1 Peter 1:13 - Chishemanituu Utayimuwin: Kaa Uskaach Testament

¹³ Suuhk maak muush wii ayeskuweyihtamukw taan mikw che ati ispayikwe chekwaan kaye suuhk nanaakatuweyimisukw taan e ihtiyekw. Tekash mitun aspeyimututamukw an chishewaatisiiwin che miikuyekw iskutak miin takushihke Jesus Christ.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹³ ᓲᐦᒃ ᒫᒃ ᒨᔥ ᐐ ᐊᔦᔅᑯᐌᔨᐦᑕᒧᒄ ᑖᓐ ᒥᒄ ᒉ ᐊᑎ ᐃᔅᐸᔨᑴ ᒉᒀᓐ ᑲᔦ ᓲᐦᒃ ᓇᓈᑲᑐᐌᔨᒥᓱᒄ ᑖᓐ ᐁ ᐃᐦᑎᔦᒄ᙮ ᑌᑲᔥ ᒥᑐᓐ ᐊᔅᐯᔨᒧᑐᑕᒧᒄ ᐊᓐ ᒋᔐᐙᑎᓰᐎᓐ ᒉ ᒦᑯᔦᒄ ᐃᔅᑯᑕᒃ ᒦᓐ ᑕᑯᔑᐦᑫ ᒌᓴᔅ ᙭᙮

1 Peter 1:13 Iomraidhean Croise

Matthew 20:4

Ekw kaa itaat, namui aa kaye chiyawaau chiwii aapatisinaawaau anite nishuuminaahtikw nihtaauchihchikan aschiihch. Misiwe wesh chika miyu chiishiihkaatinaawaau atushkuyekwe. Ekw maak kaa ituhteyich chechii nituu aapatisiyich anite unihtaauchihchikan aschiihch.”

Luke 12:35

“Ayeskuwiikw e ashuwaapamekw Utipeyihchikeu, mitun tekash chipaa itaaspisunaawaau kaye chiwaashtenamaakanawaau chipaa saskahenaawaau.

Luke 17:30

Ekw Jesus kaa itwet, “Ekun taapishkuuch che itaatisiinaanuuhch an e chiishikaach pechi nuukusite Iinuu Ukusisaan.”

Luke 17:8

Namui, chika itikuu, ‘Pechi wiishtuu ekw maak chiishkwaa miichisuyaane, ekw chiya che miichisuyin.’

Romans 13:13

Kuiskw ishi pimaatisiitaau che nuukuhch maak taapwe waashtewinihch e ishi pimaatisiihkw. Ekaawii chika uhchi wiichihiiwenaanuu e miyuuhkasunaanuuhch e wiinisuu ihtinaanuuhch kaye ekaawii wiichihiiwekw anite e minihkwaanuuhch. Ekaawii nanaahkuu chika uhchi ishi wiinisuu pimaatisiinaanuu. Ekaawii chika uhchi kachiihkaamitunaanuu. Ekaawii kaye chika uhchi wauhteyimitunaanuu.

Romans 8:19

Misiwe chekwaayuu taan kaa ishi ushihtaat Chishemanituu naashch pukweyihtamuumakaniyuu e ashuwaapahtamumakaniyich che ishpish mushe nuukuhaat utawaashiim.

1 Corinthians 1:7

Ekw maak namui mitun chinuuhtepayinaawaau ahchaahkw miiwewinh mekwaach e ashuwaapamekw che ishpish takushinit Chitipeyichikeminuu Jesus Christ.

1 Corinthians 13:13

Nishtu chekwaayuu namui wiiskaat chika uhchi iskwaapayuuh, eukw uyuuh. Taapwehtamuwin, aspeyimuwin ekw maak saachihiiwewin. An maak maauch chesteyihtaakuhch eukuu saachihiiwewin.

Ephesians 6:14

Yaaichikaapuutaau maak, e upahkuhtehuniskamuhk taapwewin kaye kuiskutaatisiiwin muyaam miskaaschikanaapiskw e chichishkamuhkw chechii ishinaakusiihkw.

Colossians 3:4

Christ e wiichewekw chihchiwe pimaatisiiwin chitayaanaawaau. Kaau maak takushihke utah aschiihch ekut kaye chiyawaau che asich nuukuhiikuyekw kaye che asich chisteyihtaakuhiikuyekw chisteyihtaakuhaakanuute.

2 Thessalonians 1:7

Ekw chiyawaau kaa nanehkaateyimuyekw chika ihtuutaakuwaau Chishemanituu chechii puuni nanehkaateyimuwekw kaye maak niyaan eukun che ishi wiichihiikuyaahch. Iskutak pechi nuukusite Utipeyihchikeu Jesus anite kihchikiishikuhch uhchi e pechi wiichewaat utenchilam kaa suuhkaatisiyich ekut che ihtuutahk uyuu.

