Noo Mian 5:11 - Yn Conaant Noa 1810

¹¹ Bannit ta shiuish tra vees shiu oltooanit, as tranlaasit, as dy chooilley ghrogh‐ghoo currit ass nyn lieh dy aggairagh er y choontey aym’s.

Yn Vible Casherick 1775 1819

¹¹ Bannit ta shiuish tra vees shiu oltooanit, as tranlaasit, as dy chooilley ghrogh ghoo currit ass nyn lieh dy aggairagh er y choontey aym’s.

Noo Mian 1748

¹¹ Bannit ta shiuish, tra vees shiu oltooanit, as tranlaasit, as dy chooilley ghrogh red er ny ghra nyn oi eu, dy breagagh, er y choontey ayms.

Noo Mian 5:11 Iomraidhean Croise

Noo Mian 10:18

As bee shiu er nyn goyrt fenish kiannoortyn as reeaghyn er y choontey aym’s, myr shoh gymmyrkey feanish dauesyn, as da ny Ashoonee.

Noo Mian 10:22

As ver yn ymmodee feoh diu er coontey yn ennym aym’s: agh eshyn nee shassoo magh gys y jerrey, bee eh er ny hauail.

Noo Mian 10:25

S’lioar da’n scoillar dy ve myr e vainshter, as y charvaant myr e hiarn: my t’ad er cheau Beelzebub er mainshter y thie, cre‐woad smoo nee ad e vooinjer y oltooaney.

Noo Mian 10:39

Eshyn ta aggindagh e vioys y hauail, caillee eh eh: agh eshyn chaillys e vioys er my ghraih’s nee eh eh hauail,

Noo Mian 19:29

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead filley, as eiraght ayns y vea veayn.

Noo Mian 24:9

Eisht livreyee ad shiu seose dy ve seaghnit, as marree ad shiu: as bee dy chooilley ashoon dwoaiagh erriu er coontey yn ennym aym’s.

Noo Mian 27:39

As doltooan y vooinjer va goll shaghey eh, craa nyn ghing,

Noo Mark 13:13

As ver yn ymmodee feoh diu er coontey yn ennym aym’s: agh bee eshyn nee tannaghtyn firrinagh gys y jerrey er ny hauail.

Noo Mark 13:9

Agh jeeagh‐jee shiuish diu hene: son livreyee ad shiu seose gys coonceilyn; as ayns ny quaiyllyn vees shiu er nyn mwoalley, as ver ad lhieu shiu kiongoyrt rish fir‐reill as reeaghyn er choontey aym’s, dy ve son feanishyn jeem’s.

Noo Mark 4:17

Agh cha vel fraue oc ayndoo hene, as myr shen cha vel ad cummal rish agh son earish: ny lurg shen tra ta seaghyn ny tranlaase cheet orroo er coontey yn ghoo, cheelleragh ta nyn gredjue failleil.

Noo Mark 8:35

Son quoi‐erbee baillish e vioys y hauail, caillee eh eh; agh quoi‐erbee chaillys e vioys er my ghraih’s as graih yn tushtal, sauee eh eh.

Noo Luke 21:12

Agh roish ooilley shoh, gowee ad shiu, as nee ad tranlaase erriu, as livrey‐ee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir‐reill er coontey yn ennym aym’s.

Noo Luke 21:17

As ver yn ymmodee feoh diu er coontey yn ennym aym’s.

Noo Luke 6:22

Bannit ta shiuish, tra ta deiney cur feoh diu, as tra nee ad nyn scarrey shiu voue, as nyn oltooaney shiu, as nyn ennym y ghiarey magh myr olk, er coontey Mac y dooinney.

Noo Luke 9:24

Son quoi‐erbee baillish e vioys y hauail, caillee eh eh: agh quoi‐erbee chaillys e vioys er my ghraih’s, sauee eh shoh eh.

Noo Ean 15:21

Agh dy chooilley nhee jeu shoh nee ad riu kyndagh rish yn ennym aym’s, er‐y‐fa nagh vel enney oc ersyn t’er my choyrt.

Noo Ean 9:28

Eisht doltooan ad eh, as dooyrt ad, T’ou uss ’syn ynsaghey echeysyn: agh ta shinyn ayns ynsaghey Voses.

Jannoo 9:16

Son soilshee‐yms da, cre ny seaghyn mooarey shegin da y hurranse son my ennym’s.

Romanee 8:36

(Myr te scruit, Er dty ghraih ta shin ayns dangeyr baaish fey‐ny‐laa; ta shin coontit myr kirree ta pointit dy ve er nyn stroie)

1 Corinthianee 4:10

Ta shinyn goit son ommydanyn er coontey Chreest, agh ta shiuish creeney ayns Creest: ta shinyn annoon, agh ta shiuish lajer: ta shiuish ooasle; agh ta beg er ny hoiaghey j’inyn.

2 Corinthianee 4:11

Son ta shinyn ta bio, dy kinjagh er nyn livrey gys baase er graih Yeesey, dy voddagh bioys Yeesey ve myrgeddin jeant cronnal ayns yn eill marvaanagh ainyn.

Philippianee 1:29

Son diuish te er ny choyrt ass lieh Chreest, cha nee ny‐lomarcan dy chredjal ayn, agh myrgeddin dy hurranse er y ghraih echey;

1 Peddyr 2:23

Tra v’eh oltooanit, cha doltooan eh reesht: tra v’eh fo surranse, cha ren eh baggyrt; agh ren eh eh‐hene y hymney huggeysyn ta briwnys dy cairagh:

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.

Ashlish 2:3

As t’ou er n’ymmyrkey yn errey, as ta ayd meenid, as er graih my ennym t’ou er hooilleil, as cha vel oo er choayl dty chree.