Jannoo 4:9 - Yn Conaant Noa 1810

⁹ My ta shinyn yn laa jiu er nyn veysht mychione yn obbyr vie va jeant er y baccagh, as liorish cre’n saase v’eh er ny laanaghey;

Yn Vible Casherick 1775 1819

⁹ My ta shinyn yn laa jiu er nyn veysht mychione yn obbyr vie va jeant er y baccagh, as liorish cre’n saase v’eh er ny laanaghey;

Jannoo 4:9 Iomraidhean Croise

Noo Ean 10:32

Dreggyr Yeesey ad, Shimmey yn obbyr vie ta mee er hoilshaghey diu veih my Ayr; son quoi jeh ny obbraghyn cheddin ta shiu ry‐hoi m’y chlaghey?

Noo Ean 7:23

My ta dooinney er y doonaght goaill giarey‐chymmylt, son nagh bee leigh Voses er ny vrishey; vel shiuish jymmoosagh rhym’s, son dy vel mee er n’yannoo dooinney ooilley magh slane er y doonaght?

Jannoo 25:26

As er‐y‐fa nagh vel shickyrys aym jeh nhee erbee oddym y scrieu gys my hiarn, ta mee er choyrt lhiam eh magh kiongoyrt riu, agh erskyn ooilley kiongoyrt rhyt’s, ree Agrippa, erreish da ve feyshtit, dy vod red ennagh ve aym dy scrieu.

Jannoo 3:7

As ghow eh er y laue‐yesh eh, as hrog eh seose eh; as chelleeragh ghow ny cassyn as craueyn ny habbaneyn echey niart.

1 Peddyr 4:14

My ta shiu oltooanit er coontey ennym Chreest, s’maynrey ta shiu; son ta’n spyrryd dy ghloyr, as dy Yee tannaghtyn erriu: er yn ayrn ocsyn t’eh oltooanit, agh er yn ayrn euish t’eh er ny ghloyraghey.