Noo Mian 2:4 - Yn Conaant Noa 1810

⁴ As tra v’eh er symney cooidjagh ooilley ny ard‐saggyrtyn, as scrudeyryn y phobble dênee eh jeu cre’n raad va Creest dy heet er y theihll.

Yn Vible Casherick 1775 1819

⁴ As tra v’eh er sumney cooidjagh ooilley ny ard-saggyrtyn, as scrudeyryn y phobble, dênee eh jeu cre’n raad va Creest dy heet er y theihll.

Noo Mian 1748

⁴ As tra ve er jaglym cooidjagh, ooilley ny ard‐saggyrtyn as scruderyn y pobble, denee e jeu, cre’n raad va Creest dy heet er y teihl.

Noo Mian 2:4 Iomraidhean Croise

Noo Mian 13:52

Eisht dooyrt eh roo, Shen‐y‐fa ta dy chooilley scrudeyr, ta ynsit gys reeriaght niau, goll‐rish dooinney ta ny er‐thie [mie] ta cur‐magh ass e hashtaghyn reddyn noa as shenn.

Noo Mian 2:3

Tra cheayll ree Herod shoh, v’eh dy mooar seaghnit, as ooilley Jerusalem mârish.

Noo Mian 2:5

As dooyrt adsyn rish, Ayns Bethlehem dy Yudea: son shoh myr te scruit liorish y phadeyr:

Noo Mian 21:15

As tra honnick ny ard‐saggyrtyn as ny scrudeyryn ny reddyn yindyssagh v’eh dy yannoo, as ny paitchyn geamagh ayns y chiamble, as gra, Hosanna gys mac Ghavid, v’ad feer chorree.

Noo Mian 21:23

As tra ve’h er jeet stiagh ayns y chiamble, haink ny ard‐saggyrtyn as shanstyr yn phobble huggey myr v’eh gynsaghey, gra, Cre’n phooar t’ayd’s dy yannoo ny reddyn shoh? as quoi hug yn phooar shoh dhyt?

Noo Mian 26:3

Eisht va ny ard‐saggyrtyn as ny scrudeyryn as shanstyr y phobble er nyn jaglym cooidjagh gys thie yn ard‐saggyrt va enmyssit Caiaphas.

Noo Mian 26:47

As choud as v’eh foast loayrt, cur‐my‐ner, haink Yuaase, fer jeh’n daa ostyl yeig, as va sheshaght vooar mârish lesh cliwenyn as luirg veih ny ard‐saggyrtyn as shanstyr y phobble.

Noo Mian 27:1

Tra va’n moghrey er jeet rish, hug ooilley ny ard‐saggyrtyn as shanstyr yn phobble nyn goyrle dy cheilley, dy choyrt eh gy baase.

Noo Mian 7:29

Son dynsee eh ad myr fer ayns slane pooar, as cha nee myr ny Scrudeyryn.

Noo Mark 8:31

As ren eh toshiaght dy hoilshaghey daue, dy row yn Mac dooinney dy hurranse ymmodee reddyn, as dy ve mee‐lowit liorish y chanstyr, as ny ard‐saggyrtyn as ny scrudeyryn, as dy ve er ny choyrt gy baase, as er y trass laa dy irree reesht.

Noo Luke 20:19

As va ny ard‐saggyrtyn as ny scrudeyryn ayns yn oor cheddin shirrey eh y ghoaill; agh ghow ad aggle roish y pobble; son dennee ad dy row eh er loayrt yn coraa‐dorraghey shoh nyn noisyn.

Noo Luke 23:10

As hass ny ard‐saggyrtyn as ny scrudeyryn as loayr ad dy elgyssagh n’oï.

Noo Ean 18:3

Hooar Yuaase eisht sheshaght dy gheiney, as sidooryn veih ny ard‐saggyrtyn as ny Phariseeyn, as haink eh ayns shen lesh lonteyryn, as torchyn, as armyn.

Noo Ean 3:10

Dreggyr Yeesey as dooyrt eh rish, Vel uss dty er‐ynsee ayns Israel, as nagh vel toiggal ayd jeh ny reddyn shoh?

Noo Ean 7:32

Cheayll ny Phariseeyn dy row yn pobble tallagh myr shoh my‐e‐chione: as hug ny Phariseeyn as ny ard‐saggyrtyn magh sidooryn dy ghoaill eh.

Noo Ean 8:3

As hug ny scrudeyryn as ny Phariseeyn lhieu huggey ben va goit ayns brishey‐poosey; as tra v’ad er hoiaghey ee kiongoyrt rish,

Jannoo 23:9

As va argane mooar er ny ghoostey: as dirree ny scrudeyryn va er paart ny Phariseeyn, as streeu ad, gra, Cha vel shinyn geddyn foill erbee ayns y dooinney shoh: agh my ta spyrryd ny ainle er loayrt rish, ny lhig dooin caggey noi Jee.

Jannoo 4:5

As haink eh gy‐kione laa ny vairagh, dy row ny fir‐reill oc as y chanstyr, as ny scrudeyryn,

Jannoo 6:12

As ghreinnee ad y pobble, as y chanstyr, as ny scrudeyryn, as haink ad as haare ad eh, as hug ad lhieu eh fenish y choonceil,