Jannoo 5:2 - Yn Conaant Noa 1810

² As keiltyn ayrn jeh’n phrice er‐fys da e ven, hug eh lesh yn chooid elley, as lhie eh sheese ec cassyn ny hostyllyn eh.

Yn Vible Casherick 1775 1819

² As keiltyn ayrn jeh’n phrice er-fys da e ven, hug eh lesh yn chooid elley, as lhie eh sheese ec cassyn ny hostyllyn eh.

Jannoo 5:2 Iomraidhean Croise

Noo Mian 23:5

Agh ooilley nyn obbraghyn t’ad dy yannoo dy ve cronnit liorish deiney: t’ad jannoo lhean ny phylactereeyn oc, as ceau chem‐mallyn mooarey er nyn gharmadyn,

Noo Ean 12:6

Shoh dooyrt eh, cha nee ayns kiarail erbee son ny boghtyn, agh dy row eh ny vaarliagh, er va currym y sporran, as eshyn va gymmyrkey ny v’ayn.

Jannoo 2:44

As va ooilley ny v’er jyndaa gys y chredjue taaghey ry‐cheilley, as co‐pharteeas oc ayns dy chooilley nhee.

Jannoo 4:37

Ren yn thalloo v’echey y chreck, as hug eh lesh yn argid, as lhie eh sheese eh ec cassyn ny hostyllyn.

Jannoo 5:1

Agh va dooinney dy row va enmyssit Ananias, as y ven echey Sapphira, ren thalloo v’oc y chreck,

Jannoo 5:3

Agh dooyrt Peddyr; Ananias, cre’n‐fa ta Satan er lhieeney dty chree dy yannoo breg gys y Spyrryd Noo, liorish keiltyn ayrn jeh price y thallooin?

Jannoo 5:8

As dooyrt Peddyr r’ee, Insh dou, nee er lheid yn phrice shen chreck shiu yn thalloo? As dooyrt ish, She, shen va’n phrice.

Philippianee 2:3

Ny lhig da nhee erbee ve jeant trooid anvea, ny mooaralys, agh ayns injillid‐aigney lhig da dagh unnane soiagh ’yannoo jeh feallagh elley roish hene.

1 Timothy 6:10

Son saynt argid fraue dy chooilley olk: da’n chooid cheddin choud as va paart miandagh er, t’ad er n’gholl er‐shaghryn veih’n chredjue, as er vroddey ad hene trooid lesh mooarane torchaghyn.