Jannoo 5:3 - Yn Conaant Noa 1810

³ Agh dooyrt Peddyr; Ananias, cre’n‐fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Yn Vible Casherick 1775 1819

³ Agh dooyrt Peddyr; Ananias, cre’n-fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Jannoo 5:3 Iomraidhean Croise

Noo Mian 13:19

Quoi‐erbee ta clashtyn goo yn reeriaght, as nagh vel dy hoiggal eh, ta’n drogh‐er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Noo Luke 22:3

Eisht hie yn drogh‐spyrryd stiagh ayns Yuaase va slennooit Iscariot, va jeh earroo yn daa ostyl yeig.

Noo Ean 13:2

As myr v’ad gee nyn shibber (va’n drogh‐spyrryd nish er choyrt eh ayns cree Yuaase Iscariot mac Simon, dy vrah eh)

Noo Ean 13:27

As lurg y greme, hie yn drogh‐spyrryd stiagh ayn. Eisht dooyrt Yeesey rish, Shen t’ou dy yannoo, jean eh dy tappee.

Jannoo 5:2

As keiltyn ayrn jeh’n phrice er‐fys da e ven, hug eh lesh yn chooid elley, as lhie eh sheese ec cassyn ny hostyllyn eh.

Jannoo 5:4

Choud as ve dyn chreck, nagh row eh lhiat hene? as erreish da ve creckit, nagh row eh ayns dty phooar hene? cre’n‐fa t’ou er smooinaghtyn er lheid y red ayns dty chree? cha nee gys deiney t’ou er n’yannoo breg, agh gys Jee.

Jannoo 5:9

Eisht dooyrt Peddyr r’ee, Kys te dy dug shiu nyn goyrle dy cheilley er‐chee dy yannoo molteyrys er Spyrryd y Chiarn? cur‐my‐ner ta ny cassyn ocsyn t’er n’oanluckey dty heshey ec y dorrys, as troggee ad uss magh.

Jamys 4:7

Jean‐jee shiu hene y injillaghey er‐y‐fa shen gys Jee; shass‐jee seose noi’n drogh‐spyrryd, as ver eh cooyl diu:

1 Peddyr 5:8

Bee‐jee sheelt, bee‐jee er nyn arrey; er‐yn‐oyr dy vel y noid eu yn drogh‐spyrryd myr lion buirroogh, shooyl mygeayrt, shirrey quoi oddys eh y stroie: