Jannoo 19:2 - Yn Conaant Noa 1810

² As dooyrt eh roo, Vel shiu er gheddyn yn Spyrryd Noo neayr as ren shiu credjal? Dooyrt adsyn rish, Cha vel shin wheesh as er chlashtyn vel Spyrryd Noo ayn.

Yn Vible Casherick 1775 1819

² As dooyrt eh roo, Vel shiu er gheddyn yn Spyrryd Noo neayr as ren shiu credjal? Dooyrt adsyn rish, Cha vel shin wheesh as er chlashtyn dy vel Spyrryd Noo ayn.

Jannoo 19:2 Iomraidhean Croise

Noo Ean 7:39

(Agh shoh loayr eh jeh’n Spyrryd, v’adsyn va credjal ayn ry‐hoi gheddyn: son cha row yn Spyrryd Noo foast er ny choyrt, er‐yn‐oyr nagh row Yeesey foast er ny ghloyraghey.)

Jannoo 10:44

Choud as va Peddyr loayrt ny goan shoh, huitt y Spyrryd Noo orroosyn ooilley va clashtyn y goo.

Jannoo 19:5

Tra cheayll ad shen, v’ad er nyn mashtey ayns ennym y Chiarn Yeesey.

Jannoo 2:17

As hig eh gy‐kione ayns ny laghyn jerrinagh (ta Jee gra) dy deayrt‐yms magh jeh my Spyrryd er dy chooilley eill: as nee ny mec as ny inneenyn eu phadeyrys, as nee ny deiney aegey eu ashlishyn y akin, as ny shenn gheiney eu dreamallyn y ghreamal:

Romanee 1:11

Son ta foddiaght orrym dy akin shiu, dy voddym gioot ennagh spyrrydoil y hirveish erriu, dy vod shiu ve er ny niartaghey;

1 Corinthianee 6:19

Cre, nagh vel fys eu dy vel y corp eu chiamble y Spyrryd Noo ta ayndiu, ta eu veih Jee, as cha vel shiu lhieu hene?

Galatianee 3:5

Eshyn er‐y‐fa shen ta shirveish yn Spyrryd erriuish, as ta gobbraghey mirrillyn nyn mast’ eu, vel eh dy yannoo eh liorish obbraghyn y leigh, ny liorish y clashtyn dy chredjue?