Jannoo 2:1 - Yn Conaant Noa 1810

¹ As tra va laa ny Kingeesh er jeet, v’ad ooilley lesh un aigney ’syn un voayl.

Yn Vible Casherick 1775 1819

¹ As tra va laa ny Kingeesh er jeet, v’ad ooilley lesh un aigney ’syn un voayl.

Jannoo 2:1 Iomraidhean Croise

Jannoo 1:5

Son ren Ean dy firrinagh bashtey lesh ushtey; agh bee shiuish ayns traa gerrit er nyn mashtey lesh y Spyrryd Noo.

Jannoo 1:8

Agh yiow shiu pooar veih’n Spyrryd Noo hig erriu: as bee shiu nyn veanishyn dooys chammah ayns Jerusalem, as ayns ooilley Judea, as ayns Samaria, as gys ny ardjyn sodjey magh jeh’n theihll.

Jannoo 2:46

As taaghey yn chiamble gagh‐laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 20:16

Son va Paul kiarit dy hiaulley shaghey Ephesus, er‐y‐fa nagh row eh booiagh yn traa y vaarail ayns Asia; son v’eh ayns preish siyr, er dy chooilley chor dy ve ec Jerusalem er laa ny Kingeesh.

Jannoo 4:24

As tra cheayll ad shen, hrog ad seose nyn goraa gys Jee lesh un aigney, as dooyrt ad, Hiarn, uss yn Jee t’er chroo niau as thalloo, as y faarkey, as ooilley ny t’ayndoo;

Jannoo 4:31

As erreish daue v’er ghoaill padjer, chrie yn boayl raad va’d er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Jannoo 4:32

As va’n earroo jeusyn ren credjal jeh’n un chree as yn un annym; chamoo dooyrt fer jeu, dy by‐lesh hene va nhee erbee jeh e chooid‐seihlt, agh va dy chooilley nhee oc ayns co‐pharteeys cadjin.

Jannoo 5:12

As liorish laueyn ny hostyllyn va ymmodee cowraghyn as yindyssyn er nyn yannoo mastey’n pobble; (as v’ad ooilley lesh un aigney ayns phorch Solomon.

Romanee 15:6

Dy vod shiu lesh un aigney as un veeal Jee y ghloyraghey, dy jarroo Ayr nyn Jiarn Yeesey Creest.

1 Corinthianee 16:8

Agh fuirr‐ym ec Ephesus derrey’n Chingeesh.

Philippianee 1:27

Erskyn ooilley, lhig da’n ymmyrkey‐bea eu ve cordail rish sushtal Chreest: myr shen edyr mee dy heet dy yeeaghyn shiu, ny gyn cheet, dy voddym clashtyn jeh nyn stayd, dy vel shiu shassoo shickyr ayns un Spyrryd, lesh un aigney streeu cooidjah son credjue yn tushtal;

Philippianee 2:2

Jean‐jee my voggey y yannoo magh, dy vod shiu ve jeh’n aigney cheddin, yn ghraih cheddin y ve eu, jeh un chree, jeh un smooinaghtyn.