Jannoo 21:6 - Yn Conaant Noa 1810

⁶ As tra va shin er ghoaill nyn gied jeh cheilley, ghow shin lhuingys; as hyndaa adsyn thie reesht.

Yn Vible Casherick 1775 1819

⁶ As tra va shin er ghoaill nyn gied jeh cheilley, ghow shin lhuingys; as hyndaa adsyn thie reesht.

Jannoo 21:6 Iomraidhean Croise

Noo Luke 15:20

As hrog eh er, as haink eh gys e ayr. Agh tra v’eh foast foddey veih, honnick e ayr eh, as va chymmey echey er, as roie eh, as ghow eh eh ayns e roihaghyn, as phaag eh eh.

Noo Ean 1:11

Haink eh gys e vooinjer hene, agh cha ren e vooinjer hene soiaghey jeh.

Noo Ean 16:32

Cur‐my‐ner ta’n oor cheet, as eer nish er jeet, dy bee shiu er nyn skeayley dy chooilley ghooinney gys e ynnyd hene, as dy vaag shiu mish my lomarcan: as foast cha vel mee my lomarcan, er‐y‐fa dy vel yn Ayr mârym.

Noo Ean 19:27

Eisht dooyrt eh rish yn ostyl, Cur‐my‐ner dty voir. As veih’n oor shen ghow yn ostyl ee gys e hie hene.

Noo Ean 7:53

As jimmee dy chooilley ghooinney roish gys e hie hene.

2 Corinthianee 2:13

Cha row fea aym ayns my spyrryd, son nagh dooar mee Titus my vraar: agh faagail bannaght oc, hie mee veih shen gys Macedonia.