Jannoo 4:5 - Yn Conaant Noa 1810

⁵ As haink eh gy‐kione laa ny vairagh, dy row ny fir‐reill oc as y chanstyr, as ny scrudeyryn,

Yn Vible Casherick 1775 1819

⁵ As haink eh gy-kione laa-ny-vairagh, dy row ny fir-reill oc, as y chanstyr, as ny scrudeyryn,

Jannoo 4:5 Iomraidhean Croise

Noo Mark 15:1

As chelleeragh ayns y voghrey hug ny ard‐saggyrtyn, as y chanstyr, as ny scrudeyryn, as y slane coonceil, nyn goyrle dy cheilley, as chiangle ad Yeesey, as leeid ad eh ersooyl, as livrey ad eh gys Pilate.

Noo Luke 20:1

As haink eh gy‐kione er unnane jeh ny laghyn shen, myr v’eh gynsaghey yn pobble ayns y chiamble as preacheil y sushtal, dy ren ny ard‐saggyrtyn as ny scrudeyryn soiaghey er, marish y chanstyr,

Noo Luke 22:66

As cha leah as va’n laa rish, haink shanstyr yn phobble, as ny ard‐saggyrtyn as ny scrudeyryn cooidjagh, as hug ad lhieu eh gys y choonceil oc,

Noo Luke 23:13

As deïe Pilate er ny ard‐saggyrtyn cooidjagh, as er ny fir‐reil as y pobble,

Noo Luke 24:20

As kys ren ny ard‐saggyrtyn as ny fir‐reill ain y livrey eh dy ve er ny gheyrey gys baase, as ta’d er chrossey eh.

Jannoo 4:8

Eisht va Peddyr lhieent lesh y Spyrryd Noo, as dooyrt eh roo, Shiuish reiltee yn phobble, as shanstyr Israel,

Jannoo 5:34

Eisht hass seose ayns y choonceil Pharisee dy row va enmyssit Gamaliel, fer‐ynsee jeh’n leigh, ayns ard‐ghoo mastey ooilley yn pobble, as doardee eh ny ostyllyn dy ve currit magh son tammylt,

Jannoo 6:12

As ghreinnee ad y pobble, as y chanstyr, as ny scrudeyryn, as haink ad as haare ad eh, as hug ad lhieu eh fenish y choonceil,