Jannoo 8:1 - Yn Conaant Noa 1810

¹ As va aigney Saul lhieu ayns y choyrt eh gy‐baase. As ec y traa shen va tranlaase er ny yannoo er yn agglish va ec Jerusalem; as va’d ooilley er nyn skeayley magh trooid cheeraghyn Yudea as Samaria, cheu‐mooie jeh ny ostyllyn.

Yn Vible Casherick 1775 1819

¹ As va aigney Saul lhieu ayns y choyrt eh gy-baase. As ec y traa shen va tranlaase er ny yannoo er yn agglish va ec Jerusalem; as v’ad ooilley er nyn skeayley magh trooid cheeraghyn Yudea as Samaria, cheu-mooie jeh ny ostyllyn.

Jannoo 8:1 Iomraidhean Croise

Noo Mian 22:6

As ghow yn chooid elley ny sharvaantyn echey, as ghell ad dy elgyssagh roo, as varr ad ad.

Noo Mian 23:34

Shen‐y‐fa, cur‐my‐ner, ta mish coyrt hiu phadeyryn, as deiney creeney, as scrudeyryn; as paart jeu nee shiu y varroo, as y chrossey, as paart jeu nee shiu y scuitchal ayns nyn guaiylyn, as geiyrt ad veih ard‐valley gys ard‐valley:

Noo Mian 5:13

Shiuish sollan y thallooin: agh my ta’n sollan er choayll e vlass, kys hig e vree ayn reesht? cha vel ymmyd erbee sodjey ny chour, agh dy ve tilgit magh, as stampit fo cassyn deiney.

Noo Ean 15:20

Cooinee‐jee er y raa loayr mish riu, Cha vel y charvaant ny syrjey na e hiarn. My t’ad er n’yannoo tranlaase orrym’s, nee ad myrgeddin tranlaase erriuish: my t’ad er vreayll my ghoan’s, freillee ad ny goan euish myrgeddin.

Noo Ean 16:2

Ver ad shiu magh ass ny kialteenyn: as ta’n oor cheet, quoi‐erbee varrys shiu, dy smooinee eh dy bee eh shirveish Jee.

Jannoo 1:8

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

Jannoo 13:1

Nish va ayns yn agglish va ec Antioch, shiartanse dy adeyryn as dy ir‐ynsee; myr Barnabas, as Simeon va enmyssit Niger, as Lucius yn Cyrenian, as Manaen va troggit marish Herod yn tetrarch, as Saul.

Jannoo 13:36

Son erreish da David rish e lhing hene v’er hirveish aigney Yee, huitt eh ny chadley, as v’eh er ny oanluckey marish e ayraghyn, as honnick eh loauid:

Jannoo 2:47

Cur moylley da Jee, as ayns ard‐ghoo rish ooilley yn pobble. As va’n Chiarn cur stiagh gys yn agglish gagh‐laa lheid as va shirrey son saualtys.

Jannoo 22:20

As tra va fuill dty eanish Steaon er ny gheayrtey, va mee my hassoo kionfenish, as m’aigney lhieu ayns y choyrt eh gy‐baase, as yeeagh mee da’n eaddagh ocsyn ren y varroo eh.

Jannoo 26:10

As shen ren mee neesht ayns Jerusalem: as ymmodee jeh ny nooghyn yeigh mee ayns pryssoon, liorish yn phooar v’aym veih ny ard‐saggyrtyn; as tra v’ad er nyn goyrt gy‐baase, hug mee my choraa nyn ’oï oc.

Jannoo 5:18

As hug ad laueyn er ny ostyllyn, as hilg ad ad ayns y phryssoon chadjin.

Jannoo 5:20

Immee‐jee, as shass‐jee, as loayr‐jee ayns y chiamble rish y pobble ooilley goan y vea shoh.

Jannoo 5:33

Tra cheayll ad shen v’ad guint gys y chree, as hug ad nyn goyrle dy cheilley dy chur ad dy baase.

Jannoo 5:40

As da’n choyrle echeysyn hug ad geill: as tra v’ad er n’eamagh er ny ostyllyn as er smaghtaghey ad, hug ad currym orroo gyn ad dy loayrt ayns ennym Yeesey, as lhig ad y raad daue.

Jannoo 7:38

Shoh eh va harrish yn agglish ayns yn aasagh, marish yn ainle loayr rish er cronk Sina, as rish ny ayraghyn ain: eh hooar goan ny bea dy choyrt ad dooinyn.

Jannoo 7:54

Tra cheayll ad ny goan shoh v’ad guint gys y chree, as slieeu ad nyn veeacklyn er.

Jannoo 7:58

As hilg ad eh magh ass yn ard‐valley, as chlagh ad eh: as hug ny feanishyn nyn eaddagh ny lhie ec cassyn dooinney aeg, va enmyssit Saul,

Jannoo 8:14

Nish tra va ny ostyllyn va ec Jerusalem er chlashtyn dy row Samaria er ghoaill goo Yee, hug ad huc Peddyr as Ean.

Jannoo 8:2

As hrog deiney crauee lhieu Steaon dy oanluckey eh, as ren ad dobberan hrimshagh harrish.

Jannoo 8:4

Shen‐y‐fa hie yn vooinjer v’er nyn skeayley magh, trooid ymmodee ardjyn, preacheil y goo.

Jannoo 8:5

Agh hie Philip sheese gys ard‐valley Samaria, as ren eh Creest y phreacheil daue.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Romanee 1:32

Ga dy vel toiggal oc jeh briwnys Yee, (dy vel adsyn ta cur rish lheid ny reddyn shoh toilchin baase) cha vel ny lomarcan jannoo ny reddyn cheddin ad hene, agh ta taitnys oc ayndoosyn ta cur roo.

Philippianee 1:12

Agh baillym shiu dy hoiggal, vraaraghyn, dy vel ny reddyn t’er jeet my raad, er jyndaa magh dy chur y sushtal ny smoo er y hoshiaght:

Hebrewnee 11:27

Liorish credjue daag eh Egypt, gyn aggle er roish jymmoose y ree: son ren eh gymmyrkey eh dy dunnal, myr ’sy chilley echeysyn ta ass fakin.