Jannoo 16:5 - Yn Conaant Noa 1810

⁵ As shen myr va ny kialteenyn er nyn niartaghey ayns y chredjue, as er nyn mishaghey ayns earroo gagh laa.

Yn Vible Casherick 1775 1819

⁵ As shen myr va ny kialteenyn er nyn niartaghey ayns y chredjue, as er nyn mishaghey ayns earroo gagh laa.

Jannoo 16:5 Iomraidhean Croise

Jannoo 11:21

As va laue yn Chiarn mâroo: as ren earroo mooar dy leih credjal as chyndaa gys y Chiarn.

Jannoo 12:24

Agh ren goo Yee gaase as bishaghey.

Jannoo 15:41

As huill eh trooid Syria as Cilicia, niartaghey ny kialteenyn ayns nyn gredjue.

Jannoo 2:47

Cur moylley da Jee, as ayns ard‐ghoo rish ooilley yn pobble. As va’n Chiarn cur stiagh gys yn agglish gagh‐laa lheid as va shirrey son saualtys.

Jannoo 4:4

Ny‐yeih ren ymmodee jeusyn credjal v’er chlashtyn y goo; as va earrooyn ny deiney mysh queig thousaneyn.

Jannoo 5:14

As ren earrooyn mooarey dy chredjuee chyndaa gys y Chiarn, chammah dy gheiney as dy vraane.)

Jannoo 6:7

As ren goo Yee bishaghey: as daase earroo ny credjuee ny smoo as ny smoo ayns Jerusalem; as haink sheshaght vooar jeh ny saggyrtyn dy ve biallagh gys y chredjue.

Jannoo 9:31

Eisht myr va fea ec ny kialteenyn trooid ooilley Judea, as Galilee, as Samaria, v’ad er nyn niartaghey ’sy chredjue; as gimmeeaght ayns aggle y Chiarn, as ayns gerjagh yn Spyrryd Noo, v’ad er nyn mishaghey.

Romanee 16:25

Nish dasyn ta pooaral dy niartaghey shiu cordail rish yn sushtal aym’s, as preacheil Yeesey Creest, (cordail rish soilshaghey yn folliaght, v’er ny cheiltyn er dy hoshiaght y theihll,

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

Galatianee 5:1

Shass‐jee shickyr er‐y‐fa shen ’sy reamys ta Creest er chosney dooin, as ny bee‐jee kianlt reesht fo’n whing dy vondiaght.

Colossianee 2:6

Myr ta shiu eisht er ghoaill rish Creest Yeesey nyn Jiarn, myr shen jean‐jee gimmeeaght aynsyn:

1 Thessalonianee 3:13

Gys y jerrey dy vod eh niartaghey ny creeaghyn eu gyn‐loght ayns casherickys kionfenish Jee, dy jarroo nyn Ayr, ec cheet nyn Jiarn Yeesey Creest, marish ooilley e nooghyn.

1 Thessalonianee 3:2

As chur shin Timotheus nyn mraar as shirveishagh Yee, as nyn sheshey‐labree ayns sushtal Chreest, dy niartaghey shiu, as dy gherjaghey shiu mychione nyn gredjue:

2 Thessalonianee 2:16

Nish dy jean y Chiarn Yeesey Creest hene, as Jee dy jarroo nyn Ayr, t’er ny ve graihagh orrin, as er choyrt dooin gerjagh dy bragh farraghtyn, as treishteil mie, trooid grayse,

Hebrewnee 13:9

Ny bee‐jee er nyn imman noon as noal lesh ymmodee ynsaghyn joarree: son te red mie dy bee’n cree er ny niartaghey lesh grayse, cha nee ayns y leigh mychione bee, nagh vel er ve vondeishagh dauesyn t’er chur tastey daue.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,