Noo Mian 26:18 - Yn Conaant Noa 1810

¹⁸ As dooyrt eh, Gow‐jee gys yn ard‐valley gys lheid y dooinney shen, as abbyr‐jee rish, Ta’n mainshter gra, Ta my hraa er‐gerrey, freill‐ym y chaisht ec dty hie’s marish my ostyllyn.

Yn Vible Casherick 1775 1819

¹⁸ As dooyrt eh, Gow-jee gys yn ard-valley gys lheid y dooinney shen, as abbyr-jee rish, Ta’n mainshter gra, Ta my hraa er-gerrey, freill-ym y chaisht ec dty hie’s marish my ostyllyn.

Noo Mian 1748

¹⁸ As doort e, Gow‐jee gys yn ard‐valley gys leid y dooinney shen, as abbyr‐jee rish, Ta’n maishter gra, Ta my earishys ec laue; freillym y chaisht ec dty hie’s marish y vooinjer ta sheer geyrt orrym.

Noo Mian 26:18 Iomraidhean Croise

Noo Mian 21:3

As my loayrys dooinney erbee veg riu, abbyr‐jee shiuish, Ta feme ec y Chiarn orroo; as chelleeragh lhiggee eh yn raad daue.

Noo Mian 23:10

Chamoo gow‐jee erriu dy ve mainshteryn, son ta un er nyn Mainshter, eer Creest.

Noo Mian 23:8

Agh ny bee‐jee shiuish enmyssit Rabbi: son ta un vainshter eu, ta shen dy ghra, Creest, as ta shiuish ooilley nyn mraaraghyn.

Noo Mian 26:19

As ren adsyn myr va Yeesey er n’oardaghey daue, as daarlee ad yn eayn‐caisht.

Noo Mian 26:2

Ta fys eu lurg daa laa dy bee feailley ny caisht, as dy bee yn Mac dooinney er ny vrah dy ve er ny chrossey.

Noo Mian 26:49

As chelleeragh haink eh gys Yeesey, as dooyrt eh, Dy vannee dhyt, Vainshter; as phaag eh eh.

Noo Mark 5:35

Choud as v’eh foast loayrt, haink feallagh veih thie fer‐reill y synagogue, dooyrt rish, ta dty inneen marroo, cre s’lhiass dhyt trubbyl sodjey y chur er y vainshter?

Noo Luke 22:53

Tra va mee mêriu gagh laa ayns y chiamble, cha heeyn shiu magh laue m’oï: agh shoh yn oor eu, as pooar y dorraghys.

Noo Ean 11:28

As tra v’ee er ghra shoh, hie ee rhymbee, as deïe ee er e shuyr Moirrey er‐lheh, as dooyrt ee, Ta’n Mainshter er jeet, as t’eh geamagh ort.

Noo Ean 12:23

As dreggyr Yeesey ad, gra, Ta’n oor er jeet, dy vel yn Mac dooinney dy ve er ny ghloyraghey.

Noo Ean 13:1

Nish, roish feailley ny Caisht, as fys ec Yeesey, dy row yn oor echey er jeet, tra v’eh dy gholl ass y theihll shoh gys yn Ayr, myr v’eh graihagh er e vooinjer hene, va ayns y theihll, hug eh graih daue gys y jerrey.

Noo Ean 17:1

Ny goan shoh loayr Yeesey; as hrog eh seose e hooillyn gys niau, as dooyrt eh, Ayr, ta’n oor er jeet; jean dty Vac y ghloyraghey, dy vod dty Vac myrgeddin uss y ghloyraghey.

Noo Ean 20:16

Dooyrt Yeesey, Voirrey. Hyndaa ee ee‐hene, as dooyrt ee rish, Rabboni, ta shen dy ghra, Vainshter.

Noo Ean 7:30

Eisht v’ad shirrey y ghoaill eh: agh cha dug dooinney erbee laue er, son nagh row yn oor echey foast er jeet.

Noo Ean 7:6

Eisht dooyrt Yeesey roo, Cha vel my hraa’s foast er jeet: agh ta’n traa euish dy kinjagh jesh diu.

Noo Ean 7:8

Immee‐jee shiuish seose gys y feailley shoh: cha vel mish son goll seose foast gys y feailley shoh, er‐yn‐oyr nagh vel my hraa foast er jeet.