Philippianee 3:12 - Yn Conaant Noa 1810

¹² Cha nee myr dy beign hannah er chosney, ny foast er gheddyn yn slane leagh: agh ta mee chionney huggey, my she shen dy voddym tayrtyn shen, er y hon va mee er my hayrtyn liorish Creest Yeesey.

Yn Vible Casherick 1775 1819

¹² Cha nee myr dy beign hannah er chosney, ny foast er gheddyn yn slane leagh: agh ta mee chionney huggey, my she shen dy voddym tayrtyn shen, er y hon va mee er my hayrtyn liorish Creest Yeesey.

Philippianee 3:12 Iomraidhean Croise

Noo Mian 5:48

Bee‐jee shuish er‐y‐fa shen slane‐ynrick, eer myr ta nyn Ayr t’ayns niau slane‐ynrick.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Romanee 8:39

Ny yrjid, ny diunid, ny cretoor erbee elley, abyl shinyn y scarrey veih graih Yee, t’ayns Creest Yeesey nyn Jiarn.

1 Corinthianee 13:10

Agh tra vees y stayd firrinagh er jeet, eisht bee shen ny ta ayns ayrn ec kione.

1 Corinthianee 13:12

Son nish ta shin fakin trooid gless dy dorraghey; agh eisht eddin dy eddin: nish ta my enney ayns ayrn; agh eisht bee my enney dy jarroo myr ta enney orrym pene.

1 Corinthianee 9:24

Nagh vel fys eu hene, dy vel adsyn ta roie ayns race, ooilley roie, agh dy nee unnane ta geddyn yn leagh? Roie‐jee shiuish er lheid yn aght, dy vod shiu cosney.

2 Corinthianee 13:9

Son ta boggey orrin tra ta shinyn annoon, as shiuish lajer: as shoh myrgeddin ta shin geearree, dy jarroo yn slane lhiassaghey bea eu.

2 Corinthianee 7:1

Fakin eisht dy vel ny gialdynyn shoh ain (my ghraihyn deyr) lhig dooin glenney shin hene veih dy chooilley vroïd jeh’n eill as jeh’n spyrryd, cooilleeney casherickys ayns aggle Yee.

Galatianee 5:17

Son ta’n eill geearree noi’n Spyrryd, as yn Spyrryd noi’n eill: as t’ad shoh soit yn derrey yeh noi’n jeh elley: myr shen nagh vel shiu jannoo myr bailliu.

Ephesianee 1:4

Cordail myr t’eh er reih shinyn aynsyn, roish my va’n seihll er ny chroo, dy beagh shin casherick as gyn loght kiongoyrt rishyn ayns graih:

Ephesianee 4:12

Son niartaghey ny nooghyn, son oik y chirveish, son coamrey corp Chreest;

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

Philippianee 3:16

Ny‐yeih, choud as ta shin er roshtyn huggey, lhig dooin gimmeeaght liorish y rule cheddin, lhig dooin tastey choyrt da’n red cheddin.

Philippianee 3:3

Son ta shinyn yn giarey‐chymmylt, ta cur ooashley da Jee ayns y spyrryd, as boggyssagh ayns Creest Yeesey, as cha vel shin coyrt barrant erbee gys yn eill:

Philippianee 3:8

As dy firrinagh, cha vel mee coontey dy chooilley nhee agh coayl, son y tushtey smoo ooasle jeh Creest Yeesey my Hiarn: er y hon ta mee er hurranse coayl dy chooilley nhee, as cha vel mee soiaghey jeu agh myr eoylley, dy voddym Creest y chosney,

1 Thessalonianee 5:15

Jeeagh nagh jean veg j’iu cooilleeney olk son olk da dooinney erbee: agh dy bragh eiyr‐jee er shen ta mie, chammah nyn mast’ eu hene, as rish dy chooilley ghooinney.

2 Thessalonianee 2:13

Agh ta shin kianlt dy chur booise kinjagh da Jee er nyn son, vraaraghyn, graihagh ayns y Chiarn son dy vel Jee er‐dyn toshiaght er reih shiu gys saualtys, trooid casherickys y Spyrryd, as credjue jeh’n irriney:

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.

1 Timothy 6:19

Coyrt seose ayns stoyr nyn gour oc hene undin mie ry‐hoï yn traa ta ry heet, dy vod ad greme y ghoaill er y vea veayn.

Hebrewnee 12:14

Eiyr‐jee da shee rish dy chooilley ghooinney, as da craueeaght, n’egooish cha vod dooinney erbee yn Chiarn y akin.

Hebrewnee 12:23

Gys y slane chaglym‐cooidjagh as agglish ny chied nooghyn, ta recortyssit ayns niau, as gys Jee yn briw harrish ooilley, as gys spyrrydyn deiney mie ayns flaunys,

Hebrewnee 13:21

Shiuish y niartaghey ayns dy chooilley obbyr vie dy yannoo e aigney, gobbraghey ayndiu shen ta booisal ayns e hilley, trooid Yeesey Creest; huggey dy row gloyr son dy bragh as dy bragh. Amen.

Jamys 3:2

Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

2 Peddyr 3:18

Agh aase‐jee ayns grayse, as ayns tushtey nyn Jiarn as Saualtagh Yeesey Creest: Huggeysyn dy row gloyr chammah nish as dy bragh. Amen.