Noo Mian 10:27 - Yn Conaant Noa 1810

²⁷ Shen ta mish dy insh diu ayns folliaght, fockle‐jee shiuish magh eh dy foshlit: as shen ta shiu er chlashtyn myr hannish voym’s, jean‐jee y phreacheil er mullagh ny dhieyn.

Yn Vible Casherick 1775 1819

²⁷ Shen ta mish dy insh diu ayns folliaght, fockle-jee shiuish magh eh dy foshlit: as shen ta shiu er chlashtyn myr hannish voym’s, jean-jee y phreacheil er mullagh ny dhieyn.

Noo Mian 1748

²⁷ Shen ta mish dy insh diu ayns y dorraghys, loar‐jee shiuish jeh ayns y toilshey, as ny ta shiu er chlashtyn ayns y chleash eu voyms, jean-jee y phreacheil er mullagh ny thiyn.

Noo Mian 10:27 Iomraidhean Croise

Noo Mian 24:17

Eshyn t’er mullagh y thie, ny lhig da cheet neose dy ghoaill mârish nhee erbee ass e hie:

Noo Luke 12:3

Shen‐y‐fa cre‐erbee ta shiuish er loayrt ayns y dorraghys, bee eh er ny chlashtyn ayns y toilshey: as shen ta shiu er ghra myr hannish, ayns shamyryn, bee eh er ny ockley magh er mullagh ny dhieyn.

Noo Luke 8:10

As dooyrt eh, Diuish te er ny choyrt dy hoiggal folliaghtyn reeriaght Yee; agh da feallagh elley ayns coraaghyn‐dorraghey: ga t’ad fakin cha vel ad cur‐my‐ner, as clashtyn cha vel ad toiggal.

Noo Ean 16:1

Ny goan shoh ta mee er loayrt riu, son nagh bee nyn gredjue er ny lhaggaghey.

Noo Ean 16:13

Agh tra hig eshyn, Spyrryd ny firriney, leeidee eh shiu gys dy chooilley irrinys: son cha loayr eh jeh hene, agh cre‐erbee nee eh y chlashtyn, shen loayrys eh; as soilshee eh diu reddyn ta ry‐heet.

Noo Ean 16:25

Ny reddyn shoh ta mee er loayrt riu ayns coraaghyn‐dorraghey: agh ta’n traa cheet tra nagh loayrym riu ny smoo ayns coraaghyn‐dorraghey, agh soilshee‐ym diu dy foshlit jeh’n Ayr.

Noo Ean 16:29

Dooyrt e ostyllyn rish, Cur‐my‐ner, nish t’ou loayrt dy foshlit, as cha vel oo loayrt coraa‐dorraghey erbee.

Jannoo 17:17

Shen‐y‐fa ren eh resooney ayns y synagogue rish ny Hewnyn, as rish ny deiney crauee, as ayns thie ny quaallagh gagh laa roosyn va cheet ny raad.

Jannoo 5:20

Immee‐jee, as shass‐jee, as loayr‐jee ayns y chiamble rish y pobble ooilley goan y vea shoh.

Jannoo 5:28

Gra, Nagh dug shinyn sarey gyere diu, gyn shiu dy ynsaghey ayns yn ennym shoh? as cur‐my‐ner, ta shiu er lhieeney Jerusalem lesh yn ynsagh eu, as kiarail tayrn orrin loght fuill y dooinney shoh.

2 Corinthianee 3:12

Fakin eisht dy vel ain lheid y treishteil, ta shin goaill orrin dy loayrt lesh slane reamys.