Noo Mian 7:13 - Yn Conaant Noa 1810

¹³ Immee‐jee stiagh er y ghiat coon; son lhean ta’n giat, as feayn ta’n raad ta leeideil gys toyrt‐mow, as shimmey ta goll er:

Yn Vible Casherick 1775 1819

¹³ Immee-jee stiagh er y ghiat coon; son lhean ta’n giat, as feayn ta’n raad ta leeideil gys toyrt-mow, as shimmey ta goll er:

Noo Mian 1748

¹³ ¶ Gow‐jee stiagh er y yiat coon; son liane ta’n giat, as moar ta’n raad ta leeideil gys toyrt‐mow, as shimmey ta goll er:

Noo Mian 7:13 Iomraidhean Croise

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Noo Ean 10:9

Mish y dorrys: liorym’s my ta dooinney erbee goll stiagh, bee eh er ny hauail, as hed eh stiagh as magh, as yiow eh fassaghey.

Galatianee 5:24

As adsyn ta lesh Creest, ta’d er chrossey yn eill, marish ny yeearreeyn as ny sayntyn.

Noo Mian 3:2

As gra, Gow‐jee arrys: son ta reeriaght Yee er‐gerrey.

Noo Mian 3:8

Cur‐jee magh nish er‐y‐fa shen messyn cooie dy arrys.

2 Corinthianee 6:17

Shen‐y‐fa tar‐jee magh veih nyn mast’ oc, as bee‐jee er nyn scarrey voue, ta’n Chiarn dy ghra, as ny benn‐jee rish yn red neu‐ghlen; as neem’s goaill riu,

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Ashlish 20:15

As quoi‐erbee nagh row ry‐gheddyn scruit ayns lioar y vea, v’ad er nyn dilgey ayns y logh dy aile.

Philippianee 3:19

Ta’n jerrey oc toyrt‐mow, yn Jee oc ta nyn molg, as ta’n gloyr oc ayns nyn nearey, ta nyn aigney er nheeghyn seihltagh.)

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Ashlish 20:3

As hilg eh eh ayns y diunid gyn‐grunt, as yeigh eh seose eh, as hug eh seal er, nagh jinnagh eh molley ny ashoonyn arragh, derrey veagh y thousane bleïn ec kione: as ny lurg shen, shegin da ve feayshlit son traa giare.

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.

Noo Mian 25:46

As hed ad shoh ersooyl gys y kerraghey dy bragh farraghtyn: agh y chloan chairagh gys y vea veayn.

Noo Mian 25:41

Eisht jir eh roosyn myrgeddin er y laue chiare, Immee‐jee voym, chloan churstey gys yn aile dy bragh farraghtyn, kiarit son y drogh‐spyrryd as e ainleyn.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Romanee 9:22

Cre my ren Jee, va’n aigney echey dy hoilshaghey e yymmoose, as dy yannoo e phooar cronnal, gymmyrkey lesh lane surranse‐foddey rish ny siyn dy chorree aarloo son toyrt‐mow:

Noo Luke 14:33

Myr shen myrgeddin quoi‐erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Ashlish 12:9

As va’n dragon mooar er ny eiyrt magh, yn chenn ard‐nieu, enmyssit yn Jouyl as Satan, ta molley yn slane seihll; v’eh eiyrit magh gys y thalloo, as va e ainleyn tilgit magh mârish.

Noo Luke 9:33

As haink eh gy‐kione myr v’ad goll dy aagail eh, dy dooyrt Peddyr rish Yeesey, Vainshter s’mie dooin dy ve ayns shoh; as lhig dooin three cabbaneyn y yannoo, cabbane er dty hon’s, as cabbane son Moses, as cabbane son Elias: s’coan toiggal cre v’eh dy ghra.

Noo Mian 7:14

Er‐yn‐oyr dy nee chion ta’n giat, as coon ta’n raad ta leeideil gys bea, as s’tiark ad ta dy haaghey eh.