Philippianee 2:2 - Yn Conaant Noa 1810

² Jean‐jee my voggey y yannoo magh, dy vod shiu ve jeh’n aigney cheddin, yn ghraih cheddin y ve eu, jeh un chree, jeh un smooinaghtyn.

Yn Vible Casherick 1775 1819

² Jean-jee my voggey y yannoo magh, dy vod shiu ve jeh’n aigney cheddin, yn ghraih cheddin y ve eu, jeh un chree, jeh un smooinaghtyn.

Philippianee 2:2 Iomraidhean Croise

Noo Ean 3:29

Eshyn dooinney yn phoosee ta ben y phoosey echey: agh ta carrey dooinney yn phoosee, ta ny hassoo as geaishtagh rish, goaill boggey mooar jeh coraa yn dooinney poosee: ta shoh my voggey’s er‐y‐fa shen jeant magh.

Jannoo 1:14

Chum ad shoh ooilley dy cheilley lesh un aigney ayns padjer as aghin, marish ny mraane, as Moirrey moir Yeesey, as e vraaraghyn.

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.

Jannoo 2:46

As taaghey yn chiamble gagh‐laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 5:12

As liorish laueyn ny hostyllyn va ymmodee cowraghyn as yindyssyn er nyn yannoo mastey’n pobble; (as v’ad ooilley lesh un aigney ayns phorch Solomon.

Romanee 12:16

Bee‐jee jeh un aigney yn derrey yeh gys y jeh elley. Ny soie‐jee nyn aigney er nheeghyn ard, agh croym‐jee gys deiney ta injil ayns stayd. Ny bee‐jee creeney ayns ny smooinaghtyn eu hene.

1 Corinthianee 1:10

Nish ta mee guee erriu, vraaraghyn, liorish ennym nyn Jiarn Yeesey Creest, dy bee shiu ooilley er yn un ockle, as nagh bee streeuaghyn ny mast’ eu; agh dy bee shiu sniemmit cooidjagh ’syn un aigney, as ’syn un smooinaght.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.

2 Corinthianee 2:3

As shoh scrieu mish hiu, er‐aggle tra harrin, dy beagh trimshey aym vouesyn lhisin boggey ’ghoaill jeu, myr ta my hreishteil mychione eu ooilley, dy vel yn boggey aym’s yn boggey eu ooilley.

2 Corinthianee 7:7

As cha nee ynrycan liorish y cheet echeysyn, agh liorish y gherjagh hooar eh ayndiu, tra dinsh eh dooin yn yeearree jean eu, yn dobberan eu, yn aigney graihagh eu hym’s; myr shen dy row my voggey ny smoo.

Philippianee 1:4

(Dy kinjagh ayns ooilley my phadjeryn er nyn son eu ooilley, jannoo aghin lesh boggey)

Philippianee 2:16

Sheeyney magh yn goo dy vea; dy voddym’s boggey y ghoaill ayns laa Chreest, nagh vel mee er roie ayns fardail, chamoo er laboragh ayns fardail.

Philippianee 2:20

Son cha vel dooinney erbee aym wheesh gys m’aigney, vees cha dooghyssagh imneagh er nyn son eu.

Philippianee 4:2

Ta mee guee er Euodias, as guee er Syntyche, dy bee ad jeh’n aigney cheddin ayns y Chiarn.

Colossianee 2:5

Son ga dy vel mee veue ’syn eill, ny‐yeih ta mee mêriu ayns y spyrryd, goaill boggey as cur‐my‐ner nyn stayd, as shickyrys nyn gredjue ayns Creest.

2 Thessalonianee 2:13

Agh ta shin kianlt dy chur booise kinjagh da Jee er nyn son, vraaraghyn, graihagh ayns y Chiarn son dy vel Jee er‐dyn toshiaght er reih shiu gys saualtys, trooid casherickys y Spyrryd, as credjue jeh’n irriney:

2 Timothy 1:4

Dy jeean goaill foddiaght dy dty akin, cooinaghtyn er dty yeir, dy voddym ve er my lhieeney lesh gerjagh:

Philemon 1:20

Dy jarroo, guee‐ym ort, vraar, lhig da boggey ve aym jeed ayns y Chiarn: jean mian my chree y ooraghey ayns y Chiarn.

2 Ean 1:4

S’mooar va my voggey, dy dooar mee [paart] jeh dty chloan, gimmeeaght ’syn irriney, myr ta shin, er gheddyn sarey veih’n Ayr.

3 Ean 1:4

Cha vel boggey smoo aym na dy chlashtyn dy vel my chloan gimmeeaght ayns yn irriney.