Jannoo 2:42 - Yn Conaant Noa 1810

⁴² As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Yn Vible Casherick 1775 1819

⁴² As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 2:42 Iomraidhean Croise

Noo Luke 24:30

As haink eh gy‐kione, myr v’eh ny hoie ec bee mâroo, dy ghow eh arran, as vannee eh, as vrish eh, as hirveish eh orroo eh.

Noo Luke 24:35

Eisht dinsh adsyn cre ny reddyn va jeant er y raad, as kys hug ad enney er, liorish brishey arran.

Jannoo 1:14

Chum ad shoh ooilley dy cheilley lesh un aigney ayns padjer as aghin, marish ny mraane, as Moirrey moir Yeesey, as e vraaraghyn.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 14:22

Niartaghey anmeenyn ny Creesteenyn, as coyrlaghey ad dy hannaghtyn ayns y chredjue, as dy nhegin dooin trooid ymmodee seaghyn goll stiagh ayns reeriaght Yee.

Jannoo 2:46

As taaghey yn chiamble gagh‐laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 20:11

Tra v’eh er‐y‐fa shen er jeet seose reesht, as er vrishey arran, as er n’ee, as er daggloo foddey, gys eer brishey’n laa, jimmee eh roish.

Jannoo 20:7

As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa ny vairagh, chum eh seose loayrt derrey mean‐oie.

Jannoo 4:23

As erreish da’n raad va lhiggit daue, hie ad gys nyn sheshaght hene, as hug ad coontey daue jeh ooilley ny va ny ard‐saggyrtyn as y chanstyr er ghra.

Jannoo 4:31

As erreish daue v’er ghoaill padjer, chrie yn boayl raad va’d er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Jannoo 6:4

Agh nee shinyn tannaghtyn kinjagh dy hirveish ayns padjer as preacheil y goo.

Romanee 12:12

Gennal ayns treishteil; surransagh ayns seaghyn; tannaghtyn kinjagh ayns padjer:

1 Corinthianee 10:21

Cha vod shiu giu jeh cappan y Chiarn, as jeh cappan drogh‐spyrrydyn: cha vod shiu ayrn y ghoaill ec boayrd y Chiarn, as ec boayrd drogh‐spyrrydyn.

1 Corinthianee 11:2

Nish ta mee moylley shiu, vraaraghyn, dy vel shiu cooinaghtyn orrym ayns dy chooilley nhee, as freayll ny oardaghyn myr livrey mee ad diu.

1 Corinthianee 14:6

Nish, vraaraghyn, my hig‐yms hiuish loayrt lesh chengaghyn joarree, cre‐woad share vees shiu, mannagh loayr‐ym riu, edyr liorish ashlish, ny liorish tushtey, ny liorish phadeyrys, ny liorish ynsagh?

Galatianee 1:6

Ta mee goaill yindys, dy vel shiu cha leah er nyn jyndaa, voishyn ren shiuish y eam trooid grayse Chreest, gys sushtal elley:

Ephesianee 2:20

As troggit er undin ny ostyllyn as phadeyryn, Yeesey Creest hene yn ard chlagh‐chorneilagh;

Ephesianee 6:18

Guee dy kinjagh lesh dy chooilley phadjer as accan ayns y Spyrryd, as gys shoh er nyn arrey lesh slane tannaghtyn as aghin son ooilley ny nooghyn;

Philippianee 1:5

Son y co‐ayrn eu ayns y sushtal veih’n chied laa gys nish;

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 4:2

Jean‐jee tannaghyn ayns padjer, as bee‐jee dooishtagh ’sy chooid cheddin lesh toyrt‐booise;

2 Timothy 3:14

Agh tannee uss ayns ny reddyn t’ou er n’ynsaghey, as er chredjal dy shickyr, toiggal quoi veih t’ou er n’ynsaghey ad;

Hebrewnee 10:25

Cha nee treigeil yn chaglym cooidjagh ain hene, myr ta chaghtey paart; agh coyrlaghey yn derrey yeh yn jeh elley: as wheesh shen smoo, myr ta shiu fakin yn laa tayrn er‐gerrey.

Hebrewnee 10:39

Agh cha vel shin jeh nyn lheid ta tayrn back gys y toyrt‐mow oc hene; agh jeusyn ta credjal, gys saualtys anmey.

1 Ean 1:3

Shen ny ta shin er vakin as er chlashtyn, ta shin dy hoilshaghey diuish, dy vod shiuish myrgeddin ayrn y ghoaill mârin: as dy jarroo ta’n chommeeys ain marish yn Ayr, as marish e Vac Yeesey Creest.

1 Ean 1:7

Agh my ta shin gimmeeaght ’sy toilshey, myr t’eshyn ’sy toilshey, ta shin freayll sheshaght yn derrey yeh rish y jeh elley, as ta fuill Yeesey Creest e Vac glenney shin veih dy chooilley pheccah.

1 Ean 2:19

Hie ad magh voïn, agh cha row ad j’in: son dy beagh ad j’inyn, v’ad dyn dooyt er hannaghtyn mârin: agh hreig ad shin, dy voddagh enney v’er ny choyrt orroo, nagh row ad ooilley j’inyn.

Jude 1:20

Agh shiuish, chaarjyn, troggal shiu hene er [undin] nyn gredjue smoo casherick, goaill padjer ayns y Spyrryd Noo,