Noo Mian 8:4 - Yn Conaant Noa 1810

⁴ As dooyrt Yeesey rish, Jeeagh nagh n’insh oo shoh da doinney erbee, agh immee royd, as jeeagh oo hene da’n taggyrt, as cheb yn oural doardee Moses son feanish daue.

Yn Vible Casherick 1775 1819

⁴ As dooyrt Yeesey rish, Jeeagh nagh n’insh oo shoh da dooinney erbee, agh immee royd, as jeeagh oo hene da’n taggyrt, as cheb yn oural doardee Moses son feanish daue.

Noo Mian 1748

⁴ As doort Yeesey rish, Jeagh nagh ninsh oo shoh da dooinney erbee, agh gow, as jeagh oo hene da’n taggyrt, as cheb yn gioot doardee Moses, dy ve son fenish daue.

Noo Mian 8:4 Iomraidhean Croise

Noo Mian 10:18

As bee shiu er nyn goyrt fenish kiannoortyn as reeaghyn er y choontey aym’s, myr shoh gymmyrkey feanish dauesyn, as da ny Ashoonee.

Noo Mian 16:20

Eisht hug eh currym er e ostyllyn, gyn ad dy insh da dooinney erbee, dy nee eshyn va Yeesey yn Creest.

Noo Mian 17:9

As myr v’ad cheet neose jeh’n clieau, hug Yeesey currym orroo, gra, Ny insh‐jee yn ashlish da unnane erbee, derrey vees Mac yn dooinney er n’irree veih ny merriu.

Noo Mian 3:15

Dreggyr Yeesey, as dooyrt eh rish, Cur raad dou nish: son shoh myr te cooie dooin dy chooilley chairys y chooilleeney. Eisht lhig eh da.

Noo Mian 5:17

Ny smooinee‐jee dy daink mish dy chur naardey yn leigh as ny phadeyryn: cha nee dy chur naardey haink mee, agh dy chooilleeney.

Noo Mian 6:1

Gow‐jee tastey, nagh jean shiu nyn ghiastyllys fenish deiney, dy ve er ny akin lioroo: er‐nonney cha vow shiu leagh veih’n Ayr eu t’ayns niau.

Noo Mian 9:30

As va ny sooillyn oc er nyn vosley, as hug Yeesey currym gyere orroo, gra, Jeeagh‐jee nagh vow dooinney erbee fys er.

Noo Mark 13:9

Agh jeeagh‐jee shiuish diu hene: son livreyee ad shiu seose gys coonceilyn; as ayns ny quaiyllyn vees shiu er nyn mwoalley, as ver ad lhieu shiu kiongoyrt rish fir‐reill as reeaghyn er choontey aym’s, dy ve son feanishyn jeem’s.

Noo Mark 3:12

As hug eh currym gyere orroo, gyn ad dy insh magh quoi v’eh.

Noo Mark 5:43

As hug eh currym gyere orroo, nagh voghe dooinney erbee fys er shoh: as doardee eh red ennagh dy ve er ny choyrt j’ee dy ee.

Noo Mark 6:11

As quoi‐erbee nagh jean goaill riu, ny geill y choyrt da ny goan eu, tra vees shiu goll reue, crie‐jee yn joan ta fo ny cassyn eu, son feanish nyn ’oï. Dy firrinagh ta mee gra riu, Dy bee eh ny sassey son Sodom as Gomorrah ec laa ny briwnys, na son yn ard‐valley shen.

Noo Mark 7:36

As hug eh currym orroo gyn ad dy insh shoh da dooinney erbee: agh myr smoo hug eh currym orroo, wheesh shen foddey smoo ren adsyn y hoilshaghey eh.

Noo Mark 8:30

As hug eh currym orroo gyn ad dy insh da dooinney erbee quoi v’eh.

Noo Mark 9:9

As myr v’ad cheet neose jeh’n clieau, hug eh currym orroo, gyn ad dy insh da dooinney erbee cre v’ad er vakin, derrey veagh Mac y dooinney er n’irree veih ny merriu.

Noo Luke 17:14

As tra v’eh er yeeaghyn orroo, dooyrt eh roo, Immee‐jee as jeeagh‐jee shiu hene da ny saggyrtyn. As haink eh gy‐kione, myr v’ad goll, dy row ad er nyn ghlenney.

Noo Luke 21:13

As myr shoh hig shiuish dy ve son feanishyn dooys.

Noo Luke 4:41

As haink drogh‐spyrrydyn myrgeddin magh ass ymmodee, gyllagh as gra, Oo yn Creest Mac Yee. As hug eh oghsan daue, as cha lhig eh daue loayrt; son va fys oc dy nee eh va’n Creest.

Noo Luke 5:14

As hug eh currym er gyn eh dy insh shoh da dooinney erbee: agh immee, as jeeagh oo hene da’n taggyrt as cheb son dty ghlenney, myr ta Moses er harey, dy ve son feanish daue.

Noo Luke 8:56

As ghow yn ayr as y voir eck yindys mooar: agh hug eh currym daue gyn ad dy insh da dooinney erbee cre va jeant.

Noo Luke 9:21

As hug eh currym gyere orroo, gyn ad dy insh shen da dooinney erbee,

Noo Ean 5:41

Cha vel mish soiaghey jeh ooashley deiney.

Noo Ean 7:18

Eshyn ta loayrt jeh hene, t’eh shirrey e ooashley hene: agh eshyn ta shirrey yn ooashley echeysyn t’er choyrt eh, t’eh shen firrinagh, as cha vel neu‐chairys erbee ayn.

Noo Ean 8:50

As cha vel mee shirrey my ghloyr hene: ta fer ayn ta shirrey as briwnys.