Jannoo 22:3 - Yn Conaant Noa 1810

³ Ta mish dy firrinagh my ghooinney ta my Hew, ruggyr ayns Tarsus, ard‐valley ayns Cilicia, agh va mee troggit ayns yn ard‐valley shoh, ec cassyn Ghamaliel, as ynsit lurg aght s’ynrick leigh nyn shenn‐ayryn, ayns graih jeean gys Jee, myr t’euish ooilley jiu.

Yn Vible Casherick 1775 1819

³ Ta mish dy firrinagh my ghooinney ta my Hew, ruggyr ayns Tarsus, ard-valley ayns Cilicia, agh va mee troggit ayns yn ard-valley shoh, ec cassyn Ghamaliel, as ynsit lurg aght s’ynrick leigh nyn shenn-ayryn, ayns graih jeean gys Jee, myr t’euish ooilley jiu.

Jannoo 22:3 Iomraidhean Croise

Noo Luke 10:39

As va shuyr eck enmyssit Moirrey, hoie myrgeddin ec cassyn Yeesey, clashtyn e ghoo.

Noo Luke 2:46

As haink eh gy‐kione, lurg three laa dy dooar ad eh ayns y chiamble, ny hoie mastey ny fir‐ynsee, chammah geaishtagh roo, as cur feyshtyn orroo,

Noo Luke 8:35

Eisht hie ad magh dy yeeaghyn cre va jeant; as haink ad gys Yeesey, as hooar ad y dooinney, ass va ny drogh‐spyrrydyn er n’gholl, ny hoie ec cassyn Yeesey, as e eaddagh er, as v’eh dy mie ayns e cheeayl: as ghow ad aggle.

Jannoo 11:25

Eisht jimmee Barnabas gys Tarsus dy hirrey Saul. As tra v’eh er gheddyn eh, hug eh lesh eh gys Antioch.

Jannoo 15:23

As hug ad screeuyn lhieu er yn aght shoh, Ta ny ostyllyn, as y chanstyr, as ny braaraghyn cur bannaght gys ny braaraghyn ta jeh ny Ashoonee ayns Antioch, as Syria as Cilicia.

Jannoo 15:41

As huill eh trooid Syria as Cilicia, niartaghey ny kialteenyn ayns nyn gredjue.

Jannoo 21:20

As tra cheayll ad shen, ren ad y Chiarn y ghloyraghey, as dooyrt ad rish, T’ou fakin, vraar, cre whilleen thousane jeh ny Hewnyn t’er ghoaill yn credjue orroo; as ta graih jeean oc ooilley son y leigh.

Jannoo 21:39

Agh dooyrt Paul, Ta mish my ghooinney ta my Hew, veih Tarsus, ard‐valley ayns Cilicia, my chummaltagh dy ard‐valley ooasle; as ta mee guee ort kied y chur dou loayrt rish y pobble.

Jannoo 23:34

As tra va’n kiannoort er lhaih yn screeuyn, dênee eh cre’n cheer v’eh jeh. As tra hoig eh dy row eh jeh Cilicia;

Jannoo 23:6

As tra denee Paul dy row yn derrey ayrn jeu nyn Sadduceeyn, as yn ayrn elley nyn Phariseeyn, deïe eh ayns y choonceil, Gheiney as vraaraghyn, ta mish my Pharisee, my vac da Pharisee: son y treishteil as irree‐seose‐reesht ny merriu ta mee er my vriwnys.

Jannoo 26:5

Bione daue mee er‐dyn toshiaght (my yinnagh ad feanish y ymmyrkey) lurg yn aght schenney jeh’n chredjue ain, dy ren mee beaghey my Pharisee.

Jannoo 26:9

Ghow mish dy jarroo aym pene dy lhisin ymmodee reddyn y yannoo noi ennym Yeesey dy Nazareth.

Jannoo 5:34

Eisht hass seose ayns y choonceil Pharisee dy row va enmyssit Gamaliel, fer‐ynsee jeh’n leigh, ayns ard‐ghoo mastey ooilley yn pobble, as doardee eh ny ostyllyn dy ve currit magh son tammylt,

Jannoo 6:9

Eisht dirree shiartanse jeh yn synagogue ta enmyssit ny Libertinee, as jeh ny Cyrenianee, as Alexandrianee, as jeusyn jeh Cilicia as Asia, pleadeil rish Steaon.

Jannoo 9:1

As Saul foast fockley‐magh haggyrtyn as baase noi credjuee yn Chiarn, jimmee eh gys yn ard‐saggyrt,

Jannoo 9:11

As dooyrt y Chiarn rish, Irree, as immee gys y traïd ta enmyssit y traïd Yeeragh, as jean briaght ayns thie Yudas, son fer ta enmyssit Saul jeh Tarsus: son cur‐my‐ner, t’eh ec padjer,

Jannoo 9:30

Agh tra hoig ny braaraghyn shoh, hug ad lhieu eh sheese gys Cesarea, as hug ad eh er e hoshiaght gys Tarsus.

Romanee 11:1

Ta mee gra eisht, Vel Jee er hilgey jeh e phobble hene! Ny lhig eh Jee. Son ta mee hene myrgeddin my Israelite jeh sluight Abraham, jeh sheeloghe Venjamin.

2 Corinthianee 11:22

Nee Hebrewnee ad? ta mish myrgeddin: nee Israeliteyn ad? ta mish myrgeddin: nee sluight Abraham ad? ta mish neesht.

Galatianee 1:14

As ayns credjue ny Hewnyn va mee ynsit erskyn ymmodee my choasanyn ayns my ashoon hene, shassoo jeean son cliaghtaghyn m’ayraghyn.

Galatianee 1:21

Lurg shen haink mee gys ardjyn Syria as Cilicia.