Jannoo 4:2 - Yn Conaant Noa 1810

² As ayns jiarg‐chorree roo son dy row ad gynsaghey yn pobble, as preacheil trooid Yeesey yn irree‐seose‐reesht veih ny merriu.

Yn Vible Casherick 1775 1819

² As ayns jiarg-chorree roo son dy row ad gynsaghey yn pobble, as preacheil trooid Yeesey yn irree-seose-reesht veih ny merriu.

Jannoo 4:2 Iomraidhean Croise

Jannoo 13:45

Agh tra honnick ny Hewnyn lheid y chaglym dy leih, daase ad feer jymmoosagh, as loayr ad noi ny reddyn va Paul dy livrey, cur eddin da, as oltooaney eh.

Jannoo 17:18

Eisht hoie shiartanse jeh fir‐ynsee ny Epicureanee as ny Stoickyn er: as dooyrt paart jeu, Cre t’ec yn veealerey shoh dy ghra? Dooyrt feallagh elley, T’eh myr dy baillish goaill er‐dy hoiaghey seose Jeeghyn noa: er‐yn‐oyr dy row eh preacheil daue Yeesey, as yn irree‐seose‐reesht.

Jannoo 19:23

As ec y traa cheddin cha nee yn beggan boirey dirrey mychione y chredjue shen.

Jannoo 24:21

Mannagh row eh son yn un choraa shoh hrog mee, tra hass mee ny mast’ oc, Mychione ïrree‐seose‐reesht ny merriu ta mee jiu er my vriwnys lieriu.

Jannoo 26:23

Dy row Creest dy hurranse, as dy nee eh veagh y chied er yinnagh girree veih ny merriu, as soilshey y skeayley magh er y pobble, as er ny Ashoonee.

Jannoo 26:8

Cre’n‐fa veagh eh smooinit red an‐chredjuagh lieriuish, Jee dy vioghey ny merriu?

Jannoo 3:15

As ta shiu er varroo prince y vea, ren Jee y hroggal veih ny merriu; myr ta shinyn nyn veanishyn.

Jannoo 5:17

Eisht dirree yn ard‐saggyrt as ooilley ny va mârish (v’ad jeh credjue ny Sadduceeyn) as v’ad lane dy yymmoose,

Romanee 8:11

Agh my ta’n Spyrryd echeysyn hrog seose Yeesey veih ny merriu, baghey ayndiu; nee eshyn hrog Creest veih ny merriu, ny kirp marvaanagh euish myrgeddin y vioghey, liorish e Spyrryd ta cummal ayndiu.

1 Corinthianee 15:23

Agh dy chooilley ghooinney ayns e choorse hene: Creest yn chied‐vess; ny lurg shen adsyn ta lesh Creest, ec y cheet echey.