Noo Mian 27:2 - Yn Conaant Noa 1810

² As erreish daue v’er chiangley eh, deiyr ad lhieu eh, as livrey ad eh gys Pontius Pilate yn kiannoort.

Yn Vible Casherick 1775 1819

² As erreish daue v’er chiangley eh, leeid ad eh ersooyl, as livrey ad eh gys Pontius Pilate yn kiannoort.

Noo Mian 1748

² As erreish daue ve’r chiangley e, leeid ad e ersooyl, as livrey ad e gys Pontius Pilate yn kianoort.

Noo Mian 27:2 Iomraidhean Croise

Noo Mian 20:19

As livreyree ad seose eh gys ny Ashoonee, as nee ad faghid er, as eh y scuitchal, as y chrossey: as er y trass laa nee eh girree reesht [veih ny merriu]

Noo Mian 28:14

As my chlinnys y kiannoort jeh, nee mayd eshyn y vreagey as shiuish y heyrey.

Noo Luke 13:1

Va kionfenish ec y traa shen paart dinsh da mychione ny Galileanee, yn uill oc va Pilate er gheayrtey mastey [fuill] ny ourallyn oc.

Noo Luke 20:20

As va sooill oc er, as hug ad magh peeikearyn va dy lhiggey orroo dy ve deiney cairagh, er‐chee tayrtyn eh ayns e ghlare, as myr shen dy livrey eh gys pooar as reill y chiannort.

Noo Luke 23:1

As dirree yn slane sheshaght jeu, as hug ad lhieu eh gys Pilate.

Noo Luke 23:12

As y laa cheddin va coardail er ny yannoo eddyr Pilate as Herod; son roïe v’ad ayns noidys ry‐cheilley.

Noo Luke 3:1

Nish ayns y wheiggoo vlein jeig jeh reill Tiberius Cesar, tra va Pontius Pilate ny chiannoort er Judea, as Herod ny hetrarch er Galilee, as e vraar Philip reill ayns Iturea, as cheer Trachonitis, as Lysanias reill ayns Abilene.

Noo Ean 18:12

Eisht ghow yn cheshaght, as y captan, as fir‐oik ny Hewnyn Yeesey, as chiangle ad eh.

Noo Ean 18:24

(Nish va Annas er choyrt eh kianlt gys Caiaphas yn ard‐saggyrt)

Noo Ean 18:28

Eisht hug ad lhieu Yeesey veih Caiaphas gys halley ny briwnys: as ve moghey, as cha jagh ad hene stiagh ayns halley ny briwnys, er‐aggle dy beagh ad an‐chasherick; as nagh voddagh ad yn Eayncaisht y ee.

Jannoo 12:6

As tra baillish Herod v’er choyrt lesh magh eh, yn oie cheddin va Peddyr ny chadley eddyr daa hidoor kianlt lesh daa gheuley; as dreill y watch ec y dorrys arrey er y phryssoon.

Jannoo 21:33

Eisht haink yn ard‐chaptan er‐gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Jannoo 22:25

As myr v’ad dy chiangley eh lesh yeeallyn, dooyrt Paul rish y chaptan‐keead va ny hassoo liorish, Vel eh lowal diuish dy scuitchal dooinney ta ny Romanagh as gyn deyrey?

Jannoo 22:29

Eisht daag adsyn eh er‐y‐chooyl va ry‐hoi feysht eh, as va aggle er yn ard‐chaptan hene myrgeddin erreish da toiggal dy nee Romanagh v’eh, as son dy row eh er chiangley eh.

Jannoo 24:27

Agh ec kione daa vleïn haink Portius Festus ayns ynnyd Felix: as son dy row Felix booiagh jannoo nhee taitnyssagh da ny Hewnyn, daag eh Paul ny phryssoonagh.

Jannoo 28:20

Er‐yn‐oyr shoh eisht ta mee er chur fys erriuish, dy akin shiu, as dy loayrt riu: er‐y‐fa son treishteil Israel dy vel mee kianlt lesh y gheuley shoh.

Jannoo 3:13

She Jee Abraham, as Isaac, as Jacob, Jee ny ayraghyn ain t’er ghloyraghey e Vac Yeesey; ren shiuish y livrey seose as y obbal ayns fenish Pilate, tra v’eh kiarit y raad y lhiggey da.

Jannoo 4:27

Son ayns firrinys noi dty lhiannoo casherick Yeesey, t’ou er ny ooillaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

Jannoo 9:2

As hir eh veih screeunyn, gys Damascus gys ny fir‐reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

1 Timothy 6:13

Ta mee cur currym ort fenish Yee, ta bioghey dy chooilley nhee, as kiongoyrt rish Creest Yeesey, ren tra v’eh roish Pontius Pilate gymmyrkey feanish mie;

2 Timothy 2:9

Er y hon ta mee gymmyrkey seaghyn myr drogh‐yantagh, dy jarroo gys geulaghyn; agh cha vel goo Yee kianlt.

Hebrewnee 13:3

Cooinee‐jee orroosyn t’ayns geulaghyn, myr ayns geulaghyn mâroo; as orroosyn t’ayns seaghyn, myr ta shin hene myrgeddin ’sy challin.