Matteu 21:16 - Lu Santu Vanghielu di Ghiesù Cristu Secondu Matteiu 1861

¹⁶ E li dissinu: Senti quellu, che questi dicunu? E Ghiesù li rispose: Sì certamente. Nun avete mai lettu: Che da la bocca di li zitelli e di quelli, che sugghianu hai resu la lode la più perfetta?

4 Evangiles en Corse

¹⁶ è li dissenu: «I senti ciò ch'elli dicenu?» Ghjesù li disse: «Iè. Ùn avete mai lettu: Da a bocca di i ciucci è di i criaturi ti n'ai ricacciatu una lode?»

Matteu 21:16 Iomraidhean Croise

Matteu 11:25

In quellu tempu Ghiesù rispundendu disse: Ti ringraziu, o Babbu, Signore di lu celu e di la terra, perchè hai tinute nascoste ste cose a li sapienti ed a li prudenti, e l’ hai rivelate a li chiuculucci.

Matteu 12:3

Ma ellu li rispose: Nun avete lettu ciò, che fece Davidde, quandu ellu ebbe fame, e quelli, che eranu cun ellu:

Matteu 19:4

Ed ellu li rispose: Nun avete lettu, che quellu, che ha fattu l’ omu da principiu, li fece masciu e femina? e disse:

Matteu 22:31

Nun avete lettu voi ciò, che vi è dettu da Diu sopra la risurrezione di li morti: