Noo Mian 2:23 - Yn Conaant Noa 1810

²³ As jimmee eh dy chummal ayns ard‐valley enmyssit Nazareth: as shoh myr va cooilleenit shen loayr ny phadeyryn, Bee eh enmyssit ny Nazarene.

Yn Vible Casherick 1775 1819

²³ As jimmee eh dy chummal ayns ard-valley enmyssit Nazareth: as shoh myr va cooilleenit shen loayr ny phadeyryn, Bee eh enmyssit ny Nazarene.

Noo Mian 1748

²³ As haink e as ren e vaghey ayns ard‐valley enmyssit Nazareth, dy voddagh ny va loarit liorish ny Phaderyn ve cooilleenit, Bee e enmyssit ny Nazarene.

Noo Mian 2:23 Iomraidhean Croise

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Mian 26:71

As tra ve’h er gholl magh ayns y phorch, honnick ben‐aeg elley eh, as dooyrt ee roosyn v’ayns shen, V’eh shoh myrgeddin marish Yeesey dy Nazareth.

Noo Mian 1:22

(Shoh myr va er ny chooilleeney ooilley ny loayr y Chiarn liorish y phadeyr, gra,

Jannoo 24:5

Ta shin er gheddyn yn dooinney shoh fer erskyn towse boiragh, as doostey anvea mastey ooilley ny Hewnyn er feai‐ny‐cruinney, as ny ard‐leeideilagh ayns shaghrynys credjue ny Nazarenee:

Jannoo 2:22

Gheiney Israel, eaisht‐jee rish ny goan shoh; Yeesey dy Nazareth, dooinney ren Jee soiaghey jeh nyn mast’ eu, liorish mirrilyn, as yindyssyn as cowraghyn, dobbree Jee liorishyn ayns yn enish eu, myr s’mie fys myrgeddin eu hene:

Noo Ean 19:19

As ren Pilate screeuyn, as hug eh er y chrosh eh. As va’n screeu, YEESEY DY NAZARETH REE NY HEWNYN.

Noo Ean 18:7

Eisht dênee eh jeu reesht, Quoi ta shiu dy hirrey? As dooyrt adsyn, Yeesey dy Nazareth.

Noo Ean 18:5

Dreggyr ad eh, Yeesey dy Nazareth. Dooyrt Yeesey roo, Mish eh. As va Yuaase myrgeddin ren y vrah eh ny hassoo mâroo.

Noo Luke 2:39

As tra v’ad er chooilleeney dy chooilley nhee cordail rish leigh yn Chiarn, haink ad reesht gys Galilee, gys yn ard‐valley oc hene Nazareth.

Noo Luke 1:26

As ayns y cheyoo vee, va’n ainle Gabriel er ny choryt veih Jee, gys ard‐valley dy Ghalilee, va enmysit Nazareth,

Noo Mian 21:11

Dooyrt y pobble, Shoh Yeesey yn phadeyr, ta veih Nazareth, ayns Galilee.

Noo Mark 1:9

As haink eh gy‐kione ayns ny laghyn shen, dy daink Yeesey veih Nazareth dy Ghalilee, as ve’h er ny vashtey liorish Ean ayns Jordan.

Noo Luke 18:37

As dinsh ad da, dy row Yeesey dy Nazareth goll shaghey.