Jannoo 27:3 - Yn Conaant Noa 1810

³ As yn nah laa haink shin gys Sidon: as hoilshee Julius ard‐chenjallys da Paul, cur kied da goll mastey e chaarjyn dy ooraghey eh hene.

Yn Vible Casherick 1775 1819

³ As yn nah laa haink shin gys Sidon: as hoilshee Julius ard-chenjallys da Paul, cur kied da goll mastey e chaarjyn dy ooraghey eh-hene.

Jannoo 27:3 Iomraidhean Croise

Noo Mian 11:21

Smerg dhyt’s Chorazin, smerg dhyt’s Vethsaida: son dy beagh ny obbraghyn yindyssagh er ny ve jeant ayns Tyre as Sidon, t’er ny ve jeant ayndiuish, veagh ad er ghoaill arrys foddey er‐dy‐henney ayns aanrit‐sack as leoie.

Jannoo 12:20

As va Herod ayns noidys dewil rish cummaltee Tyre as Sidon: agh haink ad lesh un aigney huggey, as hooar ad stiagh rish Blastus, shamyrder y ree, as hir ad shee; er coontey dy row yn cheer oc cummit seose liorish cheer y ree.

Jannoo 24:23

As doardee eh centurion kiarail y ghoaill jeh Paul, as e reamys y lhiggey da, gyn lhiettal veg jeh’n ainjys echey dy hirveish er ny dy heet huggey.

Jannoo 27:1

As tra ve kiarit dy row shin dy ghoaill lhuingys gys Italy, livrey ad Paul as shiartanse dy phryssoonee elley, gys fer va enmyssit Julius centurion v’ayns sheshaght‐chaggee Augustus.

Jannoo 27:43

Agh yn centurion aggindagh Paul y hauail, lhiett eh ad veih shen y yannoo, as doardee eh adsyn oddagh snaue, ad dy hilgey ad hene hoshiaght ayns y cheayn, as ad dy chosney gys y thalloo:

Jannoo 28:16

As tra haink shin gys y Raue, livrey yn centurion ny pryssoonee gys captan y ghard: agh ve lowit da Paul thie y ve echey da hene, marish sidoor va curmit lesh.