1 Peter 1:1 - Chishemanituu Utayimuwin: Kaa Uskaach Testament

¹ Niya Peter. Jesus Christ nichii wiyaapamukw kaye maak wiya nichii itishahuukw Apastal chechii ishi atushkuuk. Chiyawaau Chishemanituu utiiniimh chi masinahamaatinaawaau, chiyawaau paahpiiwe kaa ihtaayekw anite aniyuu aschiih Pontus, Galatia, Cappadocia, Asia ekw maak Bithynia kaa ishinihkaatekwaauh.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

¹ ᓂᔭ ᐲᑕᕐ᙮ ᒌᓴᔅ ᙭ ᓂᒌ ᐎᔮᐸᒧᒄ ᑲᔦ ᒫᒃ ᐎᔭ ᓂᒌ ᐃᑎᔕᐦᐆᒄ ᐊᐸᔅᑕᓪ ᒉᒌ ᐃᔑ ᐊᑐᔥᑰᒃ᙮ ᒋᔭᐙᐤ ᒋᔐᒪᓂᑑ ᐅᑏᓃᒻᐦ ᒋ ᒪᓯᓇᐦᐊᒫᑎᓈᐙᐤ, ᒋᔭᐙᐤ ᐹᐦᐲᐌ ᑳ ᐃᐦᑖᔦᒄ ᐊᓂᑌ ᐊᓂᔫ ᐊᔅᒌᐦ ᑆᓐᑕᔅ, ᑲᓓᔑᔭ, ᑳᐸᑣᓯᔭ, ᐁᐃᔖ ᐁᒄ ᒫᒃ ᐱᑎᓂᔭ ᑳ ᐃᔑᓂᐦᑳᑌᒀᐤᐦ᙮

1 Peter 1:1 Iomraidhean Croise

Matthew 10:2

Maau maak kaa ishinihkaasuyich aniyuu niishushaap Apastalh, Simon, eukuu Peter kaa ishinihkaataakanuut, ekw maak Peter ushiim Andrew, James ekw maak aniyuu wiichishaanh John, eukw uyuu Zebedee ukusisa,

Matthew 24:22

Chishemanituu maak chii wiyeyihtam che achuunahk aniyuu e chiishikaayikwaauh anit chipaa nanehkaateyimunaanuuyuu. Ekaa uhchi ihtuutamukupane uyuu namui awen chipaa uhchii shaapushkam. Mikw maak e chischisiitutawaat aniyuu kaa wiyaapamaat utiiniim Chishemanituu eukun aniyu che uhchi achuunahk aniyuuh e chiishikaayikwaauh.”

Matthew 4:18

Mekwaach maak Jesus e pimuhtet anite yaayeu aniyuu Galilee saakahiikaniyuu, chii waapameu niishu naapeu e wiichiiniihtuyich e nuutameseyich, eukw aniyuu Simon Peter kaa ishinihkaataat ekw maak aniyuu wiichiiniyuuh Andrew, e nuutameseyich anite saakahiikanihch ahiipii e aapachihaayich.

Luke 18:7

Namui aa maak etituu Chishemanituu suuhk kata wiichiheu aniyuu utiiniim kanawaach kaa ayimihaayich e chiishikaayich kaye e tipiskaayich e nitutamaakut chechii naatamuwaat. Taapaa kata uhchi pwaashtawiyuu chechii naatamuwaat.

John 11:52

Mikw maak namui mikw Jewa iinuuh che nipuushtamuwaayich, misiwe kaye aniyuuh Chishemanituu utiiniimiyuuh paahpiiwe kaa ihtaayitwaauh che maamuunaayich, peyakutenuu chechii ishinaakusiyich.

John 7:35

Ekw anichii Jewa kaa niikaanishkuwaatwaau kaa kakwechimitutwaau, “Taanite che ituhtet che uhchi ekaa miskuuhk. Maaskuuch kakweteyihtamiiche anite kutak Jewa e ihtaayitwaauh chechii ituhtet chechii chiskutamuwaat aniyuu Greek kaa itiskaanesiitwaauh.

