Matteu 6:7 - Lu Santu Vanghielu di Ghiesù Cristu Secondu Matteiu 1861

⁷ Quandu pregarete, nun parlate tantu, come fannu i pagani. Elli pensanu, che parlandu assai sarannu intesi.

4 Evangiles en Corse

⁷ È quand'è vo pricate, ùn ratachjate micca cum'elli facenu i pagani, chì credenu d'avè da esse ascultati à rombu di parolle.

Matteu 6:7 Iomraidhean Croise

Matteu 18:17

Ma se ellu nun ne face contu, dillu a la ghiesa. E s’ ellu nun sta a senta mancu la ghiesa, che ellu sii per te come un ghientile, e un pubblicanu.

Matteu 26:39

Ed essendusi avanzatu un pucarellu, si ghiettò cun la faccia in terra, pregandu, e dicendu: Babbu meiu, se è pussibile, che stu calice sii alluntanatu da me; ma però che nun sii fattu come vogliu eiu, ma come voi tu.

Matteu 26:42

Di novu si n’ andò per la seconda volta, e pregò, dicendu: Babbu meiu, se stu calice nun po passà senza ch’ eiu lu bii, sii fatta la to vuluntà.

Matteu 26:44

Ed avenduli lasciati, si n’ andò ancora, e pregò per la terza volta, dicendu l’ istesse parole.

Matteu 6:32

Perchè questi so’ li penseri di li ghientili. Or lu vostru Babbu sa, che voi avete bisognu di tutte ste cose.