Jannoo 9:4 - Yn Conaant Noa 1810

⁴ As huitt eh gys y thalloo, as cheayll eh coraa gra rish, Saul, Saul, cre’n‐fa t’ou jannoo tranlaase orrym?

Yn Vible Casherick 1775 1819

⁴ As huitt eh gys y thalloo, as cheayll eh coraa gra rish, Saul, Saul, cre’n-fa t’ou jannoo tranlaase orrym?

Jannoo 9:4 Iomraidhean Croise

Noo Mian 25:40

As freggyree yn Ree, as jir eh roo, Dy firrinagh ta mee gra riu, Ayns wheesh as dy vel shiu er n’yannoo eh son y fer sloo jeu shoh my vraaraghyn, ta shiu er n’yannoo eh er my hon’s.

Noo Luke 10:41

As dreggyr Yeesey, as dooyrt eh r’ee, Martha, Martha, t’ou ro‐imneagh as seaghnit mysh ymmodee nheeghyn:

Noo Ean 18:6

Cha leah eisht as v’eh er ghra roo, Mish eh, hie ad gour nyn drommey, as huitt ad gys y thalloo.

Noo Ean 20:16

Dooyrt Yeesey, Voirrey. Hyndaa ee ee‐hene, as dooyrt ee rish, Rabboni, ta shen dy ghra, Vainshter.

Noo Ean 21:15

Myr shen tra v’ad erreish bee, dooyrt Yeesey rish Simon Peddyr, Simon mac Yonas, vel oo ny s’graihee orrym’s na orroo shoh? Dooyrt eh rish, Ta mee, Hiarn; ta fys ayd dy vel graih aym ort. Dooyrt eh rish, Jeeagh dy mie da my eayin.

Jannoo 5:10

Eisht huitt ee harrish doaltattym ec e chassyn, as hooar ee baase; as haink ny deiney aegey stiagh, as hooar ad ee marroo, as hrog ad lhieu magh ee, as doanluck ad ee liorish e sheshey.

Jannoo 9:5

As dooyrt eh, Quoi oo, Hiarn? As dooyrt y Chiarn, Mish Yeesey t’ou jannoo tranlaase er: S’doillee dhyt brebbal noi ny jilg.

Romanee 11:22

Cur‐my‐ner er‐y‐fa shen mieys as briwnys gyere Yee: orroosyn ren tuittym briwnys gyere; agh ort’s, mieys, my t’ou tannaghtyn ayns e vieys: er aght elley bee uss myrgeddin giarit jeh.

1 Corinthianee 12:12

Son ’naght myr ta’n corp unnane, as e oltyn ymmodee, as nagh vel ooilley oltyn yn un chorp shen, ga ymmodee, jannoo agh un chorp: er yn aght cheddin ta Creest.

1 Corinthianee 4:7

Son quoi eh ta coyrt dhyt’s yn vondeish erskyn fer elley? as cre t’ayd nagh vel oo er gheddyn? nish my hooar oo eh, cre’n‐fa t’ou boggyssagh, myr nagh beagh oo er gheddyn eh?

Ephesianee 5:30

Son ta shin oltyn jeh e chorp, jeh’n eill, as jeh ny craueyn echey.