Jannoo 14:9 - Yn Conaant Noa 1810

⁹ Cheayll eh shoh Paul loayrt; as yeeagh Paul dy gyere er, as cur‐my‐ner dy row credjue echey dy ve er ny lheihys,

Yn Vible Casherick 1775 1819

⁹ Cheayll eh shoh Paul loayrt; as yeeagh Paul dy gyere er, as cur-my-ner dy row credjue echey dy ve er ny lheihys,

Jannoo 14:9 Iomraidhean Croise

Jannoo 3:4

As yeeagh Peddyr dy gyere er, myr ren Ean, as dooyrt eh, Jeeagh orrin.

Noo Mian 15:28

Er shen dansoor Yeesey, as dooyrt eh r’ee, O ven, s’mooar ta dty chredjue: yn aghin t’ou dy yeearree dy row ayd. As va’n inneen eck er ny lheihys veih’n oor cheddin.

Noo Mark 10:52

As dooyrt Yeesey rish, Immee royd; ta dty chredjue er dty laanaghey. As cheleeragh hooar eh e hoilshey, as jimmee eh marish Yeesey er y raad.

Noo Mark 2:5

Tra hug Yeesey tastey da’n chredjue oc, dooyrt eh rish y dooinney ching, Vac, ta dty pheccaghyn er nyn leih dhyt.

Noo Mian 13:58

As cha nhimmey mirril dobbree eh ayns shen, kyndagh rish y vee‐chredjue oc.

Noo Mian 9:22

Agh hyndaa Yeesey mygeayrt, as tra honnick eh ee, dooyrt eh, Inneen, bee dy yien mie; ta dty chredjue er dty laanaghey. As va’n ven er ny lheihys veih yn oor shen magh.)

Noo Mian 8:10

Tra cheayll Yeesey shoh ghow eh yindys, as dooyrt eh roosyn va geiyrt er, Dy firrinagh ta mee gra riu, Lheid y credjue lajer shoh, cha vel mee er gheddyn ayns Israel hene.

Noo Mark 8:25

Ny lurg shen, hug eh e laueyn reesht er e hooillyn, as hug eh er jeeaghyn seose: as hooar eh e hoilshey, as honnick eh dy chooilley ghooinney dy cronnal.

Jannoo 10:4

As tra yeeagh eh lesh, va aggle er, as dooyrt eh, Hiarn, cre shoh? As dooyrt eh rish, Ta dty phadjeryn as dty ghiastyllys er jeet seose son imraa kiongoyrt rish Jee.