Noo Luke 8:3 - Yn Conaant Noa 1810

³ As Joanna ben Chusa stiurt Herod, as Susanna, as ymmodee elley, v’er hirveish er jeh nyn gooid.

Yn Vible Casherick 1775 1819

³ As Joanna ben Chuza stiurt Herod, as Susanna, as ymmodee elley, v’er hirveish er jeh nyn gooid.

Noo Luke 8:3 Iomraidhean Croise

Noo Mian 14:1

Ec y traa shen cheayll Herod yn Tetrarch jeh goo Yeesey,

Noo Mian 14:3

Son va Herod er ghoaill Ean, as er choyrt eh ayns geulaghyn ’sy phryssoon, er coontey Herodias ben e vraar Philip.

Noo Mian 14:6

Agh er y laa v’er ny reayll corrym rish y laa ruggyr Herod, ghaunse inneen Herodias ayns yn enish oc, as ghow Herod lane boggey j’ee.

Noo Mian 2:11

As goll stiagh ’sy thie, hooar ad y liahunoo marish Moirrey e voir, as gliooney sheese, hug ad ooashley da: as fosley ny tashtaghyn oc, heb ad giootyn da; airh, as frankincense, as myrrh.

Noo Mian 20:8

Myr shen tra va’n fastyr er jeet, dooyrt chiarn y gharey‐feeyney rish y stiurt echey, Eïe er ny labreeyn, as cur daue nyn vaill, goaill toshiaght veih yn vooinjer s’jerree gys y chied eallagh.

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Mian 26:11

Son ta ny boghtyn eu kinjagh mêriu, agh mish cha vel eu kinjagh.

Noo Mian 27:55

As va ymmodee mraane ayns shen (va jeeaghyn er tammylt voue) va er n’eiyrt er Yeesey veih Galilee dy hirveish er.

Noo Luke 24:10

She Moirrey Malaine, as Joanna as Moirrey moir Yamys, as mraane elley va mâroo, dinsh ny reddyn shoh da ny ostyllyn.

Noo Ean 12:6

Shoh dooyrt eh, cha nee ayns kiarail erbee son ny boghtyn, agh dy row eh ny vaarliagh, er va currym y sporran, as eshyn va gymmyrkey ny v’ayn.

Jannoo 13:1

Nish va ayns yn agglish va ec Antioch, shiartanse dy adeyryn as dy ir‐ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

2 Corinthianee 8:9

Son shione diu grayse nyn Jiarn Yeesey Chreest, ga dy row eh berchagh, ny‐yeih er y ghraih euish ghow eh er dy ve boght, trooid y voghtynid echeysyn dy voddagh shiuish ve jeant berchagh.

Philippianee 4:22

Ta ooilley ny nooghyn coyrt nyn mannaght hiu, er‐lheh adsyn ta jeh lught‐thie Cesar.

1 Timothy 5:10

Ayns goo mie son obbraghyn mie; my t’ee er hroggal cloan, my t’ee er chur aaght da joarreeyn, my t’ee er niee cassyn ny nooghyn, my t’ee er chooney lhieusyn va seaghnit, my t’ee er eiyrt dy imneagh da dy chooilley obbyr vie.