Noo Mian 16:3 - Yn Conaant Noa 1810

³ As ayns y voghrey, Bee emshyr vroghe ayn jiu; son ta’n aer jiarg as dullyr. O shiuish chrauee‐oalsey, ta toiggal eu kys dy ghoaill baght jeh neeal yn aer, as nagh vod shiu baght y ghoaill jeh cowraghyn ny hearishyn?

Yn Vible Casherick 1775 1819

³ As ayns y voghrey, Bee emshyr vroghe ayn jiu; son ta’n aer jiarg as dullyr. O shiuish chrauee-oalsey, ta toiggal eu kys dy ghoaill baght jeh neeal yn aer, as nagh vod shiu baght y ghoaill jeh cowraghyn ny hearishyn?

Noo Mian 1748

³ As ayns y voghrey, Bee emshir vroghe ayn jiu; son ta’n aer jiarg as bodjallagh. Chrauee‐foalsey, ta toiggal eu, kys dy chur tastey da neeal yn aer; as nagh vod shiu tastey choyrt da cowraghyn ny earishyn?

Noo Mian 16:3 Iomraidhean Croise

Noo Mian 11:5

Ta ny doail geddyn nyn soilshey, as ny croobee shooyll, ny louraanee er nyn ghlenney, ny beuyr clashtyn, ny merriu er nyn mioghey, as yn sushtal er ny phreacheil da ny boghtyn.

Noo Mian 15:7

Chrauee‐oalsey s’mie ren Esaias phadeyrys jiuish, gra,

Noo Mian 22:18

Agh dennee Yeesey yn foalsaght oc, as dooyrt eh, Cre’n‐fa ta shiu shirrey vondeish y ghoaill orrym, shiuish chrauee‐oalsey?

Noo Mian 23:13

Agh smerg diuish scrudeyryn as Phariseeyn, chrauee‐oalsey; son ta shiu dooney seose reeriaght niau noi deiney: cha vel shiu goll stiagh shiu hene, as ta shiu dyn lhiettal adsyn ta aggindagh er goll stiagh.

Noo Mian 4:23

As hie Yeesey mygeayrt ooilley Galilee, gynsaghey ayns nyn gialteenyn, as preacheil sushtal y reeriaght, as lheihys dy chooilley hingys, as dy chooilley ghoghan mastey’n pobble.

Noo Mian 7:5

Er‐crauee‐oalsey, tilg hoshiaght yn darrag ass dty hooill hene; as eisht nee oo dy baghtal fakin dy ghoaill yn brinneen ass sooill dty vraarey.

Noo Luke 11:44

Smerg diuish scrudeyryn as Phariseeyn, chrauee‐oalsey: son ta shiu myr oiaghyn nagh vel ry‐akin, as ny deiney ta shooyl harrystoo, cha vel fys oc dy vel ad ayn.

Noo Luke 12:56

Chrauee‐oalsey, ta shiu son baght y ghoaill jeh neeal yn aer as y thalloo: agh kys te nagh vel shiu goaill baght jeh’n earish shoh?

Noo Luke 13:15

Eisht dreggyr y Chiarn eh, gra, Er‐crauee‐oalsey, nagh vel dagh fer jiuish er y doonaght feaysley e ghow ny e assyl veih’n staik, as dy chur lesh magh dy ushtaghey eh?

Hebrewnee 5:14

Agh ta bee lajer cooie dauesyn t’ec slane eash, dy jarroo dauesyn ta liorish cliaghtey er gheddyn keeal as tushtey dy vriwnys eddyr mie as sie.