Noo Mian 26:42 - Yn Conaant Noa 1810

⁴² Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh ym, fegooish mee dy iu eh, dty aigney’s dy row jeant.

Yn Vible Casherick 1775 1819

⁴² Hie eh roish reesht yn nah cheayrt, as ghow eh padjer, gra, O my Ayr, mannagh vod yn cappan shoh goll shagh-ym, fegooish mee dy iu eh, dty aigney’s dy row jeant.

Noo Mian 1748

⁴² Hie e roish reesht yn nah cheart, as ghow e padjer, gra, O my Ayr, mannagh vod y cappan shoh goll shaghym, fegooish mee dy iv eh, dt’aigneys dy row jeant.

Noo Mian 26:42 Iomraidhean Croise

Noo Mian 20:22

Agh dreggyr Yeesey as dooyrt eh, Cha vel fys eu hene cre ta shiu dy yeearree. Vod shiu giu jeh’n cappan ta mish giu jeh, as v’er nyn mashtey lesh y bashtey ta mish dy ve bashtit lesh? Dooyrt adsyn rish, Foddee mayd?

Noo Mian 26:39

As hie eh red beg sodjey, as huitt eh sheese er e eddin, as ghow eh padjer, as dooyrt eh, O my Ayr, my oddys eh ’ve lhig da’n cappan shoh goll shagh‐ym: ny‐yeih cha nee m’aigney’s, agh dty aigney’s dy row jeant.

Noo Mian 26:43

As haink eh as hooar eh ad nyn gadley reesht: son va ny sooillyn oc trome.

Noo Mian 6:10

Dy jig dty reeriaght. Dty aigney dy row jeant er y thalloo, myr te ayns niau.

Noo Mark 14:36

As dooyrt eh, Abba, Ayr, ta dy chooilley nhee ayns dty phooar, gow ersooyl yn cappan shoh voym: ny‐yeih cha nee my aigney’s, agh dty aigney’s dy row jeant.

Noo Luke 22:42

Gra, Ayr, my she dty aigney eh, scugh yn cappan shoh voym: ny‐yeih cha nee my aigney’s, agh dt’aigney’s dy row jeant.

Noo Ean 6:38

Son haink mish neose veih niau, cha nee dy yannoo my aigney hene, agh yn aigney echeysyn ren m’y choyrt.

Hebrewnee 4:15

Son cha vel ain ard‐saggyrt nagh vel ennaghtyn chymmoil echey jeh nyn annooinidyn; agh v’eh er dy chooilley aght er ny phrowal lesh seaghyn myr ta shin hene, foast fegooish peccah.