Jannoo 15:2 - Yn Conaant Noa 1810

² Tra va streeu er‐y‐fa shen as resooney nagh nee beggan er ve ec Paul as Barnabas roo, ghow ad ayns laue dy ragh Paul as Barnabas as shiartanse elley mâroo, seose gys Jerusalem gys ny ostyllyn as y chanstyr mychione y question shoh.

Yn Vible Casherick 1775 1819

² Tra va streeu er-y-fa shen as resooney nagh nee beggan er ve ec Paul as Barnabas roo, ghow ad ayns laue dy ragh Paul as Barnabas as shiartanse elley mâroo, seose gys Jerusalem gys ny ostyllyn as y chanstyr mychione y question shoh.

Jannoo 15:2 Iomraidhean Croise

Jannoo 10:23

Eisht deïe eh orroo stiagh, as hooar eh aaght daue. As laa ny vairagh jimmee Peddyr mâroo, as hie myrgeddin shiartanse jeh ny braaraghyn mârish veih Joppa.

Jannoo 11:12

As doardee yn Spyrryd dou goll mâroo, fegooish mee‐ourys erbee. As haink ny shey braaraghyn shoh ry heshaght mârym, as hie shin stiagh ayns thie yn dooinney:

Jannoo 11:30

As shen myr ren ad neesht, as hug ad eh gys y chanstyr liorish laueyn Barnabas as Saul.

Jannoo 15:25

Ta shinyn (lesh un aigney er nyn jaglym cooidjagh) er vakin eh mie, dy chur deiney reiht hiuish, marish nyn mraaraghyn graihagh Barnabas as Paul;

Jannoo 15:27

Ta shin er‐y‐fa shen er chur hiu Judas as Silas, nee ny reddyn cheddin y insh diu ass nyn meeal hene.

Jannoo 15:4

As tra v’ad er jeet gys Jerusalem, ghow yn agglish dy arryltagh roo, myr ren ny ostyllyn as y chanstyr, as hug ad coontey jeh dy chooilley nhee va Jee er n’yannoo lhieu.

Jannoo 16:4

As myr v’ad goll trooid ny ard‐valjyn, livrey ad daue ny oardaghyn dy reayll, va sarit liorish ny ostyllyn as y chanstyr va ec Jerusalem.

Jannoo 21:18

As yn laa er‐giyn hie Paul stiagh mârin gys Jamys; as va ooilley yn chanstyr kionfenish.

1 Corinthianee 1:1

Paul eït dy ve Ostyl Yeesey Creest, liorish aigney Yee, as Sosthenes nyn mraar.

2 Corinthianee 11:5

Son ta mee goaill orrym nagh row mee veg ergooyl ny eer ostyllyn b’yrjey.

Galatianee 2:5

Agh daue shoh cha dug shin raad choud as un oor dy ve foue; dy voddagh firrinys y tushtal tannaghtyn mêriu.

Jude 1:3

Chaarjyn, tra va mish ayns lane imnea dy scrieu hiuish mychione y taualtys cadjin, ve ymmyrchagh dooys dy scrieu hiu, as dy choyrlaghey shiu dy jeean dy hassoo seose son y chredjue va un cheayrt er ny livrey da ny nooghyn.