ᐊᐸᔅᑕᓚᒡ 18:2

Ekut maak utah kaa uhchi chischeyimaat aniyuu Jewa iinuuh Aquila kaa ishinihkaasuyich. Anite Pontus kaa ishinihkaatech ihtaawin anite Italy aschiihch ekute chii pimaatisiichen. Ekute maak anite kaa uhtuhteyikupanen, wiichiskweu Priscilla e chii wiichewaat, wesh an chisheuchimaau Claudius chii itashuwekupane misiwe Jewa iinuuh che nakatamiyich Rome ihtaawiniyuu anite Italy aschiihch kaa ihtakuniyich. Chii nituwaapameu maak Paul uyuu Aquila ekw maak wiichiskwewiyuu.

ᐊᐸᔅᑕᓚᒡ 18:23

Ekut kaa ihtaat weipishchiish ekw miin kaa chistuhtet. Ekw anite aschiihch Galatia kaye Phrygia kaa ishinihkaateyikwaauh ekute kaa ituhtet, e ayimihaat aniyuu Jesus kaa taapweyimaayich chechii yaaichikaapuyich.

ᐊᐸᔅᑕᓚᒡ 19:10

Niishu pipun maak ekun kaa ihtinaanuuhch uu, ekw maak mihchetu iinuuch anit Asia aschiihch taapishkun Jewa kaye ekaa Jewa kaa itiskaanesitwaau chii pehtamuch Utipeyihchikeu utayimuwiniyuu.

ᐊᐸᔅᑕᓚᒡ 6:9

Chii ihtaauch naapeuch ekaa uhchi naheyimaatwaau Stephen, anichii anite kaa chii ishi naachayimihaatwaau aniyuu Jewa ayimiheukamikuyuu kaa aapihkunaakanuutwaau naapeuch, kaa ishinihkaateyich. Nanaahkuu ihtaawinihch chii uhchiyuuch Cyrene ekw maak Alexandria kaa ishinihkaateyikwaauh. Kutakach maak anite Cilicia ekw maak Asia aschiihch chii uhchiyuuch. Eukun maak uyuuh naapeu kaa machipayikahtaakut Stephen.

ᐊᐸᔅᑕᓚᒡ 8:4

Anichii maak kaa taapwehtahkwaau kaa ushimutwaau Jerusalemihch, misiwe chii papaaituhteuch e waawiihtahkwaau miywaachimuwiniyuu.

1 Corinthians 16:19

Anichii umaamuuayimihaauch anite Asia kaa ishinihkaateyich aschiiyuu kaa ihtaatwaau chiwaachiyemikuwaauch. Kaye Aquila ekw maak Priscilla nesht aniyuuh umaamuuayimihaauh kaa nishtawiyich anite e ihtaatwaau e ayimihaayich chiwaachiyemikuwaauch.

2 Corinthians 1:8

Niichishaanitikw chiwii chischeyihtamihiitinaan taan kaa ispayaahch nete ane aschii Asia kaa ishinihkaatech kaa ihtaayaahch. Naashch taapwe nichii kusikushkaakunaan taan kaa ishi nachishkamaahch. Shaash nichii iteyihtenaan ekaa chechii ihtiyaahch.

Galatians 1:2

Chiyawaau wiichishaanimaauch Galatia kaa ishinihkaatech aschii kaa ihtaayekw chiwaachiyemitinaan. Niya ekw maak misiwe anichii umaamuuayimihaauch utah kaa ihtaatwaau chiwaachiyemitinaan.

