Jannoo 8:3 - Yn Conaant Noa 1810

³ Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

Yn Vible Casherick 1775 1819

³ Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

Jannoo 8:3 Iomraidhean Croise

Jannoo 16:19

As tra honnick ny mainshteryn eck dy row ooilley jerkal nyn gosney ec kione, haare ad Paul as Silas, as hayrn ad ad gys y whuaiyl, fenish fir‐reill yn ard‐valley,

Jannoo 22:19

As dooyrt mish, Hiarn, ta fys oc dy ren mish pryssooney as bwoailley ayns dy chooilley synagogue adsyn va credjal aynyd.

Jannoo 7:58

As hilg ad eh magh ass yn ard‐valley, as chlagh ad eh: as hug ny feanishyn nyn eaddagh ny lhie ec cassyn dooinney aeg, va enmyssit Saul,

Jannoo 8:2

As hrog deiney crauee lhieu Steaon dy oanluckey eh, as ren ad dobberan hrimshagh harrish.

Jannoo 9:21

Agh ghow ooilley ny va dy chlashtyn eh yindys mooar, as dooyrt ad, Nagh nee shoh eh va dy eiyrt gys baase adsyn va geamagh er yn ennym shoh ayns Jerusalem, as nagh daink eh er y chee shen dy chur lesh ad geulit gys ny ard‐saggyrtyn?

1 Corinthianee 15:9

Son she mish y fer sloo jeh ny ostyllyn, nagh vel feeu dy ve er my enmys my ostyl, er‐y‐fa dy ren mee tranlaase er agglish Yee.

Galatianee 1:13

Son ta shiu er chlashtyn jeh m’ymmyrkey‐bea t’er n’gholl shaghey, ayns credjue ny Hewnyn, kys dy ren mee tranlaase erskyn towse y yannoo er agglish Yee, dy stroie eh:

Philippianee 3:6

Mychione jeeanid son y leigh, jannoo tranlaase er yn agglish; mychione y chairys ta liorish y leigh, gyn foill.

1 Timothy 1:13

Mish va roïe loayrt dy olkyssagh [noi Creest], as my hranlaasagh, as eulyssagh. Agh hooar mee myghin, er‐yn‐oyr dy ren mee eh dy neu‐hushtagh, ayns mee‐chredjue:

Jamys 2:6

Agh ta shiuish er hoiaghey beg jeh ny boghtyn. Nagh vel ny berchee jannoo tranlaase erriu, as tayrn shiu fenish stuill‐vriwnys?