Jannoo 9:2 - Yn Conaant Noa 1810

² As hir eh veih screeunyn, gys Damascus gys ny fir‐reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

Yn Vible Casherick 1775 1819

² As hir eh veih screeunyn gys Damascus gys ny fir-reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

Jannoo 9:2 Iomraidhean Croise

Noo Mian 10:17

Agh bee‐jee er nyn dwoaie roish deiney, son livrey‐ee ad shiu seose gys ny coonceilyn, as scuitchee ad shiu ayns ny quaiylyn oc.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Jannoo 18:25

Va ec y dooinney shoh ynsaghey ayns raad y Chiarn; as lesh jeeanid ayns y spyrryd loayr eh as dynsee eh dy imneagh ny reddyn va bentyn rish y Chiarn, toiggal ynrycan bashtey Ean.

Jannoo 19:23

As ec y traa cheddin cha nee yn beggan boirey dirrey mychione y chredjue shen.

Jannoo 19:9

Agh tra daase shiartanse jeu roonagh, as mee‐chredjuagh, loayrt dy lûnagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Jannoo 24:14

Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 24:22

Tra cheayll, Felix shoh, hug eh ad shaghey, derrey oddagh eh toiggal sodjey y gheddyn ’sy chooish; as dooyrt eh, Tra hig Lysias yn ard‐chaptan neose, yioyms fys er bun y chooish eu.

Jannoo 26:10

As shen ren mee neesht ayns Jerusalem: as ymmodee jeh ny nooghyn yeigh mee ayns pryssoon, liorish yn phooar v’aym veih ny ard‐saggyrtyn; as tra v’ad er nyn goyrt gy‐baase, hug mee my choraa nyn ’oï oc.

Jannoo 26:12

Er shoh tra hie mee gys Damascus, lesh pooar as barrantys veih ny ard‐saggyrtyn;

Jannoo 6:9

Eisht dirree shiartanse jeh yn synagogue ta enmyssit ny Libertinee, as jeh ny Cyrenianee, as Alexandrianee, as jeusyn jeh Cilicia as Asia, pleadeil rish Steaon.

Jannoo 7:19

Ghell eh shoh dy foalsey rish y chynney ain, as hug eh drogh‐chorrym da nyn ayraghyn, myr shen dy row ad êginit nyn gloan veggey y hilgey magh, dy ve stroit.

Jannoo 9:14

As ayns shoh ta pooar echey veih ny ard‐saggyrtyn, dy gheuley ooilley ny ta geamagh er dty ennym’s.

Jannoo 9:21

Agh ghow ooilley ny va dy chlashtyn eh yindys mooar, as dooyrt ad, Nagh nee shoh eh va dy eiyrt gys baase adsyn va geamagh er yn ennym shoh ayns Jerusalem, as nagh daink eh er y chee shen dy chur lesh ad geulit gys ny ard‐saggyrtyn?

2 Corinthianee 11:32

Ayns Damascus, va’n kiannoort fo Aretas y ree freaylley yn ard‐valley jeh ny Damascenee lesh garrison, er‐chee dy my ghoaill.

Galatianee 1:17

Chamoo hie mee seose gys Jerusalem, hucsyn va nyn ostyllyn roym; agh hie mee gys Arabia, as haink mee mygeayrt reesht gys Damascus.