Jannoo 5:16 - Yn Conaant Noa 1810

¹⁶ Haink ymmodee myrgeddin ass ny ard‐valjyn mygeayrt gys Jerusalem, cur lhieu aslayntee, as adsyn va seaghnit lesh spyrrydyn neu‐ghlen: as v’ad ooilley er nyn lheihys.

Yn Vible Casherick 1775 1819

¹⁶ Haink ymmodee myrgeddin ass ny ard-valjyn mygeayrt gys Jerusalem, cur lhieu aslayntee, as adsyn va seaghnit lesh spyrrydyn neu-ghlen: as v’ad ooilley er nyn lheihys.

Jannoo 5:16 Iomraidhean Croise

Noo Mian 2:16

Eisht Herod toiggal dy row eh mollit liorish ny deiney‐creeney, v’eh erskyn‐towse eulyssagh, as hug eh magh sarey, as varr eh ooilley ny lhiennoo‐mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney‐creeney.

Noo Mian 4:24

As hie goo jeh magh trooid ooilley Syria: as hug ad lhieu huggey ooilley ny aslayntee, fo doghanyn as pianyn, adsyn va seaghnit lesh drogh‐spyrrydyn, sleih ass nyn geeayl, as an‐lheiltee, as ren eh ad y lheihys.

Noo Mian 8:16

Tra va’n fastyr er jeet, hug ad lhieu huggey ymmodee va drogh‐spyrrydyn ayndoo: as deiyr eh magh ny spyrrydyn lesh fockle, as laanee eh ooilley ny va ching.

Noo Luke 5:17

As haink eh gy‐kione laa dy row, myr v’eh gynsaghey, dy row Phariseeyn as fir‐ynsee yn leigh nyn soie liorish, v’er jeet magh ass ooilley baljyn Ghalilee, as Judea as Jerusalem: as va pooar y Chiarn feer vreeoil mârish ayns lheihys doghanyn.

Noo Luke 6:18

As adsyn va seaghnit lesh spyrrydyn neu‐ghlen; as va’d er nyn lheihys.

Noo Luke 9:11

As tra hooar y pobble fys er, deiyr ad er: as hug eh oltaghey daue, as loayr eh roo jeh reeriaght Yee, as laanee eh adsyn va feme slaanaghey.

Noo Ean 14:12

Dy firrinagh firrinagh ta mee gra riu, Eshyn ta credjal aynym’s ny obbraghyn ta mish dy yannoo nee eshyn myrgeddin, as obbraghyn smoo na ad shoh nee eh; er‐y‐fa dy vel mish goll royms gys my Ayr.

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Jannoo 5:15

Ayns wheesh as dy dug ad lhieu magh ayns ny straidyn sleih chingey nyn lhie er lhiabbaghyn as lhiaghtyn, dy voddagh eer scadoo Pheddyr goll shaghey; cheet er paart jeu.

Jannoo 5:17

Eisht dirree yn ard‐saggyrt as ooilley ny va mârish (v’ad jeh credjue ny Sadduceeyn) as v’ad lane dy yymmoose,

1 Corinthianee 12:9

Da fer elley credjue liorish y Spyrryd cheddin; da fer elley ny giootyn dy lheihys liorish y Spyrryd cheddin;

Jamys 5:16

Gow‐jee rish nyn voiljyn yn derrey yeh da’n jeh elley, as gow‐jee padjer yn derrey yeh son y jeh elley, dy vod shiu v’er nyn lheihys: S’mooar y bree t’ayns padjer jeean creeoil yn dooinney crauee.