Jannoo 26:10 - Yn Conaant Noa 1810

¹⁰ As shen ren mee neesht ayns Jerusalem: as ymmodee jeh ny nooghyn yeigh mee ayns pryssoon, liorish yn phooar v’aym veih ny ard‐saggyrtyn; as tra v’ad er nyn goyrt gy‐baase, hug mee my choraa nyn ’oï oc.

Yn Vible Casherick 1775 1819

¹⁰ As shen ren mee neesht ayns Jerusalem: as ymmodee jeh ny nooghyn yeigh mee ayns pryssoon, liorish yn phooar v’aym veih ny ard-saggyrtyn; as tra v’ad er nyn goyrt gy-baase, hug mee my choraa nyn ’oï oc.

Jannoo 26:10 Iomraidhean Croise

Jannoo 7:58

As hilg ad eh magh ass yn ard‐valley, as chlagh ad eh: as hug ny feanishyn nyn eaddagh ny lhie ec cassyn dooinney aeg, va enmyssit Saul,

Jannoo 8:1

As va aigney Saul lhieu ayns y choyrt eh gy‐baase. As ec y traa shen va tranlaase er ny yannoo er yn agglish va ec Jerusalem; as va’d ooilley er nyn skeayley magh trooid cheeraghyn Yudea as Samaria, cheu‐mooie jeh ny ostyllyn.

Jannoo 8:3

Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

Jannoo 9:21

Agh ghow ooilley ny va dy chlashtyn eh yindys mooar, as dooyrt ad, Nagh nee shoh eh va dy eiyrt gys baase adsyn va geamagh er yn ennym shoh ayns Jerusalem, as nagh daink eh er y chee shen dy chur lesh ad geulit gys ny ard‐saggyrtyn?

Jannoo 9:26

As tra va Saul er jeet gys Jerusalem baillish eh hene y lhiantyn gys sheshaght ny credjuee, agh v’ad ooilley ayns aggle roish, as chamoo ghow ad rish dy nee credjuagh v’eh.

Jannoo 9:32

As haink eh gy‐kione tra va Peddyr goll er e hoshiaght trooid ooilley ny ardjyn mygeayrt, dy daink eh neose myrgeddin gys ny nooghyn va baghey ec Lydda.

Jannoo 9:41

As ghow eh ee er y laue, as hrog eh seose ee: as tra v’eh er n’eamagh er ny nooghyn as ny mraane‐treoghe, ren eh soiaghey ee kiongoyrt roo bio.

1 Corinthianee 15:9

Son she mish y fer sloo jeh ny ostyllyn, nagh vel feeu dy ve er my enmys my ostyl, er‐y‐fa dy ren mee tranlaase er agglish Yee.

Galatianee 1:13

Son ta shiu er chlashtyn jeh m’ymmyrkey‐bea t’er n’gholl shaghey, ayns credjue ny Hewnyn, kys dy ren mee tranlaase erskyn towse y yannoo er agglish Yee, dy stroie eh:

Ephesianee 1:1

Paul ny ostyl dy Yeesey Creest, liorish aigney Yee, gys ny nooghyn t’ayns Ephesus, as hucsyn ta credjal ayns Creest Yeesey:

Ashlish 17:6

As honnick mee yn ven er‐meshtey lesh fuill ny nooghyn, as lesh fuill feanishyn Yeesey: as tra honnick mee ee, ghow mee yindys erskyn towse.