Jannoo 22:12 - Yn Conaant Noa 1810

¹² As haink hym fer dy row enmyssit Ananias, dooinney crauee cordail rish y leigh, echey va goo mie veih ooilley ny Hewnyn va cummal ayns shen,

Yn Vible Casherick 1775 1819

¹² As haink hym fer dy row enmyssit Ananias, dooinney crauee cordail rish y leigh, echey va goo mie veih ooilley ny Hewnyn va cummal ayns shen,

Jannoo 22:12 Iomraidhean Croise

Noo Luke 2:25

As cur‐my‐ner va dooinney ayns Jerusalem va enmyssit Simeon; as va’n dooinney cheddin cairagh as crauee, farkiaght son gerjagh Israel: as va’n Spyrryd Noo ersyn.

Jannoo 10:22

As dooyrt adsyn Cornelius yn centurion, dooinney cairagh, as beaghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Jannoo 17:4

As ren paart jeu credjal, as lhiantyn gys Paul as Silas: myr ren earroo mooar jeh ny Greekyn crauee, as myrgeddin dy vraane seyrey.

Jannoo 6:3

Shen‐y‐fa, vraaraghyn, jeeagh‐jee magh ny mast’ eu hene, son shiaght deiney dy ghoo mie, lane jeh’n Spyrryd Noo as jeh creenaght, dooinyn dy choyrt yn currym shoh orroo.

Jannoo 8:2

As hrog deiney crauee lhieu Steaon dy oanluckey eh, as ren ad dobberan hrimshagh harrish.

2 Corinthianee 6:8

Liorish ooashley as mee‐ooashley, liorish drogh‐ghoo as goo mie; myr molteyryn, as ny‐yeih firrinagh;

1 Timothy 3:7

Shegin da myrgeddin goo mie ve echey vouesyn ta mooie; er‐aggle dy duitt eh fo scammylt, as ribbey yn drogh‐spyrryd.

Hebrewnee 11:2

Son liorish ren ny shenn‐ayryn cosney goo mie.

3 Ean 1:12

Ta goo mie ec Demetrius veih dy chooilley ghooinney, as veih’n irriney hene: dy jarroo, as ta shinyn myrgeddin gymmyrkey feanish, as ta fys eu dy vel y feanish ainyn firrinagh.