Noo Mian 17:12 - Yn Conaant Noa 1810

¹² Agh ta mish gra riu, dy vel Elias er jeet hannah, as cha dug ad geill da, agh t’ad er ghellal rish lurg nyn aigney hene: as er yn aght cheddin nee Mac y dooinney neesht surranse lioroo.

Yn Vible Casherick 1775 1819

¹² Agh ta mish gra riu, dy vel Elias er jeet hannah, as cha dug ad geill da, agh t’ad er ghellal rish lurg nyn aigney hene: as er yn aght cheddin nee Mac y dooinney neesht surranse lioroo.

Noo Mian 1748

¹² Agh ta mish gra riu, dy vel Elias er jeet hanna, as cha dug ad enney er, agh ta’d er ghellal rish lurg nyn aigney hene, as er yn aght keddyn ghellys ad myrgeddyn rish yn mac dooinney.

Noo Mian 17:12 Iomraidhean Croise

Noo Mian 11:2

Nish tra va Ean er chlashtyn ayns y phryssoon jeh obbraghyn Chreest, hug eh jees jeh e ynseydee hene er chaghteraght huggey,

Noo Mian 16:21

Veih yn traa shen magh ren Yeesey toshaight dy hoilshaghey da e ostyllyn, kys dy beign da goll seose gys Jerusalem, as goll fo mooraane surranse veih’n chanstyr, as ny ard‐saggyrtyn, as ny scrudeyryn, as dy beagh eh er ny choyrt gy‐baase, agh dy n’irragh eh reesht er y trass laa.

Noo Mian 17:11

Dansoor Yeesey as dooyrt eh roo, Hig Elias dy jarroo hoshiaght, as lhiassee eh dy chooilley nhee:

Noo Mian 17:13

Eisht hoig e ostyllyn dy nee er Ean Bashtey v’eh cheet.

Noo Mian 17:22

As choud as v’ad ayns Galilee, dooyrt Yeesey roo, Bee Mac y dooinney er ny vrah gys laueyn deiney:

Noo Mian 17:9

As myr v’ad cheet neose jeh’n clieau, hug Yeesey currym orroo, gra, Ny insh‐jee yn ashlish da unnane erbee, derrey vees Mac yn dooinney er n’irree veih ny merriu.

Noo Mian 21:32

Son haink Ean hiuish ayns raad y chairys, as cha chred shiu eh: agh chred ny publicanee as ny drogh‐vraane eh. As ga dy vaik shiu shoh, cha ghow shiu arrys ny lurg shen, dy chredjal ayn.

Noo Mian 8:20

As dooyrt Yeesey rish, Ta tuill ec ny shynnee, as idd ec eeanlee yn aer, agh cha vel ec mac y dooinney wheesh boayl aaght son e chione.

Noo Luke 7:33

Son cha daink Ean Bashtey gee arran, ny giu feeyn; as ta shiu gra, Ta drogh‐spyrryd echey.

Noo Ean 1:11

Haink eh gys e vooinjer hene, agh cha ren e vooinjer hene soiaghey jeh.

Jannoo 2:23

Eshyn, va currit diu liorish oardagh ro‐laue as fysserree Yee, ta shiuish er ghoaill, as lesh laueyn mee‐chrauee er chrossey as er varroo.

Jannoo 4:10

Lhig da fys y ve euish ooilley, as ec ooilley pobble Israel, dy nee liorish ennym Yeesey Creest dy Nazareth, ren shiuish y chrossey, eh ren Jee y hroggal veih ny merriu, dy jarroo liorishyn ta’n dooinney shoh ta ny hassoo kiongoyrt riu er n’gheddyn slane couyr.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro‐laue jeh cheet yn Ercairagh, eh ta shiuish nish er vrah as er ghunverys: