Noo Mian 19:12 - Yn Conaant Noa 1810

¹² Son ta deiney gennish ayn, rug myr shen veih breïn nyn mayrey: as ta deiney gennish ayn v’er nyn yannoo gennish liorish deiney: as ta deiney gennish ayn, t’er n’yannoo ad hene gennish er graih reeriaght niau. Eshyn oddys shoh y ghoaill er, lhig da ’ghoaill eh.

Yn Vible Casherick 1775 1819

¹² Son ta deiney gennish ayn, rug myr shen veih breïn nyn mayrey: as ta deiney gennish ayn, v’er nyn yannoo gennish liorish deiney: as ta deiney gennish ayn, t’er n’yannoo ad-hene gennish er graih reeriaght niau. Eshyn oddys shoh y ghoaill er, lhig da ’ghoaill eh.

Noo Mian 1748

¹² Son ta deney gennish ayn rug myr shen veih breinn nyn mayrey: as ta deney gennish ayn, v’er nyn nianoo gennish liorish deney: as ta deney gennish ayn, t’er nianoo ad hene gennish er graih reeriaght niau. Eshyn ta able shoh y ghoal er, lig e ghoal er eh.

Noo Mian 19:12 Iomraidhean Croise

Noo Mian 19:11

Agh dooyrt eshyn roo, Cha nee dy chooilley ghooinney oddys shen y ghoaill er , agh adsyn ny lomarcan daue te er ny choyrt,

Noo Mian 19:13

Eisht hug ad lhieu huggey cloan veggey, dy chur e laueyn orroo, as dy vannaghey ad: as hug e ostyllyn oghsan daue.

1 Corinthianee 9:15

Agh cha vel mish er n’yannoo ymmyd erbee jeh’n phooar shoh. Chamoo ta mee er scrieu ny reddyn shoh, dy nee myr shoh veagh eh jeant er my hon: son baare dou baase y gheddyn na dooinney erbee dy yannoo shoh my voggys dyn bree.

1 Corinthianee 9:5

Nagh vel cairys ain dy chur lhien mârin er nyn yurnah shuyr, ben, chammah’s ostyllyn elley, as braaraghyn y Chiarn, as Cephas?

Ashlish 14:4

Shoh ad nagh row er n’yannoo peccah rish mraane; son moidynyn ad: shoh ad ta geiyrt da’n Eayn raad erbee dy jed eh: v’ad shoh er nyn gosney veih mastey deiney, myr va’d ny chied messyn da Jee as da’n Eayn.