1 John 4:2 - Chishemanituu Utayimuwin: Kaa Uskaach Testament

² Mwaaute chechii uhchi chischeyimahkw awen Chishemanituuh Utahchaahkuyuu e aapachihiikuukwe. Awen mushe kaa wiihtahk Jesus Christ e chii takushiniyich utah aschiihch muhch naapeu kaa iteyihtaakusiyich e chii iteyihtaakusiyich, eukw uu Chishemanituu Utahchaahkuyuu e aapachihiikut.

ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ

² ᒸᐅᑌ ᒉᒌ ᐅᐦᒋ ᒋᔅᒉᔨᒪᐦᒄ ᐊᐌᓐ ᒋᔐᒪᓂᑑᐦ ᐅᑕᐦᒑᐦᑯᔫ ᐁ ᐋᐸᒋᐦᐄᑰᑴ᙮ ᐊᐌᓐ ᒧᔐ ᑳ ᐐᐦᑕᐦᒃ ᒌᓴᔅ ᙭ ᐁ ᒌ ᑕᑯᔑᓂᔨᒡ ᐅᑕᐦ ᐊᔅᒌᐦᒡ ᒧᐦᒡ ᓈᐯᐤ ᑳ ᐃᑌᔨᐦᑖᑯᓯᔨᒡ ᐁ ᒌ ᐃᑌᔨᐦᑖᑯᓯᔨᒡ, ᐁᐅᒄ ᐆ ᒋᔐᒪᓂᑑ ᐅᑕᐦᒑᐦᑯᔫ ᐁ ᐋᐸᒋᐦᐄᑯᑦ᙮

1 John 4:2 Iomraidhean Croise

1 Corinthians 12:3

Chinitaweyimitinaawaau maak chechii nisituhtamekw an awen Kaa payehchisiyich Ahchaahkwa kaa pimipayihiikut, namui wiiskaat chika uhchi machi chiishuwaateu Jesus. Itwete maak awen, “Jesus eukw Utipeyihchikeu,” Payehchi Ahchaahkwa ihtuutaakuu aniyuu chechii itwet.

John 1:14

An maak Ayimuwin iinuu chii ishinaakuhaakanuu. An kaa saakaschineshkaakut chishewaatisiiwiniyuu kaye taapwewiniyuu, chichii wiichimikunuu utah aschiihch. Chichii waapamaanuu maak e chisteyihtaakusit mwehch e ishpish chisteyihtaakusiyich Chishemanituuh aniyuuh Uhtaawiih wesh wiya mikw peyakushuu e Ukusiitutaakut Chishemanituu.

1 Timothy 3:16

Nuwach kiipaa chisteyihtaakun an taan e ishi miskaateyihtaakuch chitaapwehtamuwinuu. Chishemanituu wiyaasuwinihch e chii ishi nuukuhiisut. Chii cheshtinaateyihtaakuhiikuu Kaa payehchisiyich Ahchaahkwa taapwe Chishemanituu e chii pechi itishahukut. Chii waapamikuu enchil. Chii aayimuumaakanuu e kacheskwaanuyich anite nanaahkuu e itiskaanesinaanuyich. Chii taapweyimikuu aweyuuh utah aschiihch. Ekw maak kihchikiishikuhch kaa ishi uhpiskaat chechii chisteyihtaakuhaakanuut.

1 John 5:1

Misiwe awen kaa taapwehtahk Jesus e aawiyich Christ Chishemanituuh utawaashiimitutaakuu. E saachihiihkw maak uhtaawiimaau kaye aniyuuh utawaashiimh chisaachihaanuyuuh.

1 John 4:3

Ekw an awen kaa itwet ekaa taapweyimaat Jesus namui Chishemanituuh Utahchaahkuyuuh aapachihiikuu. Piihchishkaakuu aniyuu Ahchaahkwa kaa suuhcheyimututawaat Christ. Chichii pehtenaawaau che ihtakuhch uu e iteyihtaakusinaanuuhch. Shaash maak ihtakun utah aschiihch uu e iteyihtaakusinaanuuhch.

1 John 2:23

Wesh awen kaa aatuweyimaat Ukusiisimaau aatuweyimeu kaye Uhtaawimaau. Ekw maak an awen kaa itwet e taapweyimaat Ukusisimaau taapweyimeu kaye Uhtaawiimaauh.

1 John 1:2

Muush Uhtaawiimaauh e ihtaayich chii ihtaau. Chii nuukuhtaakanuuyuu upimaatisiiwin. Nichii waapahtamuwaanaan. Ekw maak tepaatutamuwachiht, e aayimuutamaataahch kaachiche pimaatisiiwin.

1 John 4:15

An awen mushe kaa wiihtahk e taapwehtahk Jesus eukun aniyuuh Chishemanituuh Ukusiyuuh, Chishemanituuh wiicheukuu an awen. Kaye wiya maak wiicheweu Chishemanituu.

2 John 1:7

Mihchetu kaa wiyeshihiiwetwaau shaash papaamaachimuuch utah aschiihch e aanuwehtahkwaau taapwe e chii takushiniyich Jesus muhch naapeu e chii iteyihtaakusiyich. Uyuu maak e iteyihtaakusit awen eukw uu kaa suuhcheyimututawaat Christ kaye muush kaa wiyeshihiiwet.