Philippianee 3:5 - Yn Conaant Noa 1810

⁵ Er my ghiarey chymmylt yn hoghtoo laa, jeh kynney Israel, jeh sheeloghe Venjamin, Hebrew [dooie] jeh ny Hebrewnee; mychione my chredjue ’sy leigh, my Pharisee:

Yn Vible Casherick 1775 1819

⁵ Er my ghiarey-chymmylt yn hoghtoo laa, jeh kynney Israel, jeh sheeloghe Venjamin, Hebrew [dooie] jeh ny Hebrewnee; mychione my chredjue ’sy leigh, my Pharisee:

Philippianee 3:5 Iomraidhean Croise

Noo Luke 1:59

As haink eh gy‐kione er yn hoghtoo laa dy daink ad dy ghiarey‐chymmylt yn lhiannoo; as denmys ad eh Zacharias, lurg ennym e ayrey.

Noo Luke 2:21

As tra va hoght laa ec kione son giarey‐chymmylt y lhiannoo, v’eh enmyssit YEESEY, son shen yn ennym hug yn ainle er, roish my row eh er ny ghiennaghtyn ’sy vrein.

Noo Luke 5:38

Agh shegin da feeyn noa v’er ny chur ayns boteilyn noa; as t’ad ny neesht sauchey.

Jannoo 22:3

Ta mish dy firrinagh my ghooinney ta my Hew, ruggyr ayns Tarsus, ard‐valley ayns Cilicia, agh va mee troggit ayns yn ard‐valley shoh, ec cassyn Ghamaliel, as ynsit lurg aght s’ynrick leigh nyn shenn‐ayryn, ayns graih jeean gys Jee, myr t’euish ooilley jiu.

Jannoo 23:6

As tra denee Paul dy row yn derrey ayrn jeu nyn Sadduceeyn, as yn ayrn elley nyn Phariseeyn, deïe eh ayns y choonceil, Gheiney as vraaraghyn, ta mish my Pharisee, my vac da Pharisee: son y treishteil as irree‐seose‐reesht ny merriu ta mee er my vriwnys.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

Romanee 11:1

Ta mee gra eisht, Vel Jee er hilgey jeh e phobble hene! Ny lhig eh Jee. Son ta mee hene myrgeddin my Israelite jeh sluight Abraham, jeh sheeloghe Venjamin.

2 Corinthianee 11:22

Nee Hebrewnee ad? ta mish myrgeddin: nee Israeliteyn ad? ta mish myrgeddin: nee sluight Abraham ad? ta mish neesht.