyaam kaa ihtit chika ihtakuniyuu taan che ishi taapishtuwaakanuut. Wesh misiwe awen chika waweshihaakanuu taan e ishi nituweyihtaakuniyich chechii ishi waweshihaakanuut.

Hebrews 12:28

Eukw maak uyuu chipaa uhchi nanaaskumaanuu Chishemanituu e miitahkw chisheuchimaawiniyuu an ekaa nihtaa chechii ihtuutaakanuuhch chechii aahchipayihch. Ekw maak nuuchiishtuwaataau aniyuu wii e ishi nituweyimitahkw chechii ishi nuuchiishtuuhkw kaye chechii miyu atushkuuhk naashch e chisteyimahkw.

Hebrews 4:1

Chishemanituu maak chii itweu cheshtinaash che ayeskuushtamuwaat utiiniim taanite che ayiwepiyich. Eshkw maak uu anuhchiish kaa chiishikaach chika chii piihchenaanuu kaye chiyaanuu anite chechii ayiwepiihkw. Ekw maak ayaakwaamiitaau ekaa chechii ishi pimaatisiihkw chechii uhchi iteyimitahkw Chishemanituu ekaa tepicheyihtaakusuuhkw anite chechii piihcheuhkw.

1 Peter 2:11

Niwiichewaakanitikw kaa saachihiitakuch, mikw wesin chimaaniteunaawaau kaye mikw chipapaa ihtaanaawaau utah aschiihch. Eukw maak uu wehchi wii siihchimitakuch tekash ekaa chechii papiskaateyihtamihiikuyekw aniyuu machi nitaweyihtamuwinh aniyuu muush miyaashihchepayihkwaau chitahchaahkuwaahch.

1 Peter 3:15

chisteyimaahkw Utipeyihchikeu Christ chitehiiwaahch. Muush chipaa ayeskuwiinaawaau taan chechii ishi nishkweushihekuch anichii kaa wii naanituu chischeyihtahkwaau aniyuu aspeyimuwiniyuu kaa piihchishkaakuwekw. Chiyaam mikw wiihtamuwaahkuch awenichii uyeyuu kaye yaapach chisteyimaahkuch.