2 Timothy 4:5

Mikw maak suuhk nanaakataweyimisuu chiya, kuiskw chechii ishi maamituneyihtaman taan mikw che ispayuwane. Siipiiwesiistah taan che ishi nanehkaachihiikuwane. Suuhk wiichihiich kutakach e waawiihtamuutwaau miywaachimuwiniyuu. Kaye maak mitun tekash ihtuut misiwe aniyuu taan kaa wii itaapachihiisk Chishemanituu.

2 Timothy 4:8

Shaash ayeskuushteu an chisheuchimaau astuutin aniyuu che miiyaakanuutwaau anichii che kuiskutaatisiitwaau. Eukw maak uyuu che pechi miit Utipeyihchikeu an kuiskw kaa ishi wiyaaskunichet miin pechi takushihke. Namui maak mikw niya nika uhchi miikuun uu e ishinaakuhch astutin, misiwe anichii saachihiiwewinihch kaa ishi pukuseyimutwaau Utipeyihchikeuh miin che takushiniyich kaye wiyawaau kata miyaakanuuch.

Hebrews 10:35

Ekaawii puuniikw e taapwehtamekw wesh ekut che uhchi ayaayekw e weyuutihch tipahamaakusiiwin.

Hebrews 3:6

Aniyuu maak Chishemanituuh e Ukusitutaakut Jesus, kuiskw ishi atushkuweu Chishemanituu e niikaanishkuumaat utiiniimiyuuh. Christ eukw Chishemanituu Uukusisa. Chiyaanuu maak chika utiiniimitutaakanuu Chishemanituu, chiishpin suuhchiteheyihkwe taapwehtamuwinihch kaye suuhk mamechiminamuhkwe taan e ishi aspeyimuyihkw.

Hebrews 6:19

E cheshtinaateyihtamuhkw maak uyuu kaa ishi naspich taapwet Chishemanituu che ishi ihtuutamaatahkw muyaam e itaapachisit puunasinaapaachikan chechii kayeutakuhtihch uut ishinaakun. An maak awen kaa cheshtinaateyimahkw eukw an paahchet anite aniyuu kaa aakuuyekahiikanuyich maauch kaa payehchisiimakahk kaa ishinihkaateyich anite kihchikiishikuhch kaa ihtakuniyich ayimiheukamikuyuu.

Hebrews 9:28

Kaye wiya maak Christ mikw peyakwaa chii pachishtinam upimaatisiiwin anit chechii uhchi ihtakuniyich misiwe awen chechii wepeyihtamuwaakanuut umachihtwaawinh. Mikw maak miin chika takushinuu, namui wii chechii nihiipayihtaat anit chechii uhchi wepeyihtamaachaanuyich machihtwaawinh, chika takushinuu mikw chechii pimaachihaat aniyuuh aweyuu kaa ashuwaapamikut che ishpish takushihk.

1 Peter 1:10

Eukw uyuu pimaachihiikusiiwiniyuu naashch suuhk kaa nituu chischeyihtahkwaau aniyehkaanaanich uchischiwehiichesuuch kaye naashch yaakwaau chii ishi nituu chischeyihtamuch. Chii niikaan aayimuutamuch maak uyuu miiwewiniyuu Chishemanituuh che miikuwekw.

1 Peter 3:15

chisteyimaahkw Utipeyihchikeu Christ chitehiiwaahch. Muush chipaa ayeskuwiinaawaau taan chechii ishi nishkweushihekuch anichii kaa wii naanituu chischeyihtahkwaau aniyuu aspeyimuwiniyuu kaa piihchishkaakuwekw. Chiyaam mikw wiihtamuwaahkuch awenichii uyeyuu kaye yaapach chisteyimaahkuch.

1 Peter 4:7

Shaash peshunaakun misiwe chekwaan che iskwaapayihch. Chinituweyihtaakusinaawaau chechii ishi nanaakatuweyihtamekw taan e ihtiyekw kaye ashuwaapikw e ayimihaayekw.

1 Peter 5:12

Ihtaau peyakw niichishaan e taapweucheyihtaakusit e iteyimak. Silas ishinihkaasuu. Eukw uu kaa wiichihiit uyuu apishiish e masinahamaatakuch. Uu maak kaa masinahamaatakuch chiwii siihchimitinaawaau chechii yaaichikaapuyekw kaye chiwii cheshtinaateyihtamihiitinaawaau eukw uyuu taapwe Chishemanituu ushaweyihchichewin kaa aayimuutamaataahch. Ekut maak anit ushaweyihchichewinihch ishi yaaichikaapuwaahkw.

1 Peter 5:8

Muush yaakwaamiishtuwaahkw machimanituu, an muush kaa wii naanituu machipayihiikuyekw, wesh muyaam mistatim muush kaa papaamuhtet e papaanemut e naanituu miichisut ekun e ishinaakusit. Machimanituu muush naanituuweyimeu aweyuu chechii wanaachihaat.

1 John 3:3

Misiwe maak awen uyeyuu kaa ishi aspeyimut nanaakataweyimisuu chechii payehchisiit mwehch Christ e ishi payehtisiyich.