Jannoo 9:10 - Yn Conaant Noa 1810

¹⁰ As va dooinney dy row ec Damascus enmyssit Ananias, v’er jyndaa gys y chredjue, as rishyn dooyrt y Chiarn ayns ashlish, Ananias. As dooyrt eh, Cur‐my‐ner, ta mee ayns shoh, Hiarn.

Yn Vible Casherick 1775 1819

¹⁰ As va dooinney dy row ec Damascus enmyssit Ananias, v’er jyndaa gys y chredjue, as rishyn dooyrt y Chiarn ayns ashlish, Ananias. As dooyrt eh, Cur-my-ner, ta mee ayns shoh, Hiarn.

Jannoo 9:10 Iomraidhean Croise

Jannoo 10:3

Honnick eh shoh ayns ashlish dy baghtal, mysh yn nuyoo oor jeh’n laa, ainle dy Yee cheet stiagh huggey, as gra rish, Cornelius.

Jannoo 11:5

Va mish ec padjer ayns ard‐valley Joppa; as myr va mee my‐neealloo, honnick mee ayns ashlish, saagh dy row cheet neose myr dy beagh eh brelleein vooar, lhiggit neose veih niau er ny kiare binn; as haink eh er‐gerrey dou.

Jannoo 12:9

As hie eh magh as deiyr eh er, as cha row fys echey dy row eh dy jarroo myr va’n ainle er n’yannoo: agh er‐lesh dy nee ashlish v’eh dy akin.

Jannoo 16:10

As erreish da v’er vakin yn ashlish, ghow shin ayns laue dy gholl jeeragh gys Macedonia, toiggal son shickyrys dy row yn Chiarn er n’eamagh orrin dy phreacheil y sushtal daue.

Jannoo 16:9

As honnick Paul ashlish ayns yn oie; Hass dooinney jeh Macedonia liorish, as ghuee eh er, gra, Tar noon gys Macedonia, as coon lhien.

Jannoo 18:9

Eisht loayr y Chiarn ayns ashlish rish Paul ayns yn oie, Ny bee aggle ort, agh loayr magh, as ny bee dty host:

Jannoo 2:17

As hig eh gy‐kione ayns ny laghyn jerrinagh (ta Jee gra) dy deayrt‐yms magh jeh my Spyrryd er dy chooilley eill: as nee ny mec as ny inneenyn eu phadeyrys, as nee ny deiney aegey eu ashlishyn y akin, as ny shenn gheiney eu dreamallyn y ghreamal:

Jannoo 22:12

As haink hym fer dy row enmyssit Ananias, dooinney crauee cordail rish y leigh, echey va goo mie veih ooilley ny Hewnyn va cummal ayns shen,

Jannoo 9:12

As t’eh er vakin ayns ashlish dooinney enmyssit Ananias cheet stiagh, as cur e laue er, dy vod eh e hoilshey y gheddyn.

Jannoo 9:9

As v’eh three laa fegooish soilshey, as cha ren eh gee ny giu.

2 Corinthianee 11:32

Ayns Damascus, va’n kiannoort fo Aretas y ree freaylley yn ard‐valley jeh ny Damascenee lesh garrison, er‐chee dy my ghoaill.

Galatianee 1:17

Chamoo hie mee seose gys Jerusalem, hucsyn va nyn ostyllyn roym; agh hie mee gys Arabia, as haink mee mygeayrt reesht gys Damascus.