Ephesians 2:12

anit an mekwaach namui kuuhchi wiichewaawaau Christ. Chichii maaniteunaawaau ekaa uhchi asitisinaasuyekw anite Chishemanituu utiiniimh e ihtaayich. Namui kuuhchi asitisinaasunaawaau niskumuwinihch, aniyuuh kaa ushihtaakanuuhkwaau anit uhchi aniyuu taan kaa itwet Chishemanituu cheshtinaash che ihtuutamuwaat utiiniimh. Kaye maak chichii pimaatisiinaawaau utah aschiihch ekaa uhchi ayaayekw aspeyimuwin kaye namui kuuhchi chischeyimaawaau Chishemanituu.

Ephesians 2:19

Ekw maak chiyawaau ekaa Jewa kaa itiskaanesiyekw namui ekw chimaaniteunaawaau Chishemanituu e ihtaat. Kaa taapwehtahkwaau e ihtaatwaau chit ishi masinaasunaawaau kaye chiyawaau kaye maak Chishemanituu kuutiiniimitutaakuwaau.

2 Timothy 1:15

Wesh chichischeyihtenaache misiwe anichii kaa kweskaatisiitwaau anite Asia kaa ihtaatwaau e chii nakasitwaau, Phygelus ekw maak Hermogenes namui mitun nitaapateyimikuch.

Hebrews 11:13

Uchii maak misiwe awenichii kaa aayimuumakwaau, misiwe chii taapweyimeuch Chishemanituu piihiim kaa ati puunipimaatisiitwaau. Ekun kaa ishi puunipimaatisiitwaau eshkw e taapwehtahkwaau aniyuu taan kaa itweyich Chishemanituu taapwe che utihchipayich. Aat ekaa wiyawaau niyaanitam uhchi waapahtahkwaau chechii utihchipayich yaapach chii cheshtinaateyihtamihiikuuch che utihchipayich anite niishtamihch. Kaye chii chischeyihtamuch ekaa sehchei ishinaakuniyich aniyuu taan kaa ishi taapweyimaatwaau Chishemanituu. Kaye chii chischeyihtamuch ekaa utah aschiihch chihchiwe uhchi uhchiitwaau ekw maak wiyawaau niyaanitam chii itweuch mikw maaniteu e chii ishi kanawaapamisutwaau.

James 1:1

James niya, Chishemanituu ekw maak Utipeyihchikeu Jesus Christ utaapachihaakanuwaauh. Misiwe niwaachiyemaayuuh Chishemanituu utiiniim pahpiiwe kaa ihtaayich misiwe e ispichiskamikaayich uyuu aschiiyuu.

1 Peter 2:11

Niwiichewaakanitikw kaa saachihiitakuch, mikw wesin chimaaniteunaawaau kaye mikw chipapaa ihtaanaawaau utah aschiihch. Eukw maak uu wehchi wii siihchimitakuch tekash ekaa chechii papiskaateyihtamihiikuyekw aniyuu machi nitaweyihtamuwinh aniyuu muush miyaashihchepayihkwaau chitahchaahkuwaahch.

2 Peter 1:1

Niya Simon Peter. Jesus Christ nitatushkuwaau, wiya nichii wiyaapamikw apastal chechii itaapatisuuch. Chimasinahamaatinaawaau chiyawaau kaa ayaayekw taapwehtamuwin mwehch an e iteyihtaakuhch niyaan kaa ayaayaahch. Eukw uyuu taapwehtamuwiniyuu chipimaachihiiweminuu kaye Chichishemanituuminuu Jesus Christ kaa miitahkw. Wiya chitihtuutaakunuu chechii kuiskunaakusiyuuhkw Chishemanituu ishi e ihtaat.

Revelation 1:11

Eukw maak uyuu kaa itwet, “Masinaha taan che ishi waapahtaman anuhchiish ekw che itishahamuutwaau anichii umaamuuayimihaauch anite aniyuu niishwaashch ayimiheukamikuh Ephesus, Smyrna, Pergamum, Thyatira, Sardis, Philadelphia ekw maak Laodicea kaa ihtaatwaau.” Eukw uyuu kaa pechi iishit.