1 Peter 1:11 - Chishemanituu Utayimuwin: Kaa Uskaach Testament

¹¹ Christ Utahchaahkuyuu chii piihchishkaakuuch kaye chii wiihtamaakuuch taan che ishi nanehkaateyimuyich Christ kaye maak che chisteyihtaakuhaakanuyich. Ekw maak kaa naanituu chischeyihtahkwaau aweyuu che aawiyich Christ kaye maak taaishpish che ispayiyich uyuu.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹¹ ᙭ ᐅᑕᐦᒑᐦᑯᔫ ᒌ ᐲᐦᒋᔥᑳᑰᒡ ᑲᔦ ᒌ ᐐᐦᑕᒫᑰᒡ ᑖᓐ ᒉ ᐃᔑ ᓇᓀᐦᑳᑌᔨᒧᔨᒡ ᙭ ᑲᔦ ᒫᒃ ᒉ ᒋᔅᑌᔨᐦᑖᑯᐦᐋᑲᓄᔨᒡ᙮ ᐁᒄ ᒫᒃ ᑳ ᓈᓂᑑ ᒋᔅᒉᔨᐦᑕᐦᒀᐤ ᐊᐌᔫ ᒉ ᐋᐎᔨᒡ ᙭ ᑲᔦ ᒫᒃ ᑖᐃᔥᐱᔥ ᒉ ᐃᔅᐸᔨᔨᒡ ᐅᔫ᙮

1 Peter 1:11 Iomraidhean Croise

Matthew 26:24

Kata nipahaakanuu Iinuu Ukusisa aniyuu nihaau taan kaa ishi pechi masinahiikanuyich masinahiikanihch anite utaahch. Mikw maak taapwe kata aahkwaach machipayuu an awen che wiyeshapachistinaat Iinuu Ukusisa. Uste chipaa miywaayikupane an awen ekaa mechim uhchi pimaatisiikupane.”

Luke 24:44

Ekw kaa itikutwaau, “Eukw maak uu kaa ishi waawiihtamaatakuch eshkw mekwaach e chii wiicheutakuch kaa itweyaan, cheshtinaash kata tipipayuu misiwe e ishi aayimuumikuyaan anite Moses uwiishuwewinihch kaye anite umasinahiikaniwaahch aniyehkaa uchischiwehiichesuuch, kaye David unikamuwinihch.”

John 12:41

Isaiah chii iteu uyuu wesh chii waapahtamuweu Jesus uchisteyihtaakusuwiniyuu, ekw maak kaa aayimuumaat.

ᐊᐸᔅᑕᓚᒡ 16:7

Iskutak wetihtahkwaau Mysia aschiiyuu, chii wii piihcheuch Bithynia aschiihch mikw maak Jesus Utahchaahkuyuu chii nakaanikuuch chechii ituhtetwaau anite.

Romans 8:9

Chiyawaau maak wii, namui chitipeyimikunaawaau nitamukw e wii ishi naheyihtamahiisuyekw. Kaa payehchisiit Ahchaahkw eukw tepeyimitaakw chiishpin taapwe paahchishkaataakwe. Awen maak ekaa paahchishkaakuukwe Kaa payehchisiyich Ahchaahkwa namui tipiiweusiitutaakuu Jesus.

Galatians 4:6

E utawaashiimitutaatahkw maak Chishemanituu, chii pechi itishahweu Ukusisa Utahchaahkuyuuh chitehiinaahch. An maak Ahchaahkw eukw e ihtuutaatahkw, “Paapaa, Nuuhtaawii” chechii ishi tepwaatahkw Chishemanituu.

2 Peter 1:21

Wesh taapaa waachi peyakw chischiwehiichewin naapeu utiteyihtamuwinihch uhchi uhchipayuu. Kaa payehchisiyich Ahchaahkwa chii ihtuutaakuuch uchii naapeuch chechii wiihtahkwaau taan kaa ishi nitaweyimikutwaau Chishemanituu chechii ishi wiihtahkwaau.

Revelation 19:10

Nichii uchihchiihkunipayistwaau maak chechii nuuchiishtuuk uu enchil. Mikw maak nichii itikw, “Ekaa wii an ihtih. Wesh kaye niya nitatushkuwaau Chishemanituu muyaam chii ekw maak chiichishaanich e ihtiyekw, misiwe anichii kuiskw kaa ishi waawiihtahkwaau aniyuu taapwewiniyuu Jesus kaa waapahtiiweyich. Chishemanituu eukw nuuchiishtuu.” Ekun kaa iishit an enchil. Wesh aniyuu taapwewiniyuu Jesus kaa pechi waapahtiiwet eukw aniyuu kaa suuhcheyihtaakuhiikutwaau anichii uchischiwehiichesuuch taan kaa ishi ayimitwaau.