Jannoo 3:14 - Yn Conaant Noa 1810

¹⁴ Agh dob shiuish yn Fer‐noo casherick, cairagh, as hir shiu dunver er nyn accan dy ve livreït diu,

Yn Vible Casherick 1775 1819

¹⁴ Agh dob shiuish yn Fer-noo casherick, cairagh, as hir shiu dunver er nyn accan dy ve livreït diu,

Jannoo 3:14 Iomraidhean Croise

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro‐laue jeh cheet yn Ercairagh, eh ta shiuish nish er vrah as er ghunverys:

1 Peddyr 3:18

Son ta Creest myrgeddin er hurranse un cheayrt son peccaghyn, yn fer‐cairagh son ny mee‐chairee, (dy voddagh eh shiu y chur lesh gys Jee,) v’eh er ny choyrt gy‐baase ayns yn eill, agh er ny vioghey liorish y Spyrryd:

Jannoo 4:27

Son ayns firrinys noi dty lhiannoo casherick Yeesey, t’ou er ny ooillaghey, va chammah Herod as Pontius Pilate marish ny Ashoonee as pobble Israel er nyn jaglym cooidjagh,

Jamys 5:6

Ta shiu er gheyrey as er varroo yn er‐cairal; as cha vel eh dy lhiettal shiu.

Jannoo 22:14

As dooyrt eh, Ta Jee ny ayraghyn ain er dty reih, dy voddagh fys y ve ayd er yn aigney echey, as dy voddagh oo yn Fer‐cairagh shen y akin, as clashtyn coraa e veeal.

Ashlish 3:7

As gys ainle agglish Philadelphia, scrieu, Ny reddyn shoh ta’n fer casherick, yn er firrinagh dy ghra, eshyn ta ogher Ghavid echey, eshyn ta fosley, as cha vel dooinney erbee jeigh; as ta jeigh, as cha vel fer erbee fosley:

1 Ean 2:1

My chloan veggey, ta mee scrieu ny reddyn shoh hiuish, nagh jean shiu peccah. As my ta dooinney erbee jannoo peccah, ta fer ain ta loayrt er nyn son rish yn Ayr, Yeesey Creest yn fer‐cairagh:

2 Corinthianee 5:21

Son hug eh ersyn va seyr veih peccah, dy ve oural er nyn son; dy voddagh shinyn v’er nyn seyrey liorish Jee aynsyn.

Jannoo 2:27

Er‐y‐fa nagh vaag oo my annym ayns stayd ny merriu, as nagh lhig oo da dty Er‐casherick loauys y ennaghtyn.

Noo Luke 23:25

As deayshil eh daue, eshyn va son irree‐magh as dunverys tilgit ayns pryssoon, eh v’ad hene er n’yeearree, agh livrey eh Yeesey gys nyn aigney.

Noo Luke 1:35

As dreggyr yn ainle as dooyrt eh r’ee, Hig yn Spyrryd Noo neose ort, as bee pooar yn Er‐syrjey er ny skeayley harryd: shen‐y‐fa bee yn sluight chasherick shen ver oo son y theihll, enmyssit Mac Yee.

Noo Mark 15:11

Agh ghreinnee ny ard‐saggyrtyn y pobble, ad dy yeearree er myr reih, eh dy eaysley daue Barabbas.

Noo Mark 15:7

As va fer va enmyssit Barabbas, va ny phryssoonagh mâroosyn v’er n’irree magh mârish, as v’er n’yannoo dunverys ayns nyn irree‐magh.

Noo Mian 27:20

Agh choyrlee ny ard‐saggyrtyn as shanstyr y phobble ad dy yannoo aghin son Barabbas, as Yeesey y choyrt gy baase.

Noo Ean 16:10

Mychione cairys, son dy vel mee goll roym gys yn Ayr, as nagh vaik shiu mee arragh;

Noo Ean 18:40

Eisht deïe ad ooilley reesht, gra, Cha nee eh shoh, agh Barabbas. Nish va Barabbas ny roosteyr.

Jannoo 5:28

Gra, Nagh dug shinyn sarey gyere diu, gyn shiu dy ynsaghey ayns yn ennym shoh? as cur‐my‐ner, ta shiu er lhieeney Jerusalem lesh yn ynsagh eu, as kiarail tayrn orrin loght fuill y dooinney shoh.

Jannoo 13:28

As ga nagh dooar ad oyr erbee baaish ayn, ny‐yeih ghuee ad er Pilate e vioys y ghoaill.